انقذتني روح

البارت الرابع والعشرون

بارت 24
انقذتني رووح
انيين الليل
هدى
ثاني يوم الصبح اتريكنا انا وكريم وأمي
كريم سبح وطلع وانطاني المفتاح حتى  انظف بيته وأرتب ملابسه
دخلت للبيت هو جديد لكن متروك من يوم الحادث خفت من دخلته
حسيت روح تهاني بي
كنت اعاتب بيها

ااخ ياتهاني مشيتي بدرب الحرام اشكد دللج بس الكرامه ما تعرف دلال الكرامه
هي كل شي يملكه البني آدم كل شي يزول بس الكرامه لا

استغفرت ربي وقريت المعوذات والكرسي وامشي واسمي اشو البارحه ما صار بيه هيج من رحت مسحت الغرفه يمكن جي عمال ورحت مستعجله  فتحت الشبابيك المراوح وبعدين دخلت للغرفه الجديدة حلوة وذوق اتذكرت الغرفه الي اشتراها الي وسام
وانا كتله --ليش ما خليتني اختارها
وسام  ::لا انتي تلبسين بكيفي واتنامين بكيفي بالغرفه الي انا اختارها لان اريدج تصيرين نسخه مني حتى الهوى الي اشمه اريدج تشمي وياي

جان آخر وكت حنين حتى نسيت شكه بيه
لو أدري يا وسام ليش هيج اتشك شنو السبب
هسه انتي هدى مو عفتي الأول والتالي اسكتي وابدي تنظيف
ما طول اخوانج راضيين عليج

كمت غسلت البيت لان مليان تراب ونظفت الكاونتر والطباخ وبعدين اخذت جنطتين وعلاكه كبيره
وخليتهن ع الجربايه وبديت اكوي ملابس كريم واعلكهن والتراكات اسفطهن وخليت العطورات على ميز تواليت من خلصت شفت ظرف مفتوح  أخذني الفضول اعرف شنو بي  فتحته لكيت بي ليرة ذهب وياها ورقه زغيرة مكتوب عليها (طلعت صافيه مثل هاي الليرة)
انا خليتها ع الميز كلت يجوز امانه يجي كريم واسئله
انوب فرشت الجربايه لان عدنان جاب دوشك جبير ضغط عالي او يا نزله انا كملت جنت فرحانه واحاجي روحي // والله يا كريم عوزك بس العروس
ا تذكرت خالة ميسون وكلت --سهيله تلوك العمي ابو عصام

الظهر اجه كريم ودخل جان ضايج بس من شاف الغرفه وانا لأكيته كتله اريد بردات ومزهريات ووو
اشويه ارتاح وانوب حاجيته

شد حيلك ابو إيهاب نريد نزوجك
يمعوده منو تقبل متزوج وعدي ولد ومرتي،،،،،،
اهنا اتحسر وضم ايده وضرب الحائط
،
جاوبته --خويه شلنه غرض عارها على أهلها وما طول ايهاب زغير اتزوج علمود يتعلم على المرة التاخذها وهي هم تتعلم علي ولو انا وامي ما ننطي
----الله كريم
اكلك كريم شنو هاي لكيتهابجنطةملابسك وكلت خاف امانه ما أدري
وين اضمها
شافها كريم باوعلي بتعجب وكلي

عود صدك هدى  ما تدرين شنو هاي لو تشاقين
--لا والله أبو ايهاب شنو هاي
كريم //والله هاي دزاها رجلج بيد واحد من عماله ورة ما تعاركنا بالمكبرة تقريبا بأسبوع أقل ما أتذكر ومن دزاها عرفنا بيج انتي بريئه بس ما عدنا دليل وما كدرنا نتقبلج حتى عدنان ركب وراح ورة الرجال و
شافه من ركب ويه وسام هو دزلي وحده والعدنان وحده
انذهلت من الي سمعته وعرفت وسام داز الليره الذهب الاخواني
من لمن اخذني بالمزرعه وثاني يوم سافر
******************************&&&*****
شنو سر الليره الذهب ؟
لمن اجت هدى وبه الشيخ للمزرعةوسمعت وسام وهو يكى الابو ما اريدها  وهدى عزت عليها نفسها ردت علي وكلتله
ما أريدك و.ضربها  أخذها شافها ابنيه محد لا مسها وشاف من هو يلمسها شلون جسمها يكزبر وتخاف عرف بحكم تجاربه انو هاي البنيه ما بيها شي واخوانها تهموها بالغلط ثاني يوم رجعها يم أهله وطلع راح للصايغ واشترة ليرتين ذهب وخلاهن كل وحده بظرف وكتب الهم (طلعت صافيه مثل هاي الليرة ) ومن راح دزاهن بيد واحد من عماله