طوق نجاة

الفصل 39

هذا الفصل 39 انحذف بالخطا
#طوق_نجاة
الفصل39
ومشن الايام ومر على وجودنا في فرنسا سبعة ايام وامي اليوم بتحول الشاش وبنشوفو نتيجة العملية وطبعا ديمة متواصل مع وائل لكن وائل اليوم صوته متغير ومتوتر واجد وعلى قد ماحاولت اني نفهم كنه الا انه قالي لما تروح ساهل ومشيت انا و وردة للمستشفى وبعد السلام على امي جاء الدكتور وحول الشاش وبالتدريج امي تفتح في عيونها والحمدلله الحمدلله فتحت وعمليتها نجحت
انا بفرحة ..الحمدلله الحمدلله يا امي الحمدلله نظرك رجعلك الحمدلله
وردة ..الحمدلله يا امي واخيرا بتشوفي شكلي
امي بضحكة ..شكلك حتى من غير مانشوفه عرفته حلو زي قلبك لكن بسم الله ماشاءالله اصلا احمد مايطيحش الا واقف
انا..واثقة في اختيار ولدك يعني
امي..حتى لو يغلط لكن يعرف يصلح غلطه
انا بتنهيدة.. اكيد يا امي
وطبعا الدكتور قال تقعد يومين وبعدها نقدرو نروحو بيها وعطانا اسم دكتور موجود عندنا نقدرو نتابعو معاه في المراجعات وطلعت خليت وردة مع امي وتلاقيت مع ايمن وحجزت التذاكر وكنت محضر مفاجأة لوردة حتفرحها واجد واتصلت بعمتي عفاف بيش تنسق مع عبير ويشقن بعشاء لامي لان نحن بنوصلو في الليل ونرتاحو وقلت ليهم ثاني يوم انديرو عشاء عشان امي ماتتعبش من الماشي والجاي انلموهم مرة وحدة وخلاص ومريت على محل خذيت فستان عجبني وتخيلته على وردة وقلت تلبسه في عزومة امي وبعدها رجعت للمستشفى عشان بناخذ وردة لدكتور يشوف يدها وهل تقدر تحول الجبس او لا والحمدلله حولت الجبس لكن ايدها تعبتها لانها خذت على وضع الجبس وقال الدكتور ممكن يومين وترجع طبيعية وجهزنا روحنا وطلعت انا وامي ووردتي للمطار ولما وصلنا
وردة ..انت شنو ادير هنا اه بيش تسلم علينا
ايمن ..السلام عليكم قبل وكيف حالكم
وحمدلله على السلامة ياعمتي
انا وامي و وردة ..وعليكم السلام
امي ..بخير الحمدلله
وردة ..عليش تعبت روحك وجاي تسلم علينا
انا..ومن قالك انه بيسلم علينا
وردة..ها امنا شنـ.... الله لو ظني صح
انا..صح ياوردتي ايمن مروح معانا
ووردة قعدت ضاغطة على ايدي وفرحتها بمرواحة ايمن كانت كبيرة
ايمن .. ماتفرحيش واجد ياوردة مش على طول امروح اجازة بس
وردة بحماس .. مش مهم المهم انك تجي بين وقت ووقت ومع الوقت حتجي وتقعد
ايمن بتنهيدة..ان شاءالله
وروحنا ووصلنا في الليل ولقينا وائل وعمي محمد يستنو فينا وروحنا ووصلنا حوشنا واصريت على ايمن انه يبات عندنا وبكرة يمشي لاهله لانهم مايعلموش انه جاي معانا وخشينا على زغاريد عبير وعمتي عفاف ولقينا عيلة عمي عطية كلها بما فيهم وسام ونوال يستنو وتلاقو وردة بالاحضان فعلا كانها بنتهم الغايبة عليهم وروحو بعد ما اطمنو علينا وحمدو لامي على سلامتها وقالو بكرة بيجو على العشاء وبعتت رسالة لريم قلت فيها بكرة تروح للحوش وسكرت تليفوني بيش ماترنش عليا وخشينا جناحنا بعد ماتهنينا على ايمن وبيرقد معاه وائل وعمي محمد ومع ان خاطري نلعب بميوسة رايفت عليها لكن حسيت روحي تاعب ولقيت وردة مدوشة وانا خشيت دوشت وخشيت ضميتها ورقدت وهيا رقدت طول وثاني يوم بعد الفطور طلع ايمن مشى لحوشهم بعد ما اكدت عليه انه يجي مع هله للعشاء لان عمي محمد مكلمهم على العشاء وفرحت اهله كانت كبيرة بيه وفرح واجد اني ووردة سبب جيته وعدى لاهل شهد سلم عليهم وبكاء هو وبوها وقاله بوها انه يشوف حاله واكيد شهد حتفرح لما تلقاه مرتاح وخشيت على وردة
انا..حبيبتي شنو بتلبسي على العشاء اليوم
وردة ..والله ماني عارفة نفكر نلبس قفطاني القهوي اللي شريته ليا من لندن لانه مريح في الحركة
جيت وطلعت القفطان اللي عجبني في فرنسا
انا..شنو رايك تلبسي هذا
وردة ..يهبل يا احمد امتى خذيته
انا..لما سيبتك مع امي في المستشفى
شنو عجبك
وردة ..نقولك يهبل وانت تسئل عجبني او لا وبعدين انت امتى تجيبلي حاجة مش حلوة طول عمرك ذوقك حلو
انا وجيت ضميتها .. انا من يوم ماتزوجتك وانا ذوقي حلو لان مافيش حد تكوني بين ايديه ويطلع ماعنداش ذوق
وردة ..ربي يحفظك لي يارب
خليني نستعد امنا بيش نطلع نساعدهم
ولبست وردة القفطان وكان لونه ازرق ملكي راسم جسمها رسم كانه صمم ليها طويل وفيه قتحة من الخلف لعند الركبة وكان فيه فصوص لولي من عند الكم لانه كمه طويل وعند الرقبة وحبات متتابعة على داير الفتحة ولبست معاه خراص لولي ودبلة ومحبس ذهب ابيض وشعرها طلبت منها ماتطلقاش لماته بطريقة مبعثرة كعكة كانها مفتوحة وخصلات نازلة بعشوائية وروج وردي هادي وكحل ازرق كانت روعة الروعة
انا..بسم الله ماشاءالله ملاك يارب بين ايديا ملاك غيرت رايي لا البسي القهوي خير هذا مطلعك فاتنة
وردة بخجل ..ااااااااحمد
انا..ياعيون احمد وقلب احمد تعرفي لو مش العزومة عندنا ماكنت خليتك تطلعي من الدار اليوم
وردة .. يروحو الناس وخوذ راحتك
انا .. تعالي جاي خليني نرقيك
وطبعا ماشاءالله عشاء كبير وماغاب واحد وجت ريم من الصبح لكن ماعدلتش عليها بكل وجت قمعزت زي الضيفة بحجة انها عروس وجو عيت عم وردة وتغمرني عمها عبدالعظيم ويشكر فيا واجد ان خلينا ايمن يجي حتى زيارة
انا..والله ياعمي ماني مستحق شكر واي حاجة تسعد وردة كنت حنديرها
عبدالعظيم .. والله فرحتنا ماتتوصف وخصوصا انه جاي اكثر صبر حتى عدى زار قبرها ماروحش منهار وحمدت ربي واجد
انا..الحمدلله بس هو وين
عبدالعظيم .. يدرس في السيارة برا
وفي نفس الوقت كانت نوال وروان جاييت بسيارة روان وروان لانها مستعجلة بتعاونهم خلت نوال ادرس سيارتها وخبطت نوال في سيارة ايمن
نوال.. انت مش تفتح
ايمن باستغراب ..انا نفتح تي من اللي خش في من
نوال .. لو انت كنت مفتح وتعرف كيف تسوق راه ماخشيتش فيك
ايمن ..ههههه حلوة هذي عدى سلم بنتي على حالك
نوال..بنتك !! كم عمرك يا اخ انت
ايمن .. عمرى 20
نوال باستغراب .. 20 يانغوشة تي انا نسحابك ثلاثين
ايمن .. انتي من
وهنا فطنت نوال لروحها
نوال.. انا اخت صاحبة الحوش
ايمن ..صاحبة الحوش
نوال..زوجة احمد عبدالرحمن
ايمن ..بس وردة ماعندهاش خوات
نوال ..حي على امك تقول وردة هكي بدون لقب حي عليك لو سمعك احمد
ايمن بضحكة .. وردة ويسمعني احمد
نوال.. كيف تعرف وردة انها ماعندهاش خوات
ايمن جاء وقرب واجد من نوال .. وردة بنت عمي الله يرحمه
نوال تما قلبها يدق من قرب ايمن ليها ..
هه
ايمن..هه شنو
نوال دفاته ومشت تجري وقالت ..وقح
ايمن باستغراب ..وقح وقح لكن البنت سمحة اشبح شنو علاقاتها بوردة
ولاول مرة ايمن يلتفت لبنت
.........
انا..وائل كنك مش تمام ولما كلمتني اليوم اللي بلغتك فيه بنروحو صوتك كان متوتر
وائل..مش وقت دوة تو خلينا في العزومة والزحمة اللي عندنا وبعدين ساهل
انا..يستر الله وان شاءالله خير
ووائل زاد توتر وماردش عليا وطلع من حذاي بحجة بيشوف الرجالة بالك يبو حاجة
وكملت العزومة على خير وروحو الناس ومافيش حد قعد الا اهل ريم وانا شديت وائل بنفهم منه شنو اللي مخليه هكي
انا..تو قولي كنك يا وائل
وائل بتوتر .. احمد هدي بالك لكن اللي بنحكيه لك مش ساهل
انا بعصبية ..وائل ماتوترنيش اكثر من هكي شنو في شنو اللي مخليك هكي
وائل.. ريم يا احمد
انا..كنها الخرا هذي
وائل..مش بس مخططة هي وولد عمها انهم يخطفو وردة
انا بنفاذ صبر وخوف على وردة .. انطق ياوائل راه اعصابي على نار
وائل..ريم هي اللي دفت وردة من على الدروج
انا بصدمة..كيف
وائل..انت قديش ليك ماشفتش تسجيل الكاميرات يا احمد
انا ونحس في قلبي بيوقف ..من لما ركبتهن ماشفتش ولا تسجيل لكن شنو علاقة الكاميرات بانك عرفت ان ريم دفت وردة من على الدروج
وائل..
انا اذكرت قبل مايتكلم وائل..قصدك شفتها في التسجيلات وبعصبية معاش قدرت نسيطر عليها وريلي التسجيل
وائل..اهو
............
وردة
روحو الناس وقعدو اهل ريم وعمتو عفاف وروان ونوال يضمو معاي ويعاونو فينا و بعدها روحو خلو حاجات بسيطة بس وريم ركبت هي واهلها خلاني خذيت راحتي وربطت محرمتي فوق وخشيت للمطبخ انرد في الماعين لمكانهن بعد ماغسلنهن العاملات وشوي انتبهت لحد خش وقاعد وراي توقعته احمد ومسكت الصونية في ايدي نرجى في احمد كالعادة يضمني لكن لما طول استغربت فالتفتت وبمجرد ما التفتت طاحت مني الصونية وطلعت مني شهقة بصوت عالي على خشت احمد
انا
بعد ماشفت التسجيل خلاص معاش نفرز في حاجة قدامي يعني خططت لخطف وردة ولعبت عليا وضحكت عليا وكله سكتت عليه لكن توصل بيها انها كانت حضيع وردة مني لعند هنا خلاص وانا خاش للحوش بنادي على ريم واهلها سمعت صوت الصونية طاحت مع شهقة وردة خشيت للمطبخ بسرعة ولقيت الحيوان هيثم قدام وردة وواضح من ردت فعل وردة انها ماحستش بيه ومانندريش على روحي الا وانا نعيط في وردة بصوت عالي
انا..وررررردة امشي للجناح بسرعة
وردة ..انا والله
انا قصيت عليها ..مانبيش نسمع كلمة عدي للدار
وشديت هيثم ومعاش نعرف شنو صار الا عمي محمد ووائل واب ريم يحزو فينا وفمي دم وهيثم وجه مش باين ليه معالم
عمي محمد.. استهدى بالله يا احمد انا نعرفك عاقل
انا.. اي عقل ياعمي وهو يتعدى على حرمة بيتي كل شئ الا مرتي
اب ريم .. شنو اللي داره وين تعدى على حرمة بيتك
انا..اهبل يحكي وعاقل يسمع انتو كنتو فوق شنو نزله لتحت ترا قولي لو غرضه مش تمام
هيثم يتكلم بصعوبة.. انا كنت نبي نشرب امية
انا..يعني فوق مافيش امية
وبعدين تعالو جاي ترا يا وائل كلم عبير تنادي ريم وامها من فوق في كلام لازم نحكو فيه
عمي محمد..غير امشي اغسل وجهك وامسح الدم من فمك تشوفه امك تنفجع
انا..حاضر
خشيت للحمام (حشاكم) غسلت وجهي ونحس في روحي مازالت نغلي كان نلقى ناخذ ريم نعفجها تحت رجليا لكن هيا مرا وانا عمري ماتربيت نمد ايدي على ولية وطلعت ليهم
انا..عبير نادي امي
عبير ..حاضر
وجت امي وتمو كلهم حاضرين اب وام ريم وريم وخوها وعبير ووائل وعمي محمد وعمتي عفاف
انا..انا طول عمري نحسب في كل حاجة وعمري ماتعديت على حد ولكن للاسف يوم ماحد يتعدى عليا تطلع مرا ماتسوى حاجة انا يا ريم تضحكي عليا انتي والحيوان ولد عمك
ريم بخوف .. انا مادرت شئ
انا..ها مادرتي شئ وتخطيطك انتي وولد عمك انك تخطفو وردة بعد مانروحو من فرنسا هذا شئ عندك
ريم بصدمة ..شنو
انا بعصبية ..وياريتها وقفت على هنا ادفي وردة يامعفنة وردة اللي انتي ماتسوي ظفر صبعها الصغير من على الدروج وتطلعي بكل برود وتسيبيها باعصاب باردة منين جبتي القسوة هذي على وحدة مادرات ليك شئ بالعكس انتي اللي درتي ليها وجيتي ضرة على راجلها وياريت صح قهرتي قلبها على خاطر لعبة وطمع سبحان الله مع انك مش مستحقة ومع ذلك طماعة
ريم ..انت في شنو تقول
انا..نقول وعندي ثقة في كلامي والله لو ماكنتي مرا كنت وريتك زي ماوريت الحيوان خوك على خاطر المزرعة ياريم تبيعي روحك لكن تعرفي ولعلمك انها باسم وردة انا بعتها ليها قبل ماتنقرا فاتحتك عشان نحمي وردة منك لكن ماتخيلتش انك اضريها هكي وقريب خسرتيها ليا
ريم بصوت عالي ..كذب مافيش منه الكلام هذا
انا..صوتك هذا مايعلاش عليا فاهمة انتي انا نحكي بأدلة وعندي فيديو لما دفيتي وردة من على الدروج
اب ريم .. بالله عليك ما اضرها طلقها وريح روحك
انا..اكيد هذا لكن قبل ناخذ حق وردة ونضمن انكم معاش تفكرو فيها او فيا
ام ريم .. اللي تبيه انديروه غير بالله عليك ما اضر ريم
انا.. انضر ريم لكن هيا اضر وردة عادي وتكون سبب في اجهاضها عادي يعني عندك تي المفروض انا نبلغ الشرطة
ريم بخوف ..مستعدة اندير اي حاجة بس بالله عليك الشرطة لا
عمي محمد ..فكر كويس يا احمد وحكم عقلك
انا .. عقل هي خلت فيها عقل حسبي الله ونعم الوكيل
وبعد صمت طويل نحاول نهدي روحي فيه ونفكر بعقل لكن وربي رامي ماني مسيبه والمشروع اللي فكر بس انه بيضر وردة على خاطره كان داره نبقى انا مش احمد عبدالرحمن
انا.. اول حاجة تلمي دبشك واي حاجة جايبتيها معاك مانبيش نشوفها في حوشي وثاني حاجة نتلاقى انا وياك في طريق تغيري طريقك مانبيش نشوف خلقتك قدامي وثالث حاجة لو فكرتي انتي والمعفن ولد عمك تقربو مني او من عيلتي الفيديو هذا يكون في الشرطة وبالنسبة لحقي في انكم فكرتو تضحكو عليا وتغافلوني وتعتديو على حرمات بيتي هذي تو تشوفوه لقدام وهي معاش بنشوف خلقة واحد منكم
ريم انتي طالق طالق طالق
#حياة