#طوق_نجاة
الفصل6
انا
طلعت من عندي وردة وانا قعدت نفكر في الخطوات اللي بنديرهن وعلى طول جاء في بالي وائل خذيت مفاتيحي وفوني ودخاني وطلعت
وائل.. اكيد ابصر شنو بيصير احمد في اسبوع زارني مرتين في المزرعة هذي ينذبح فيها جمل
انا..وائل راه الموضوع مش متحمل جاي في حاجة مهمة
وائل بانتباه.. ان شاءالله خير
انا.. تو نحكيلك وقول خير او لا وحكيت لوائل كل شئ وطول وائل وهو ساكت نين شخشبني معاه
وائل..متأكد انك ماتحبهاش يا احمد
انا..اكيد مانحبهاش هو في حاجة نحس بيها ناحيتها من السنة الاولى لكن ممكن يكون اعجاب انبهار وتو اهتمام لكن حب لا
وائل ..به خير البر عاجله
انا..شنو
وائل .. راجل امها واحد واطي مرات يستفرد بيها في اي وقت مش ليل بس فلازم نمشو نخطبوها ونحطو حد ليه
انا..كلام عين العقل لكن امي وعبير
وائل ..تو نتصل بعبير تسبقني لحوشكم وتفتح الموضوع ليهن بس بدون ماتحكي شئ ولان عمتي رقية لايستهان بالحاسة اللي عندها قول انك مستعجل لان راجل امها يضرب فيها واجد وخايف ان ضربة من الضربات اضرها او تجيب اخرتها
انا..بعيد السو عليها
وائل بضحكة.. ونقرو الفاتحة بسرعة عشان هكي تقدر تحميها اكثر والعرس ما انطولوش فيه
انا.. مية المية كلامك هيا نوض
وائل ..نتصل بعبير بس
اتصلت بعبير وانا محتار في صاحبي ورفيقي يقول مايحبهاش وبمجرد ماذكرت الموت بسرعة دعالها بالخير يحير امرك يارفيقي والله شكلك تحبها بس مش عارف روحك
انا..وين رحت يا وائل
وائل..قاعد هيا نوض
انا
وصلنا لحوشنا وتغذينا وحكيت انا وائل لامي وعبير على موضوع خطبتي وامي وعبير فرحن واجد وعجبتهن وردة انها بنت بسيطة ومش مغرورة من كلامي عليها
واتصلت براجل امها وحددت معاه موعد بعد العصر بنمشيله انا ووائل وجاء العصر ومشينا ليه
انا ووائل ..السلام عليكم
محمد.. وعليكم السلام تفضلو
انا..وبدون مقدمات جاي بنخطب وردة بنت زوجتك
محمد..ومن قالك اني بنزوجها
انا بعصبية ..بتزوجها غصب عنك واذا انت ماتعرفنيش انا احمد عبدالرحمن اسئل عليا تو يقولوك انا من
محمد..بالغصب هو
وائل بهدوء.. ايه بالغصب تعطيها وانت داير روحك راضي قدام الناس وبهيبتك اذا ليك هيبة اصلا والله تتزوج وانت حاط راسك في الوطئ او تكون معزوق في شئ حبس
محمد خاف وعرف اننا مش هوينين وحسبها بين عقله يعطيها ويدير روحه برضاه خير ماتجي على راسه
محمد ..تمام اللي تقولو عليه انديره
انا..بكرة يجو هلي يشوفو وردة وبعدها نتفقو على كل شئ
محمد.. ان شاءالله مرحبتين بيهم
وروح احمد ووائل وخش محمد على تهاني ام وردة
محمد.. اسمعي يامراء بكرة جايين ناس لوردة
تهاني ..وانت تعرفهم
محمد.. اكيد نعرفهم
تهاني ..اللي بديره عليها ماشي
محمد.. اتصلي بيها وقوليها بكرة اهل الراجل بيجو يشوفوها
تهاني بفرحة ..به
واتصلت تهاني بوردة وحكت ليها شنو قاللها راجلها
وردة سكرت من امها وقعدت تبكي جتها روان تجري
روان ..كنك ياوردة امك شنو قالتلك
وردة .. جايني ناس من طرف راجلها وهما موافقين كيف اندير واكيد ناس طالما معرفته اكيد نفس طينته كيف اندير ياربي
روان .. اتصلي باحمد وهو يديرلك راي
وردة بدموع .. صح تو نتصل بيه وطبعا رنيت عليه ورغم ان روان معبيتلي رصيد لكن فصل عليا وعاود اتصل هو
انا ..السلام عليكم
وردة بدموع ..وعليكم السلام
انا نفجعت لما سمعت نبرة صوتها تبكي قلت هالحيوان شنو دار ليها
انا.. كنك وردة كنك تبكي ماتخوفينيش عليك الحيوان راجل امك دارلك حاجة
وردة.. لا اصلا انا عند اهل روان لكن تو اتصلت بيا امي وقالت انه جاييني ناس من طرفه
انا..بضحكة هذا انا ياوردة طمني بالك جيت لحوشكم ياوردة واللي بيجو بكرة اهلي انا
وردة تمسح في دموعها .. والله كيف وافق هكي الحمدلله يارب
انا.. المهم وافق وماتخافيش من شئ
طالما انا معاك
وردة ..بس اهلك بيجو بكرة وانا مش مستعدة
انا..وردة قابليهن زي ماانتي وانا متاكد انهن حيحبنك واجد اخرى
وردة ..ان شاءالله يارب باهي نخليك ترتاح ومعليش اني اتصلت بيك
انا..وردة انا كلها اسبوع وبتكوني مرتي معاش تقولي كلام زي هذا
وردة تحشمت ومعاش عرفت شنو ترد سلمت وسكرت وقعدت بفرحة تحكي لروان على الحكي اللي دار بينها وبين احمد
روان بفرحة ..والله الا راجل
وردة ..الحمدلله
روان ..هيا نوضي ديري قناع يفتح شوي لون بشرتك اللي صهدتها الشمس ونشوفو شنو تلبسي بكرة
وردة بفجعة ..استني شوي
روان ..ان شاءالله خير
وردة ..تو ركزت على كلام احمد قال اني بنكون مرته نهاية الاسبوع شنو قصده
اكيد مش عرس لان مستحيل
روان بفرحة ..ياغبية معناها بيقرا فاتحة مش شرط عرس وبعدين اي عرس اللي بيكون في نهاية الاسبوع واهل العريس مازالو ماشافوها
#حياة
أنت تقرأ
طوق نجاة
Randomعندما تعتقد انك طوق نجاة لها ولكن تكتشف في الاخير انها هي من كانت طوق نجاتك رواية باللهجة الليبية لصديقتي حياة احمد
