#طوق_نجاة
الفصل31
انا..جيت بنوض وردة على الفجر مالقيتهاش
امي ..وردة راقدة في داري جوا وخليها ماتنوضهاش تو كيف رقدت بعد بكاء طويل
انا بوجع ..عليش تبكي يا امي وليش ماهديتهاش
امي..كيف عليش تبكي مرا راجلها راقد مع مرا غيرها كيف تبيها تكون وماقدرتش انهديها لاني مش عارفة شنو نقوللها
انا..تعرفي يا امي ماقدرتش نرقد ووردة بعيدة عليا
امي..وحتى هيا وتو رقدت بس من كثر البكا
انا..بس ليش راقدة في دارك
امي..مانندريش عليها الا جاية تبكي وتقولي يا امي بنرقد معاك مش قادرة نرقد في جناحنا واحمد مش فيه
انا..ياروحي ياوردتي
به انا نخش نتوضئ ونصلي ونجيها
توضيت وصليت ودعيت ربي يهدي بال وردتي عارف صعب عليها بس وبعدها خطر عليا لما تنوض شنو بنقوللها وهيا تلقاني حذاها لكن اللي تو نبي انديره اني نرقد وهي في حضني وخشيت لدار امي ورفعتها بشوي وانا نشوف كيف وجهها قاعد معبي دموع ومرة مرة نسمع في شهقتها حطيتها على السرير بشوي ورقدت حذاها وغطيتها وخشيت معاها خذيتها في حضني وماطولتش ولقيت روحي راقد وانا ناعم بحضنها الدافي وريحة الفروالة الهادية اللي تميزها الله قديش نحبك ياوردتي
وردة
تقلبت واجد في سريري ولما عرفت مستحيل نرقد واحمد مش حذاي غيرت روبي ولبست بيجامة مستورة وعديت لدار امي
امي..كنك ياوردة
وردة بدموع ..امي انا ماقدرتش نرقد في جناحنا واحمد مش معاي عادي امي نرقد حذاك
امي ..تعالي بنيتي في حضني
وبعد شوط بكاء وامي تقرا عليا في سور قرآن لقيت روحي راقدة ولما قاعدة نفتح في عيوني وانا نشم في ريحة احمد ريحة عطره اللي مخلطة بريحة رجولته ريحة جسمه اللي نحبها قلت في خاطري اكيد نحلم معقولة بيسيب عروسته وبيجي يرقد حذاي فتحت عيوني كويس طلعت مانحلمش انا راقدة بين احضان احمد وهو راقد بنوم تململت بين ايديه فتح عيونه
انا..صباح الخير ياحبي
وردة..صباح الورد ياقلبي
شنو جيبك هنا
انا وزدت حضنتها..ماقدرتش نرقد بعيد عليك
وردة بفرحة حاولت تخفيها.. وعروستك تو تزعل وتتأثر
انا..نزلت بعد مارقدت واصلا هيا قالت تاعبة وانا عارفها من نوعية الناس اللي تنوض موخر
وردة زدت خشيت في حضنه ..اه حتى انا لقيت صعوبة اني نرقد بلاك بس استنى انا امبارح عديت رقدت مع امي
انا..هههه انا جبتك هنا قبل بنرقد احذاك عند امي لكن انا خاطري في حاجة نبي نفطر فطور سمح على الصبح فطبيتك وجبتك هنا
وردة..حاضر اطلقني بس نوض نتوضئ ونصلي وانديرلك احلى فطور
انا بحب..لا انا بنفطر بيك انتي وبالذات بحنتك اللي تهبل ساد امس سيبتك
ومالحقتش وردة تقول كلمة خذيتها ببوسة طويلة شوق وندم وحب وحنان ومنها غرقنا في بحرنا الحلو اللي مستحيل نلقى حلاوته الا مع وردتي ببرائتها وانا نعلم فيها تفاصيل اسرار العشق
وبعدها دوشت وردة وصلت صلاتها وانا دوشت وغيرت دبشي وعدت وردة جهزت فطور هيا وعمتي عايشة اللي استغربت اني راقد مع وردة فقالت وردة ليها اني نزلت الصبح لان العروس مازالت راقدة وعطتني وردة سفرة الفطور
وردة..هاك حبيبي ارفعها افطر انت وريم اكيد ناضت تو
انا..بنفطر معاكم
وردة بصوت واطي..انت مش فطرت بيا خلاص ماتزعلهاش وافطر معاها هذي صبحيتكم
انا..هههه حاضر انتي تأمري
وخذيت الفطور وركبت لقيت ريم مازالت راقدة والساعة قريب 11:30 دقيت على الدار شوي وفطنت بي وطلعتلي
انا..صباح الخير
ريم ..صباح النور
انا..هي صحصحي واغسلي وجهك وتوضي وصلي بيش نفطرو مع بعض
ريم ..حاضر
حطيت الفطور جهزته على الطاولة وشوي وجت ريم وتوقعت انها ماصلتش وقبل كنت بنتكلم بعدها قلت خليها شوي نتأكد قبل بالك عندها عذر وتحشمت تقولي وفطرنا ونحن نحكو عادي
ريم ..اهلي العشية بيجو
انا..اه عارف قالتها ليا عبير وعابين حتى بعشاهم
ريم ..مش لازم العشاء
انا..لا عيب كيف اول مرة يخشو حوشي بدون عشاء
ريم ..اللي يريحك بس نبي نمشي للكوافيرة عشان المكياج ونلبس عربي
انا..اممم به امتى تبي تمشي
ريم ..الساعة 2 الظهر
انا..ان شاءالله
وعدى اليوم بالنسبة لي عادي جابت عمتي عفاف العشاء من المرا اللي يتعاملو معاها ولبست وردة قفطان طويل من الشيفون ضيق من الصدر وبعدها كلوش من الخصر لتحت لونه ازرق ملكي ومعاه حزام بلون ذهبي ولبست محرمة بنفس اللون لاني نبهت عليها مرات يخش اخ واب ريم وفعلا زي ماتوقعت لكن اللي عجبني بمجرد ماخشو وردة استئذنت وخشت لجناحنا طول وبعدها روحو وعبير وعمتي ووردة راضيين على الضيافة والناس اللي جو واجد وريم طلعت حلوة بالعربي مع حنتها المبالغ فيها واجد وركبت ريم وخشيت على وردتي
انا..يعطيك الصحة حبيبتي
وردة..مش بروحي ياقلبي
انا..عارف بس انا يعطيك الصحة على تحملك للكلام اللي ينقال واكيد يوجع فيك
وردة وجت حضنتني..لا حبيبي مافيش حاجة توجعني طالما انت تهون عليا في كل شئ
انا..ربي يحفظك ليا
وردة ..هيا حبيبي اركب لعروستك وانا تو نستناك لما ترقد
انا بغمزة..حاضر ياقلبي لكن اذا نعسك النوم ارقدي ولما ننزل تو نوضك
وردة..مع اني اشك وانت بعيد عليا لكن نحاول
انا..به
وركبت لريم وسمعتها تحكي
ريم ..لا ماقربنيش ماتخفشــــ
#حياة
أنت تقرأ
طوق نجاة
Ngẫu nhiênعندما تعتقد انك طوق نجاة لها ولكن تكتشف في الاخير انها هي من كانت طوق نجاتك رواية باللهجة الليبية لصديقتي حياة احمد
