البارت الأول
انقذتني روح ،،،أنين الليل،
السلام عليكم
سوف أبدأ سرد قصتي على لساني بعد ان طلبت من ست انيين ان تكتبها وتنشرها لاخذ العبره والفائده اتمنى ان تنال رضاكم
انا هدى
عمري 18 سنه في مرحلة السادس العلمي قبل ان يصير احيائي وتطبيقي نسكن في إحدى نواحي
الحله التابعه لمحافظة بابل والدي اسمه حاتم كريم وهو يملك كراج غسل وتشحيم السيارت والدي مكمل عنده
شهادة معهد فني لكن كان يحب يعمل حر ولذلك والدي كان مجد بعمله وعنده عمال يشتغلون ويا مو عنده
لان بابا ما يحب نظرة التعالي والتكبر الي سائده هاذي الايام
بابا كان انسان محبوب ومحترم من جميع الناس الي تعرفه
كان دائما صدره واسع ويسعى لحل المشاكل بين المتخاصمين بعد
ان يلجئوله واكثر من مره اشوف ابوي يدفع فلوس من جيبه الخاص لحل تلك المشاكل
اما اذا سمع بشباب متعاركين ابيناتهم فكان يروح برجله واشوفه من كنت زغيره شلون يلزمهم ويرزلهم وحتى
يضربهم ويغلط عليهم حتى اهلهم ما يزعلون ابيناتهم
كان يساعد الفقره والايتام ويساعد اي شاب فقير يريد يتزوج بان ينطي فلوس الزواج او يساهم بقسم منهن لذلك
والدي كان جدا محبوب والناس تقدره الى ابعد الحدود هو مرات يصير عصبي
امي اسمها ،،حياة،، تزوجوا عن طريق خطبة أهل يعني زواج تقليدي واحد ما شايف الثاني اله بالخطبه وبعد الزواج
كان بابا يحبها وهي تبادله نفس الحب مااتذكر فد يوم بابا صار عصبي عليها اله اجه واعتذر منها كدامنا
اما هي فتبقى لا تاكل ولاتشرب وبس تبجي الى ان يجي بابا ويعتذر منها ويطيب خاطرها جنت اشوفهم
شگد واحد ايحب الثاني
اخوي الجبير اسمه كريم وهو خريج علوم حاسبات بس شاطر كلش بالبرمجيات ويتكلم اللغه الانكليزيه
بطلاقه لذلك هو اتوظف في إحدى الشركات الاهليه وكان دائم السفر
كريم حباب وبسرعه ينكسر خاطره بس بي طبع موزين وهو عصبي كلش يتنرفز لاتفه الاسباب بس كلبه طيب
وحنين ويحترم ابوي
اخوي عدنان خريج اداره واقتصاد اتطوع بالداخلية وهو ملازم رغم عدم موافقة امي لان تخاف علي من الاوظاع
وهو دووم يبوس راسها ويكللها /:يووم لا تخافيين الرب واحد والعمر واحد
عدنان بطبيعته هادئ ورزن وهو وكريم مشهود الهم بالادب والاخلاق العاليه
أختي مريم اكبر من عدنان هاي وصلت الخامس العلمي وما حبت اتكمل
تحب تشتغل بالبيت من بطلت اجه عليها ولد من منطقتنا اسمه محسن
واتزوجوا وانتقلت ويه زوجها وأهله البغداد لان اشترو ملك ومحلات
هي تجينه كل شهر كل شهر ونص تبقى خمس تيام وتروح
بعدين اجي انا هدى وبابا يسميني هداوي انا اجيت بعد عدنان بأربع
سنوات بابا جان يحبني ومدللني وانا جنت اشوف بي مثلي الاعلى
وما اخلفله كلمه لو شيكلي انا انفذ احب ابوي بشكل وهو يكول
دائما هدى نص كلبي والباقيين النص الثاني
أنت تقرأ
انقذتني روح
Chick-Litهي قصه حقيقيه من واقع الجنوب العراقي حدثت في وقت قريب تتحدث عن التقاليد الموجوده في مجتمعنا بعد ان تتهم بنت لا تتجاوز الثامنه عشر من عمرها تتهم لأغلى شي تملكه الفتاة إلا وهو شرفها ولكن القدر يتدخل لانقاذها اتمنى أن تنال اعجابكم القصه باللهجه العر...
