طوق نجاة

الفصل24

#طوق_نجاة
الفصل24
انا..شنووو
وردة ..نلعبو كورة
انا..هي ياوردة
وردة..انا برشا طبعا
انا..واكيد انا الريال
ولعبنا وطبعا تفاجاءت بوردة شاطرة في اللعب وسجلت اول هدف وقعدت تغني في اغنية ماتخيلتش انها تغنيها بكل او انها سمعتها قبل ومعاها قعدت تغير في الكلمات بس نفس اللحن
وردة.. العب يلى هيس يلى
سجل يلي خسرت يلي ههههه
هيا يا احمد ورينا شطارتك ريال وجو وفي الحلقة الاخيرة اندير فيك هدف ساهل
انا..صار طلعت يلى
وردة ..عاد مشيها بالجو نحن نلعبو تو
انا..ذراعي شكله ماينفعش
وقديش عجبتني عفويتها اللي مانشوفش فيها الا مع امي او عبير وانا ديمة حتى تزرق حذاي بحاجة فيسع ماتتحشم مني لتو وردة حواجز واجدة مانكسرتش بينا وانا نستاهل لاني كنت السبب فيهن 
وردة..حتى انا عارفة ذراعك ماينفعش
جوووووول جول ثاني ياعيني عليك ياميسي
انا..لا لا مش معانا هكي لاهيتني بالحكي
وردة.. كل شئ جائز في الحرب
انا..اما انتي شكلك مايدل انك تعرفي تلعبي بكل
وردة .. انا اي حاجة في تكنولوجيا تلقاني خبيرة فيها
انا..جوووووول ايوة على الاقل نقربو النتيجة شوي
وردة..صح ليك لهيتني على اللعبة
لكن ملحوقة شوف الحركة هذي كيف بنديرها
انا..وريني هي
وردة.. ايوة عليك ياحبيب والديك جول ثالث شفت كيف حطيته في الزواية الضيقة ماتقولي بكل
انا..طلعتي حريفة والله
وردة خلاص انا خسران وصعب اصلا نربحك عارف روحي تعالي نبي نحكي معاكي
جيت وخذيت وردة وقمعزتها في حجري وطبعا المعتاد خدودها تمن حمر تقول حبتين طماطم ومقدرتش نشد روحي وبست خدودها
وردة
خفت لما قالي بنحكي معاكي قلت اكيد بيحكيلي على خطبته وقلت لو يأجل الكلام عليها الحق فرحانة من قلبي اني قدرت نكسر ولو حاجز بسيط بيني وبين احمد ومانبي شئ ينكد عليا  لكن فأجاني لما قمعزني في حجره ومعاها باسني على خدودي معاش عرفت شنو اندير
انا..وردتي نبي نحكي معاك بس تردي عليا بكل صراحة
وردة بخجل..انت عارفني مستحيل نكذب عليك
انا..وردتي ليش ماتلبسيش قصير انا جايبلك  قفاطين واجد قصار مانلقاش فيك تلبسي فيهن الا لما جايين ضيوف ليكن انتي وامي يعني شنو مش من حقي يلتبسي القفاطين القصار والبيجامات الشورت وارواب النوم
وردة بعفوية..من حقك بس انا خفت تقول اني نغري فيك حتى اخر مرة لما طلعت مع عبير شريت بيجامات حلوات وقلت نلبسهن لك لما تصيـــ ... قصدي خفت تقول اني نغري فيك
انا..وانا نبيك تغريني نبي نعبي عيني بجسمك اللي ربي ابدع في تصويره
وفهمت الكلمة اللي قصتها
وردة......
انا..ردي عليا وردتي ديري في بالك من بكرة نبي نشوف احلى لبس ليا
وردة بصوت واطي..حاضر
انا..وديري في بالك ياوردة انا وضعنا هذا مش حيستمر ديمة قريبا ان شاءالله حتكوني مرتي فعليا فهمتي عليا وردتي الحلوة
وردة من الحشم هزت راسها بس وخذيتها في حضني زي العيل الصغير 
وانا استغربت روحي ومعاش عرفت شنو نبي لكن نبي وردة تكون مرتي فعليا وقلت ليها هكي عشان ترتاح معاي وكل شئ يبدا بالشوي مهما كان هيا صغيرة عليا
وردة ..احمد نقدر نطلب منك طلب
انا..تأمري امر وردتي مش تطلبي
وردة.. عمتي فاطمة جايتها طلبية تورتة عرس ويبوني بالاسم نصمم ليهم التورتة  فإذا ماعندكش مانع اني نمشي بكرة بتجيها العروس بيش تحكيلي شنو تبي عشان نصممه
انا..بس ياوردة انتي مش مستحقة وحتى كان بنخليك تخدمي يبقى في تخصصك الجامعي
وردة..بس انا يا احمد التورتات هنا يدخلن في مدخول كويس على معمل عمتي فاطمة وهما طول عمرهم وقفو معاي فعشان خاطري خليني تصميم التورتات بس
انا..حاضر ياوردتي بس بشرط تورتات بس و ماتمشيش لحوش حد لما يكون في موعد مع زبونة تجي للمعمل وانا نرفعك ونروح بيك
وردة بفرحة ..باذن الله وربي يخليك لي
انا..وردة تحبي الرسم واجد
وردة..اه نحبه واجد
انا..به ليش ماترسميش غير تصميم التورتات
وردة..ماهو في الرسم نحب نصمم مثلا احذية او ملابس او تورتات او اكسسورات مش الرسم المتعارف عليه يعني بمعنى اصح نحب نصمم مش نرسم
انا..اه باه صممي لروحك فساتين وانا نرفعهن لاحسن خياط او خياطة ينفذوهن لك وتكوني هكي مميزة بلبسك
وردة ..ربي يخليك ليا والله عندي تصميمات واجدة داستهن عند روان عشان كنت خايفة تلقاهن امي او راجلها يمزقوهن
انا..خلاص جيبيهن  بكرة وريهن ليا
وردة..تعرف اني تو نفكر في تصاميم لروان لانها قالت دبشها بديره كله خياطة
انا..ربي يهنيها ان شاءالله ومع اني ماشفتش تصميماتك الا اني واثق انك حتبدعي فيهن
وردة ..شكرا على الثقة فيا
انا..امتى بتمشي بكرة
وردة..الساعة 10:30 العروس  بتجي
انا..خلاص امنا بكرة نرفعك 10
وردة ..تمام
انا..هيا نرقدو
وردة..هي
ورقدنا وزي المعتاد خذيت وردة في حضني وخششت وجهي في شعرها
وجاء ثاني يوم مشيت رفعت وردة لحوش عمي عطية وقلت ليها قبل الغذاء نجيها وعديت شور وائل
انا..السلام عليكم
وائل..وعليكم السلام
انا..كيف حال عبير
وائل..كويسة احمد ماتزعلش من عبير
انا..مش زعلان منها اختي الصغيرة وعارف سبب كلامها من كثر حبها وتعلقها بوردة
وائل..والله هذا سببها عبير لان ماعندهاش خوات ووردة قدرت تخليها كأنها اخت ليها
انا..عارف ياوائل لكن تصدق نقولك حاجة ماتضحكش عليا
وائل..قول
انا..كلام عبير ما اثرش  في وردة بس تعرف انه اثر فيا وااااجد
وائل..كيف مافهمتش
انا..انا لتو نفكر كيف بنقدر نرقد بعيد عليها يعني لو ماكانتش في حضني مستحيل يجيني نوم
وائل..ننننننعم
انا..كنك انصدمت استنى نحكيلك موقف بيش تأكدت  مرة امي مرضت ببردة قوية سهرت معاها انا ووردة وبعدها قالت وردة بترقد مع امي عشان تطمن اكثر وخشيت لجناحنا بنرقد وطبعا اللي صار النوم طار رغم تعبي ولما تعبت من المحاولة عديت لدار امي ورقدت احذا وردة اللي لقيتها واعية حتى هيا ضميتها ورقدنا نحن الاثنين بحذا امي على السرير
وائل..هههههههه اقسم بالله مافي واحد حيرني زيك انا كنت نفهم فيك لكن تو معاش عرفت نفهمك
انا.. اصلا خليني نفهم روحي قبل بيش يقدر حد ثاني يفهمني
وائل.. يعني خاطري نفهم بس طالما انتم ترقدو في حضن بعض معقولة مافيش حاجة تحركت فيك مانيش قايل فيها لانها هيا خجولة واجد حتى لو حست بشئ مستحيل تكون هيا البادية ففهمني انت يا راجل كيف متحمل
انا..بشق النفس
وائل..لا اله الا الله انت شكلك بتجنني رسمي قولي اكيد متفقين انت وعبير عليا رسمي بتفكولي عقاب الدادوات الفاضلات في دماغي
انا..مش صعبة في البداية كنت خايف عليها نبي نجيبها بالشوي لان الفرق 10 سنين مش شوية وبعدين قعدن يجن رسائل ريم تعبن ضميري وقلت مستحيل نكون انسان ملاعب ونكون ضحكت على وحدة وبرغم اني ماتكلمتش معاها في شئ رسمي قبل زواجي لكن مايمنعش اني تعاملت معاها بالنظرات واللي كانن واضحات ولان الدنيا دوارة فخفت تعشيمي ليها يرده ربي في بنتي او اختي لكن بعد مافاتحت وردة وشفت قبولها لان اللي يهمها سعادتي زادت كبرت في عيني ومش عارف شكل ريم ماكانتش حب ممكن اعجاب بس او ممكن لما هيا قعدت تقالب فيا شدتني ليها لاني شكلي فعلا نحب وردة لا مش نحبها نموت فيها و نعشقها
وائل ..تعرف يا احمد انت مش من تو تحب وردة من زمان اخرى من لما خشت للجامعة وتمت طالبة عندك
انا..لا انا حبيت وردة الفترة هذي
وائل..لا يا احمد انت رفيقي من ونحن صغار ونعرفك معرفة كويسة انت لما تحكي على وردة في عيونك لمعة مانشوفش فيها لما تحكي على ريم السنة اللي فاتت لكن وردة سبحان الله اللمعة ماتبانش في عيونك الا لما يكون الحكي عليها وحتى لما تحكي في حب وحنان في كلامك مافيش منه الا لامك ووردة بس
انا بحب .. فعلا انا نعشق وردة ليش بندس وممكن كنت نحبها من زمان لكن مانعرفش لكن تو انا نعشقها
وائل..باه كيف بدير مع ريم
انا ..مش عارف مانقدرش نطلع عيل ونقوللها خلاص معاش نبيك وخصوصا اني خذيت موعد من اهلها
وائل..عشان  ماتطلعش عيل تظلمها معاك
انا..والله ماني عارف شنو اندير لكن اللي نعرفه اني نبي وردة وبس
وائل ..كلم ريم وحاول تعتذر منها
انا..هذا اللي مفكر انديره اصلا اليوم قررت نكلمها لان المفروض ان نحن نمشو بعد يومين ليهم
وائل..كلمها وان شاءالله تفهمك
انا..ان شاءالله
وروحت ومشيت روحت بوردتي حبيبتي وطبعا غيرت دبشها ولبست قفطان حلو قصير من الشيفون وعلى العريان لكن طبعا هذي وردتي لبست عليه مالية خفيفة مفتوحة وقصيرة لونها بيج زي لون الفستان غير الفستان فيه ورد لونه موف داكن الحق وردة طالعة فيه زي الوردة ومعاها لابسة خلخال رقيق وناعم  زادها حلاوة  وبعد الغذاء اتصلت بريم
انا..السلام عليكم
ريم ..وعليكم السلام
انا..كيف حالك ياريم
ريم ..بخير الحمدلله
انا..دوووم الحمد
ريم ..كيف حالك وحال امك
انا..بخير الحمدلله بنقولك ريم
ريم..نعم
انا..اسف ياريم
ريم..على شنو
انا..اسف اني مش نقدر نكمل معاك اسف اني مش حنقدر نجي نخطبك
ريم بصدمة ..ليش شنو السبب
انا..بدون ذكر اسباب لانها خاصة بيا
لكن مانقدرش نضحك على روحي اكثر من هكي
ريم بدموع مزيفة..انا حبيتك وتعلقت بيك ونعد في الدقايق والثواني عشان نكون ليك وبين ايديك ليش ادير فيا هكي تعذبني ببعدك عليا ليش وسكرت الفون
انا
ياربي شنو درت في عمري يارب تو تبكي شوي وتحزن شوي وترضى اهم حاجة مانديرش حاجة نضايق بيها وردتي واحسن مانيش قايل ليها شئ ويوم اللي بنمشو نخطبو فيه ريم نطلعها نتعشو برا وندهورها ايه احسن راي
.........
ريم..شفت شنو قالي اللي فكرنا فيه انهد كله
رامي..ولايهمك الحل عندي
ريم ..كيف
رامي ..قولي لامك انك بتباتي عندنا
ريم ..وبعدين
رامي.. تطلعي من الحوش تمشي لمصحة ***** وتسئلي على الدكتور معتز  دكتور صاحبي وتو نتفاهم انا وياه على اساس انك جيتيهم حالة انتحار واكلة حبوب ودارلك غسيل معدة وتو تجيك ريهام بيش تاخذلك صورة في المصحة وتنزلها على الفيس بيش يشوفها احمد
ريم..وبه شنو الفايدة
رامي..تو تشوفي حيكلمك احمد
ريم ..شنو ضمنك
رامي..احمد من نوعية الناس اللي عندها ضمير حتى فوق الحب حيعتذر لما تفهميه ان بعده ماعندكش حياة وان الناس كلها تعرف انك تحبيه وانك بتبدي مستكة في فم اللي يسوى ومايسواش على الاقل يكمل معاك فترة نين تهدا الناس وبعدها تطلقو وتقولو ماتفهمناش وهكي تكون الطريق ليك اسهل بيش نوصلو للي نبوه
ريم..كيف اسهل وقبل بنلعب على الحب
رامي.. وتو بتلعبي على الشفقة
ريم..تم امنا هيا سلام تو بنلبس مابين انت كلمت صاحبك واتفقت معاه
رامي ..سلام حبيبي
ريم..سلام ياقلبي
#حياة