#طوق_نجاة
الفصل21
مشن الايام عادي وحكت وردة مع روان واضايقت روان لكن وردة قدرت تقنعها وانا تما شغلي الشاغل اني مانحسسش وردة باي نقص ورفعتها للملاهي هيا وعمر وعامر وهاني وهيام ودارو جو يهبل وفرحت بعمر كيف ارتاح لما شاف اخته مرتاحة ولعبت معاهم وانسيت اني استاذ جامعي وانا عمري قريب انسكر الثلاثين سنة
ويوم قررت نكلم ريم عشان تبطل الرسائل
انا..السلام عليكم
ريم ..انا مش مصدقة ان احمد تنازل وكلمني الله قديش فرحانة نحس في روحي ردت فيا
انا..ريم اسمعيني انتي عارفتيني جدي ومش بتاع لف ودروان فياريت توقفي رسائلك لو سمحتي
ريم بحزن..يعني انت خلاص بتسيبني
انا..لا مش حنسيبك لكن لازم تفهمي كلامي قبل اي خطوة بنديرها
ريم ..تفضل
انا.. انا نبيك على سنة الله ورسوله لكن مرتي الاولى مستحيل نسيبها
ريم ..انا نبيك انت ان شاءالله متزوج ثلاثة
انا..تمام لان هذي اهم حاجة وثانيا انا حنسكن في شقة فوق اهلي لان صعب نكون بعيد على امي ووردة
ريم ..عادي يا احمد حتى في دار نسكن معاك
انا..متفقين باذن الله بس مش حندير حاجة تو نين تكمل السنة هذي على الاقل تكون وردة كملت امتحاناتها مانبيش شئ يوترها رغم انها موافقة على زواجي منك
ريم بعصبية ..ويعني لو ماوافقتش
انا..ماكنتش كلمتك ياريم
ريم..خايف عليها للدرجة هذي
انا..ريم اسمعي وافهمي صح انا بتزوج على وردة مش لان فيها عيب لاسمح الله لكن لاني نحبك بس فمستحيل انك تفكري تستوطي حيطها لانها خط احمر عندي
ريم ..انا مقلت شئ
انا..وانا نوقض فيك بس
وطبعا في الجامعة ياريت ماتوقفيش عليا نهائي نين اندير حاجة رسمية خصوصا اني مش استاذ عندكم
ريم ..حاضر المهم في الاخير بتكون ليا ومستعدة نستناك العمر كله
انا.. هي سلام تو
ريم بفرحة ..سلام
واخيرا وصلت للي نبيه نعرفكم بيا
انا ريم عمري 25 سنة اخر سنة في الجامعة ومنحبش القراية ولاقية الجامعة مكان نضيع فيه وقتي دلوعة واجد وجميلة واجد طويلة وجسمي متناسق وبشرتي قمحية وعيوني سود وشعري قصير واجد ولبسي احسن الماركات وديمة نحب انسافر ونطلع وطبعا عيلتنا free على الاخير وماحد يدور في حد وعندي اخ واحد هيثم بس اكبر مني وحتى هو جميل وشخصية وعضلات وجنتل في الشكل
ريم ..ايو ياحبي
رامي..اهلين ياقلبي
ريم..حبيت نفرحك وصلت للي نبوه
رامي ..احلى خبر سمعته احكيلي بالتفصيل كيف صار
ريم ..حكت ليه اللي دار معاي كله
رامي ..تمام التمام لكن شكله يحب مراته
ريم ..يحب والله مايحبش مايهمش المهم ننهي مهمتي وانديرو اللي اتفقنا عليه
رامي ..وقديش عندي ريم انتي تأمري
..............
انا
بعد كلمت ريم مش عارف شنو اللي صارلي نسحاب روحي بنكون طاير من الفرحة لكن حسيت قلبي انقبض ومش عارف خيرني لقيت روحي مروح للحوش وخشيت على امي سلمت عليها وسئلت على وردة لانها ماعندهاش محاضرات اليوم وقالتلي امي انها في جناحنا وخشيت لقيتها مقمعزة في المكتب تقرا وجيتها وبدون اي كلام صبيتها وخذيتها في حضني وطووووولت وانا حاضنها
وردة..احمد كنك شنو فيك
انا........
وردة..احمد ماتشغلنيش عليك
انا..مافيا شئ نبي حضنك بس
وردة..به
وزادت وردة حضنتني ولقيت روحي واخذها معاي لدار الاخرى وقمعزتها وتمددت على السرير وحطيت راسي على رجليها وغمضت عيوني ومش عارف خيرني ومانندريش على روحي لقيت روحي راقد وهيا تلعب بشعري ومافطنت بشئ لبعد وقت فطنت لقيت روحي مغطي وراقد على سريري ووردتي مش حذاي
وردة
نقرا انراجع في محاضرتي بعد ماكملت حاجتي وبرمتي شور زرعاتي وعاونت عمتي عايشة في الغذاء وشوي وخش عليا احمد صباني وخذاني في حضنه وضمني بقوة عصرني عصر واستغربت وخفت عليه ولما سئلته ماردش عليا غير انه يبي يحضني بس حضنته وبعدين كرني للسرير وقمعزني ورقد على رجلي وقعدت نلعب بشعره نين حسيت بيه غفا قعدت شوي نين تاكدت من انه رقد حطيت مخدة تحت راسه وحولت جاكته من عليه وغطيته وطلعت قمعزت احذا امي
امي..احمد وين يا وردة
وردة ..احمد روح شكله تاعب غفا بدون مايندري على روحه
امي ..ابصر خيره
وردة ..لا مافيه شئ يا امي غير اكيد اجهاد عمل ماتنسيش راه متقطع بين الجامعة والمزرعة والحظيرة وبالذات تو لما سافر وائل زايد عليه الحمل
امي..ربي يعاونه معناها ناجلو الغذاء شوي نين ينوض
وردة..حاضر
.......
نضت من نومي وغسلت وجهي وبدلت دبشي وطلعت لامي ووردة
انا..السلام عليكم
امي ووردة..وعليكم السلام
امي..كنك يا احمد رقدت ان شاءالله مش مريض يا ولدي
انا..لا يا امي مافيا شئ غير تعب شغل بس
وردة..نوض نعاون عمتي عايشة في تجهيز الغذاء
انا..ماتغذيتوش لتو
وردة..لا امي قالت نأخرو فيه شوي نين تنوض
وعدت وردة تجهز في الغذاء
انا..امي بنسئلك
امي..تفضل انا حاسة في فمك كلام
انا..يمي لما تبدا تستنى في حاجة بالساعة والدقيقة وتحس فرحتك ناقصة بلاها لكن لما تجيك ماتلقاش اللي توقعته بمعنى تلقى روحك بالعكس رايق وتكدرت وفي نغصة في قلبك مش فاهمها والمشكلة انك تستنى فيها بفارغ الصبر كنت
امي.. لانها وهم
انا..كيف
امي.. وهم ماهيش الحاجة الصح في وقتها كنت تشوف فيها هي اللي بتفرحك وهي اللي بتكون سر سعادتك لكن لانها وهم ماحسيتش بالفرحة اللي كنت متوقعها
انا .. بس ليش وهم
امي .. مرات اشياء واجد تبان للانسان انها سر سعادته لكن بمجرد حصوله عليها يلقاها لاهي كانت سر سعادته ولاحاجة ولان بسبب انه يتخيل فيها سر سعادته فتمى اعمى على اصلا سر سعادته
انا
سرحت في كلام امي صح زعمك امي عندها حق وليش مايكونش عندها حق لان فعلا كنت نتخيل فيها سر سعادتي واني بيش نكون سعيد واقف عليها لكن لما لقيتها موافقة حتى لو كانت مراء ثانية فبدل مانكون في قمة السعادة لقيت روحي بالعكس تماما زعمك مش هي سر سعادتي به لو مش هي من بتكون
وردة..هيا الغذاء جاهز
ونضنا تغذينا وكان غذاء حلو زي العادة من ديات وردة رغم انها تقول انها ساعدت بس لكن متأكد انها هيا اللي دايراته لان لما يكون ليا فوق الاربع سنين ناكل من تطييب عمتي عايشة فاكيد حنعرف الفرق لما يطيب حد ثاني والحق وردة نفسها حلو في التطييب وردة اه ياوردة ان شاءالله نكون ماظلمتكش معاي
وردة..اليوم بتجيني روان
امي وانا ..تشرف
انا..بتجي بروحها والله عمتي فاطمة معاها
وردة..لا بروحها
انا..ناقصاتك حاجة انجيبلك ضيافة من برا
وردة .. لا دايرة كل حاجة في الحوش
انا..اووووه معناها بناكلو حاجة حلوة من دياتك اليوم
وردة ..اكيد
وجت روان واستقبلتها وردة وسلمت علينا وخشت وردة وروان لدار الاستقبال وانا خشيت لجناحنا نكمل في اشغالي والمعاملات اللي واقفات بسبب غياب وائل
وردة..خير ياروان شغلتيني
روان ..نزار
#حياة
أنت تقرأ
طوق نجاة
De Todoعندما تعتقد انك طوق نجاة لها ولكن تكتشف في الاخير انها هي من كانت طوق نجاتك رواية باللهجة الليبية لصديقتي حياة احمد
