#طوق_نجاة
الفصل12
وردة..نكره الكذب ومانحبش نكذب ولو على قطع رقبتي
انا..اصلا منو يحبه الكذب
وردة..في ناس واجدة تقول معجونة بيه سبحان الله
انا..فعلا والله وشنو ثاني
وردة..نكره الحزن ونحب الضحك ومانحبش النكد مع ان حياتي السنين اللي فاتن كلها كانت نكد في نكد
انا..ان شاءالله تتغير خطرها لما الشيخ جاء يكتب في تاريخ ميلادك استغربت حاجة كيف انتي في ثالثة جامعة وعمرك19 انا في البداية سحبتهم ملخبطين
وردة..لا لكن بابا دخلني مستمع عمري خمس سنين ونص وكنت شاطرة واجد وواضح عليا اكبر من عمري في الاستيعاب فالمدير خششني على ثانية ابتدائي طول يعني وانا عمري ستة سنوات ونص كنت ثانية ابتدائي
انا..اه بس لما طلعتي عليا امس ماعطيتكش عمر 19 بنتي اكبر من عمرك
وخطرها ليش كنتي ماتبيش تطلعي عليا هكي وكنتي تبي تلبسي بشت لولا عبير
وردة بخجل .. ماهو مش متعودة مازالت
انا .. ديمة خليك هكي بس خجلك هذا خفيفه شوي
وردة.. طول صعب لكن مع التعود اكيد حينقص
انا..تو خليني نحكي في العرس طبعا انا بنسكن مع امي صعب نسيبها
وردة..وانا عمري مانقولك ابعد عنها
انا ..عندي شقة فوق جاهزة غير الفرش بس
وردة.. عليش
انا..كيف عليش
وردة..انت مش قلت عندك جناح
انا..اه دار كبيرة ودار صغيرة للمكتب وحمام خاص بيا ودار صغيرة للملابس
وردة ..عليش امنا الشقة وبعدين هكي مش حنكونو قريبين لامك لقدر الله لو صارت ليها حاجة
انا..عادي يعني ماتبيش الشقة
وردة.. انا اصلا مالياش حق اني نتشرط عليك وبعدين في الحوش مافيش الا انت وامك شنو لازمتها الشقة
انا بعصبية.. شنو ماليكش حق تتشرطي ماهو انتي عروس زي اي عروس
وردة ..ماهو
انا..ردي بالك تجيبي سيرة كيف عرضت عليك الزواج يكون فيها كلام ثاني
وردة..به خلاص حقك عليا
انا..وردة عييت وانا نقولك انتي بتكوني شريكة حياتي انتي مرتي اطلبي واتمني واللي نقدر عليه انوفره لك فاهمة او لا
وردة بخوف ..فاهمة
انا..معاش تخافي مني
وردة..حاضر
انا..به تمام معناها في تغيرات بسيطة بنديرها للجناح
وردة ..تمام
انا.. بكرة بنطلعو ناخذو الذهب كلمي امك تجي معانا
وردة..بس بالله عليك اللي تشاورلك عليه ماتاخذاش ليا
انا..عليش وانا عندي مقدرة
وردة..عارفة انك قادر بس امي ذوقها مش شوري بكل امي فاهمة ان الذهب حاجة كبيرة وثقيلة لكن انا مانحبش هكي انا كل ما الحاجة تكون بسيطة ورقيقة تكون احلى زي الانسيال اللي جبته ليا يهبل ومميز
انا..تمام فهمت عليك
به والدبش تكلميها تمشي معاك او لا
وردة .. لا خوذ الاذن من عمي محمد وانا نكلم روان وانت جيب معاك عبير
احمد بنقولك حاجة
انا..شنو
وردة
طلعت ورق وعطتهن لاحمد
انا..شنو هذين وردة
وردة..هذين ورق حوشي
اناباستغراب..حوشك
وردة ..اه حوشنا اللي كنت ساكنة فيه انا وبابا والحمدلله انه سجله باسمي بيع وشراء كنهذا راه راجل امي باعه زي اي حاجة كانت لينا فمقدرش يبيعه ولاقدر يجبرني لان الورق كان عند عمي عطية
انا..به ليش تعطيني فيهن
وردة..عشان نبيك تعرضه للبيع
انا..ليش مستحقة حاجة
وردة..عشان بناخذ بتات ليا وانا ماعندي شئ الا هالحوش
انا بعصبية.. ومنو قالك اني نبي منك بتات وبعدين الحوش ماناقصه شئ وانتي اصلا بتسكني في الجناح وحتى لو قلتي الشقة كنت بنجهزها من كل شئ وبالنسبة للدبش انا بناخذه لك وحتى الذهب انا اللي بنجيبه لك مانبي منك شئ حتى لو كان باتك عايش كانت حتكون ردت فعلي هيا نفسها طالما بتكوني مرتي ماحد يصرف عليها حتى لو كان باتها ولانقبل حاجة من اهل مرتي تجيني فهمتي تو وخلي حوشك تلقيه لعازة عمرك الدنيا ماحد يعلم شنو فيها فاهمة
وردة بخوف ..فاهمة
انا..وهذين الاوراق تاخذيهن وتمشي ترديهن لعمك عطية يدسهن عنده فاهمة
وردة..حاضر
انا..هيا انروحو
روحنا حطيت وردة قدام حوشهم وخذيت عبير من روان وروحنا
عبير..كنك يا احمد في الاخير شكلك تعصب
انا..تخيلي وردة جايبتلي ورق حوشها بيش نبيعه ليها عشان تبتت لروحها
عبير..معقولة بس ماكنتش تتعصب عليها اكيد هيا حاسة بالنقص انك بتاخذ ليها كل حاجة ففكرت في موضوع الحوش
انا..عارف لكن والله مانبي نكلف عليه بحاجة حتى لو عندها واهي ماطلعتش محتاجة عندها حوش ملكها وتو انتي عارفة اسعار الحواشين شنو
عبير..فاهمة عليك يا احمد لكن وردة ماتنساش انها بتكون حساسة للمواضيع هذين
انا..فاهم وتو نكلمها بعد مانوصولو ونشرح ليها بدون ما اتحسس لان هكي حتى بكرة تو طلعني على شعوري
عبير ..تمام ربي يهنيكم ان شاءالله
انا..ان شاءالله يارب
عبير..لاحظت يا احمد نقرة الزين في وردة تهبل لما تضحك
انا..لاحظتها امس واول مرة نشوفها
عبير..هههه نقرة زين دايرة روحها غمازات
انا..ههههه حتى انا استغربتها
عبير ..زي لون عيونها فطنت كيف تحولن للرصاصي لما تعصبت عليها
انا..اه وهذا اللي ضايقني اكثر لانها قالت ليا الرصاصي في الحزن والضيق والخوف
عبير..رغم انهن حلوات لكن ان شاءالله ماعاد تشوفوهن
انا..ان شاءالله
طبعا روحت واتصلت بيها
انا..السلام عليكم
وردة ..وعليكم السلام
انا..مازالتي زعلانة مني
وردة ..لا والله انت اللي ان شاءالله ماتكونش زعلان مني
انا..مضايق منك لكن مش زعلان
وردة..عليش
انا..عشان انتي حاسة بعقدة نقص وانك اقل مني راه ياوردة انتي مش اقل مني ممكن مش زيي ماديا لكن مش ماعندك شئ
وردة..كيف مش اقل منك وانا حتى عباية مش قادرة نشريها لروحي
انا.. انتي عندك حوش ياوردة وحسب ماشفت من الورق انه في مكان ممتاز ولو بتفكري تبيعيه اقل حاجة نص مليون يعني مانكش قليلة لكن انا قلتها لك حتى لو باتك حي وعنده استطاعة انه يجيبلك احسن بتات كنت مش حنوافق فهمتي عليا
وردة..اه فهمت عليك واللي تقوله حاضر لكن صح الحوش يجيب هكي
انا..اه وبعدين ياوردة عندك حاجات مش عند بنات واجد انت غنية باخلاقك غنية بطيبة قلبك غنية بتمسكك بربك كان وحدة ثانية مكانك راه ياقتلت روحها استغفر الله يا ماشية على حل شعرها لكن انتي اقوى من اي شئ
وردة بخجل ..ربي يحفظك
انا..ويحفظك يارب
طبعا مشن الايام وانا محاوط وردة بكل اهتمام واحترام وجابت ليها كل حاجة وخذيت بخاطرها في حاجات واجد رغم انها كانت لو تطلب اي شئ حنجيبه ليها لكن لانها عزيزة النفس وحاسة بالنقص فمكانتش تطلب في شئ وحتى الدبش اكثر حاجة اختارن روان وعبير وجاء موعد العرس واليوم حنتها وطبعا انا تكلمت مع راجل امها وقلت ليه مانبي شئ منك اديره ليها غير انك تقول ان العرس مشترك وتعزم ناسك اللي تبيهم وحتى حنة وردة الصغيرة اللي عزمت عليها عدد بسيط من بنات الجامعة والجيران وجيرانهم القدم قبل بنتكلف بيها لكن عمي عطية ماخلانيش وتكفلت بيها عمتي فاطمة من كل حاجة ودارولها حنة صغيرة تهبل وطبعا لان وردة تحشمت تسئلني كيف نحب الحنة واجدة او بسيطة واذا نحبها او لا فسئلت عبير وقالت ليها انها عشقي الحنة بس نحبها بسيطة وفعلا حنت وردة حنة بسيطة وجتها صابغة تهبل وهيا طلعت يوم حنتها عروسة تهبل ولبست فستان بسيط وحلو ودارولها جو حلو وجاء يوم الفرح وعدت الصبح رفعتها روان للكوافيرة وطبعا الفيلو اختياري وهي ماشافتاش لتو لان بتجيبه ليها عبير وشعرها ماغيرتش فيه شئ لان هيا هكي عاجبها وحتى انا وبدت الكوافيرة في مكياجها ودارت ليها تسريحة حلوة وخلت جزء من شعرها مفتوح بطريقة حلوة وجابت عبير الفيلو
ولبست الفيلو وطبعا روان وعبير فتحو فمهم حتى وردة نفسها لما شافت شكلها في المرايا ماعرفتش روحها ولبسنها البنات الكاب وطلع بيها وسام وروان للصالة وعبير طلعت مع وائل
انا
مشيت للحلاق وبرمت على روحي ولبست بدلة سودا توكسيدو وببيونة سودا وطلعت زي العادة وقعدت نفكر في وردة كيف بتطلع وكيف الفيلو بيطلع عليها لاني من اول ماشفته في وحدة من الكاتلوجات وانا تخيلته طول عليها وبعتت عليه جابوه ليا من تركيا ومتاكد حتطلع زي الملكات او اميرات القصص اللي نقرا عليهن
وصلت وردة للصالة واستقبلتها امها وعمتي عفاف وامي عمتي وعفاف قعدت توصف في وردة لامي كيف طالعة تهبل وطبعا خششوها للدار نين انا نوصل بيش انخش انا وياها
وردة
حطوني في الدار ويحكن حذاي وانا مش معاهن بكل خايفة ومترددة ومتوترة وهل حنعجب احمد او لا وهل حيتم زواجه بيا الليلة او لا وبمجرد ماوصلت للفكرة هذي حسيت برعشة في جسمي ورفعت راسي لقيت الدار فضيت مافيش الا احمد بس ووقفت نشوف فيه
انا.. السلام عليكم
ورفعت وردة راسها وصبت
وردة .......
#حياة
أنت تقرأ
طوق نجاة
De Todoعندما تعتقد انك طوق نجاة لها ولكن تكتشف في الاخير انها هي من كانت طوق نجاتك رواية باللهجة الليبية لصديقتي حياة احمد
