انقذتني روح

البارت الخامس عشر

انقذتني رووح
البارت الخامس عشر
بقلم انيين الليل
/////////////////////////////
هدى
بنفس اليوم العصر سمعت سميه تگلي // هداوي ما ترحين وياي للسوك نشتري شغلات
جاوبتها = لا ما اريد اروح
سميه // ليش هدى امشي يجوز يعجبج شي تحبين تشترينه
=. لا سميه  ما بيه حيل
سميه // براحتج اخذ نجلاء
راحت سميه هي ونجلاء المغرب رجعن جايبات السوك وجايات شافتني سميه حاجتني

---هاج حبي هدى هذن الج
جانن هواي علاليك انا ما حجيت بس الحجيه بادرت بالكلام

،،،،،،،يمه هذن ملابس الج فكي حزنج انتي عروس

اخذتهن وتشكرتهن ورحت للغرفه فتحت العلاليك شفت سميه جايبه ملابس نوم يخلسن ودشاديش واحذيه
واجتني سميه وهيه تگلي
- - بس كون ذوقي يعجبج 0شنو تردين كولي احنه شكم هداوي عدنا
انا جاوبتها = بس هذن اهواي شدعوه
سميه وهيه تجر خدي وتگلي بابتسامه // ولك الغالي يرخصلك ياحلو يالله اشو قيسيهن 

انا اتشكرت منهم وفعلا سميه جايبه شغلات تهبل بدلات نوم ملابس بيت وملابس طلعه عطورات مكياجات بس
كل هذا مو0 بعيني كنت اتمنى يجيبلي ويا لو دمبوس للحجاب هم افرح لان احس انو انا متزوجه وهو معتبرني
ولو شي بسيط بحياته بس لا حياة لمن تنادي

الكل بالبيت مشغول وبنفس الوقت ضايجين ما عدا وسام يدخل مبتسم ويطلع مبتسم ويغني لو يخابر ويضحكً بصوت
عالي اسمعه يتشاقى ويه صحبانه واكثر المرات يخابر ويسولف بهمس وشغف اعرف هاي حبيبته الي راح
تصير زوجته اشوف الكل ملتهي اما انا مالي شغل حتى ما اسئل لان اعرف هاي التحضيرات للعرس
مرة طلب الشيخ استكان چاي انا اخذته اله للذيوان الداخلي  وأسمع ابو يحچي ويا
- لا بابا تريد هي تسوي حنه خلي تسوي بس احنه عيب من عمك والله لو ما هو كلي خلي وسام يفرح فلا
اسويلك عرس  ولا اعزم تريد هيه هناك تسوي انت أنطيها فلوس وخلي تسوي الحبايبها
وسام من شافني كأنما يسمعني ::والعرس هم ما تسوي بقاعه
الشيخ// شنو قاعه اكلك حتى لو ما عدنا حزن هم ما اسوي بقاعه شيوخ وناس تجي
خلي هي تسوي حفله ومناك روح الها وصورو بكيفكم ومن تكملون جيبها للمزرعه تدري احنه ملتهين
شيوخ وعالم وناس اوليمه جبيرة
:: ها حجي يعني اروح اجيبها  ابحدي
الشيخ  // عود يروح وياك فراس ومشتاق ومناك خلي صحبانك يجولك
وسام بأس ايد ابو ونفس صوته ::الله يطول عمرك حجي ويخليك خيمه على رؤوسنا
الشيخ ،،،،،// الله يرضى عليك وانت  اذا تريدني صدك أرضى عليك لا تنسى شرع رب العالمين يعني لازم تعدل
وسام،::أن شا الله يأبه انت تامر أمر بس اول شهر لا حجي تدري عريس وماخذ الي يتمناها كلبي
والعمر كله أحلم بيها عود وره الشهر يصير خير
الشيخ //اكلك شو ما تستحي شنو اول واحد يتزوج وماخذمن الليدي ديانه وما ندري بطل اوسيم كافي تره كاشفك
وسام يضحك ::حجي انت تمون بكيفك ما طول اخذ حب حياتي هذا هو
🙏🙏🙏🙏🙏🙏🙏🙏🙏🙏