#طوق_نجاة
الفصل16
انا
صدمة مكنتش نتخيلها توقعت كل شئ الا هكي يصيرلي قريت الرسالة ومعاش عرفت شنو شعوري وحسيت كأن الدنيا دارت بيا ومعاش عرفت شنو اندير و وردة اللي تستنى فيا كيف بندير يارب
امي..كنك يا احمد شنو فيها الرسالة
انا بتوتر..عادي يا امي رسايل لبيانا
امي..لا مش عادي يا احمد انا نعرفك كويس
انا..يا امي مافي شئ خليني بنمشي اكيد وردة تستنى فيا
امي..مع اني مش مقتنعة لكن عدي يا ولدي ربي يهدي بالك
انا وبتنهيدة..امين يا امي
طلعت برا للجنان وقعدت نبرم وبس مش عارف نحس في مشاعري تلخبطن ومش عرفت شنو نبي او شنو بندير وكيف بنتصرف مع اللي تستنى فيا وهيا مليهاش ذنب
عقلي ..لا ليها ذنب هي اللي خشت حياتك
انا..لا ماليهاش ذنب انا لو معرضتش عليها الزواج شنو كان بيجيبها ليا
عقلي ..لو هيا محكتش
انا ..هي محكتش ليا انا اللي كنت نسمع في كلامها ونراقب فيها
عقلي ..ضحكت عليك ببرائتها
انا.. عمرها وردة ماضحكت عليا
قلبي ..لكن شنو ذنبها واكيد هي تستنى فيك تو
انا..مش عارف ومش قادر
وبعدين فطنت لروحي اني نحكي مع روحي وخشيت ماشي لجناحي
وردة
خشيت للدار وجيت للسرير وشفت اللي مجهزه احمد ليا كان روب بسيط مافيشي اي تفاصيل وقماشته ناعمة بس قصير واجد وسيور الكتف رقاق ومعاه طرف من الشيفون لبسته فوق منه وطلقت شعري وبخيت عطر هو جابه ليا ريحته حلوة زي الفراولة وهادية لاني اكتشفت انه مش يحب عصيرها بس يحب ياكلها وحتى في المزرعة زارعينها على خاطره واي حاجة فيها فروالة وشوكلاته يعشقها ورغم توتري لكن فرحانة اني بنكون ليه زوجة فعليا وربي يسخرلي ونجيب منه صغار الله اكيد يطلعو يهبلو الصغار اللي بيكون احمد بوهم ويطلعو حنان زيه ويعوضوني على التعب اللي شفته
(لكن عادتا تأتي الرياح بما تشتهي السفن)
انا
خشيت للجناح لقيته ضاوي بالاضاءة المخفية بس ولقيتها مقمعزة على السرير تلعب بفونها اللي اخيرا قبلاته مني ولما شفتها لابسة الروب حسيت قلبي انقبض ولقيت روحي نقوللها
انا..وردة معليش بنخش للمكتب وائل قالي في اوراق واجد يبيني نشوفها كان تبي ترقدي ارقدي اكيد تاعبة من السفر
وردة بصوت واطي .. ربي يعاونك
انا..امين
خشيت لدار المكتب هو فعلا في ورق يبيني وائل نشوفه فكنت مخليه لبكرة لكن بوضعي هذا احسن حاجة نشغل دماغي بيه نين ترقد وردة
وردة
خش للجناح ووجه متغير واضح ان صايرة معاه حاجة واستغربت كلامه ورغم انه وجعني لكن عادي بس اللي متأكدة منه ان صايرة معاه حاجة وربي يعاونه ويريح باله انا مكنتش طامعة باكثر من اهتمام او شكله شاور روحه ولقى قلبه مازال ماحبني فتحت الدولاب وغيرت الروب ودسيته في مكان مش باين عشان لما نفتح الدولاب معاش يبان قدامي ونذكر اللي صار وخذيت بيجامة ستان لبستها ولبست فوق منها كبوط قطني بيش ندفئ وطلعت للمطبخ درت ليه كباية ليموناضة دافية تهدي باله وتساعده على التركيز وحليتها بالعسل
وردة ..السلام عليكم
انا..وعليكم السلام
وانتبهت ليها انها غيرت الروب وحسيت بقلبي نخصني لكن مش قادر اندير شئ وانا باللخبطة هذي
وردة..هذي كباية ليموناضة دافية بالعسل ادفيك وتخليك تركز في شغلك
وتصبح على خير
انا.. سلمت دياتك وانتي من اهل الخير
وحسيت بيها تحكي وتبين انها عادي ولانها مطبسة راسها معرفتش نقوللها ارفعيه ولا قدرت نشوف لون عيونها بيش نعرف هيا شنو حاسة من اللي درته
وردة
عطيته العصير وحولت كبوطي وخشيت تحت البطانية وقريت اذكار المساء وقعدت نستغفر نين خذاني النوم ومافطنتش الا منبه الفجر ولقيت روحي احمد حاضني
انا
قعدت نلهي في روحي بالاوراق نين تأكدت انها رقدت وجيت تمددت احذاها وحاولت اني نرقد لكن ماقدرتش عرفت اني نبيها في حضني بيش نقدر نرقد وفعلا خذيتها لحضني وانا نشم في ريحتها اللي تهبل رغم ان العطر نعرفه لكن عليها هيا مختلف كأني اول مرة نشمه وتميت مانعرفش نرقد نين تكون بين احضاني ونشم ريحتها لاني بمجرد ماخذيتها لحضني رقدت طول ومافطنتش الا لما وردة تنوض فيا للفجر
نضت توضيت ومشيت للجامع
وردة
هو مشى للجامع وانا توضيت وصليت وقعدت نقرا في جزئي اليومي نين احمد روح من الجامع وتأكدت ان عمتي رقية صلت وخشت للسريرها ولما جيت رقدت لقيت احمد واخذني لحضنه ورقدنا وبين وبيني روحي حتى هكي سادني
انا
ومشن الايام عادي الصبح نمشي انا ورردة للجامعة ونروح انا وياها نتغذو وبعدها نطلع لوائل وكل يوم تجيني رسالة وكل يوم حيرتي تزيد وتكبر ورودة خذت على امي او بمعنى اصح الاثنين تعلقن ببعضهن واجد وهذا زاد فرحني وجن امتحانات السمستر وقعدت شاد على وردة ونساعد فيها في القراية ومع انها هيا مش محتاجة لانها ماشاءالله ورغم الامتحانات وانا نعارك مانبيها ادير شئ لكن هيا مهتمة بكل شئ بقرايتها وبامي وبيا وحتى عمتي عايشة قالتلي ان معاش ليها لازمة غير انا اصريت عليها ان نحن مانقدروش نستغنو عنها والاهم من هذا كله ان امي مع وردة ماتبطلش ضحك ويوم جيت لقيت وردة تزرع في جيهة من الجنان وتغني في اغنية حلوة لام كلثوم
وردة
مشن ايامي مانقدرش انقول عليهن عاديات لان حياتي من لما تزوجت احمد مش عادية حب واهتمام وحنان وعمتي رقية عوضتني على حنان امي واهتمامي بالحوش ومن فيه خلى ايامي حلوة ونمشي نزور في عمتي فاطمة ويخلي فيا احمد نطول عندهم لكن لما نمشي لاهلي احمد مايخليش فيا ومانطولوش عندهم واصلا لولا عمر مانمشي ليهم لكن بعدها نقول حرام صلة الرحم لانها في الاخير امي وفي وقت امتحاناتي اهتم بيا احمد واجد وطبعا احمد وماعرفتش ليش في الجامعة مانع عليا نطلع من المدرج حتى الفطور يجبلي فيه ليا ولروان ورغم ان روان اعترضت اكثر من مرة لكن عجبني رد احمد لما قاللها انتي اخت مرتي معقولة بنجيب لمرتي فطور واختها لا وبعد ماكملت الامتحانات حسيت بالكساد وعمتي راقدة وكنت قبل الامتحانات موصية وائل على شتلات ورد وفعلا بعتهن اليوم وجن في وقتهن فقعدت نساوي في الارض اللي بنزرع فيها الشتلات وندندن
حيرت قلبي معاك وانا بداري واخبي
قلي اعمل ايه وياك والله اعمل ايه ويا قلبي
بدي اشكيلك من نار حبي
بدي احكيلك علي في قلبي
واقولك علي سهرني واقولك علي بكاني
واصورلك ضنا روحي وعزت نفسي منعاني وعزت نفسي منعاني
وما انتبهتش لاحمد وراي الا وهو يسئل فيا
انا.. انتي منو ياوردتي
وردة ..
#حياة
أنت تقرأ
طوق نجاة
Randomعندما تعتقد انك طوق نجاة لها ولكن تكتشف في الاخير انها هي من كانت طوق نجاتك رواية باللهجة الليبية لصديقتي حياة احمد
