انقذتني روح

البارت الثالث

انقذتني روح ::انين الليل ::
البارت الثالث #انين الليل #

بين ما كان كريم يضرب بيه ويعت بشعري انفتح باب الإستقبال واجه
واحد عليه يركض.انا ما ميزت منو لان ما اشوف من كثر الضرب
بس عرفته من صوته وهو يكله
ولك كريم منو هاي المستهتره وما الها رداد
فكاني و.ضرب كريم راشدي فر رأسه وهو يحجي ويا بغضب وصوت عالي
/ولك هاي وانا عدل من أموت شتسوي
هذا صوت ابوي ،،

بابا الصبح راح للمحل كعدنا اتريكنا انا ويا وامي وقبل لايروح انطاني فلوس الدورات وكلي سجلي بكل الدروس انا كتله
--لا بابا اريد عربي وكيميا ورياضيات
هو باوعلي واتقرب عليه /:هداوي سجلي كل الدروس شفتهمتي
وباسني بخدي
انا هزيت راسي بالايجاب وراح للمحل بعد ان امي كلتله نريد مخضر
امي كلتلي انطيني الفلوس انطيهن الكريم حتى لا يظل اباله
من نزل كريم امي كلتله /:هاك يمه هاي فلوس خلاهن ابوك للدورات مال هدى ويكول خلي هدى تسجل كل الدروس
هو اخذهن وهو ساكت
وجانت دووم تجي يمهم (ام مسلم) وهي مره جبيره تبيع سمج
كان بابا يشتري منها لان سمجها تازة وهي امريه ارمله تكد على
ايتام كل فتره تمر على ابوي ساعات يوديها النه للبيت وساعات يدز
السمج بيد مصطفى ويه المسواك ذاك اليوم ابوي أخذ منها سمجتين كبار
واكو بسطيه شويه عنه انطى فلوس المصطفى وكله أخذ مسواك
للبيت واخذ هذني السمجات وكل الخالتك ام كريم خلي تشويلنه هاي السمجه الجبيرة ع الحطب
واجه مصطفى وانطاني المسواك وصار الي صار
من اجانه مصطفى للبيت اتصل صديق ابوي على بابا //الو
،ابو نظير /السلام عليكم خويه أبو اكريم
،،بابا بمزاح /عليكم السلام هلا ابو انظير اشلونك
،،أبو نظير //الحمد لله بخير اكلك حاتم
،بابا//خير؟
،،أبو نظير //حجي عبد الحميد انطاك عمره قبل شويه والتشييع فد ساعه تروح لا
،،بابا//إنا لله وإنا إليه راجعون اي طبعا اروح لا اله الا الله صويحبنا
وعشرة عمر ما دايم غير وجه الكريم هسه شويه  اروح للبيت اغيرملابسي واجي انتظرني مو تروح
،ابو نظير // تمام  ابو كريم اتانيك بمحلي بس لا تتاخر
بابا //. لا مسافة الطريق
وركب بابا السياره بعد ما وصى العمال عه المحل واجه هو عنده مفتاح  اتفاجأ بالهوسه ودخل
وهو يشوف شلون كريم يضرب بيه وانا أصرخ وامي ما تكدر تفكنه
شاف ابوي الموقف ظل يرجف ولزم كريم وضربه راشدي وكله

،بابا// شلون تضربها وبأي حق
،،كريم //بحق اني انا اخوها الجبير
،بابا//طاح حظك اخوها الجبير تطلع مراجلك عليها
كريم بعصبيه //واكسر راسها واعوقها
بابا //انجب الي يسمعك شيكول شمسويه
،كريم //طلعت المصطفى ما لابسه حجاب
،،امي //جذاب حاتم وداعتك اصلا كريم  ما شافها البنيه شادته على رأسها
مثل العصابه وجاي تنظف بالبيت وهو چان فوك بس هو مرته تناگرت ويه هدى وراحت حچتله
وهو رادها على البنيه  من ألله على الله ولا جنها اخته ويعرفها
اهنا تهاني وهي متخوصره //بالله خاله لا تخليني بالوسطه انا شعلي اخو وأخته
،،امي //ها يعني مو انتي الحجيتي وظليتي تصيحين وتتبجبجين وهو نزل
،،بابا وهو يرجف //ولك كريم بيك خير ضب مرتك بتي لا توصللها
حتى من اموت ما لك غرض بيها
،كريم بعصبيه //شنو يابه شبيها مرتي كلي شنو شايف عليها
،بابا //ما بيها شي بس افتهم انت مسؤول عن تصرفات مرتك وبتي انا مسؤول عنها
تهاني صارت تبجي //كريم خلي ارووح الاهلي ابوك من اول ما دخلت
لهذا البيت وهو ما يريدني وانوب كملتها امك واختك
بابا بدون ما يباوع الها /:انتي محد جاي يمج ومحد اله شغل بيج
جاي احجي ويه ابني واكله بتي محد يوصلها وانا عدل وحتى وانا
ميت انت ما الك اي شغل بيها سمعتني
،كريم بتحدي //والله اوصلها واكسر رأسها هالحقيره ومحد ايكظني منها