غربة روح

البارت 1

#Nabá_baqer

#غربة-روح🍃

البارت الاول 💬

🐼🐼🐼🐼🐼🐼🐼🐼🐼🐼🐼🐼🐼🐼🐼

مثل روتين ...كل يوم ..اگعد الصبح 
اصلي وانزل ابوس راس الوالد والوالده
واتريگ ...واروح للورشه ...
ابقه لل 12الضهر ..
اسد الورشه..واروح للجامع ...

بين ميئاذن ..اگعد اقره قرءان..
واستغفر ..كلش احب اسوي هاي الطقوس...
ارتاح نفسيا ...ماجنت قبل .. أصلي بنتضام...
ولا ملتزم دينيا...بس فجأة وبساعه وحده..

حياتي نگلبت لكابوس..اسود واني اشوف ..
صديقي واخوي الماجابته امي... وهوه واگع ...
بين ادي ودمه بطوله...ويتشاهد بحضني...
ملحكت حتى ارگض ... بيه للمستشفى...

والسبب رصاصه طايشه...معرفنه منين اجت ...
بس عرفت..منو اخذت..اخذت اخوي وعضيدي ..
وحزام ضهري..جان گبلي يركضلي.. بكل شداتي ...

من بعدهه..حياتي تغيرت ...صرت ملتزم دينيا...
ماافوت فرض...وصرت حريص.. دائماً على علاقتي...
بربي.. لان شفت بعيني...أن الدنيا متسوه..اقطع علاقتي..بربي ويمكن برصاصه طايشه..أو عبره شارع.

تنتهي حياتي ...وبوگتهه شلون حواجه ربي..وبيا وجه...واني قاطع كل حبال الوصل ببه... وبنفس الوقت صرت انسان كئيب ..عصبي حياتي عباره عن
روتين ...وكأن موبس صديقي الي خسرته ...لا خسرت .. السعاده...والرغبه بالعيش
بس بقيت .. امثل السعاده..كدام اهلي ...
لان الوالد والوالدة...كلش اتاذو وياي ..

وهمه يشوفون وحيدهم وابنهم المعتمدين ..
عليه .. مكسور وضعيف...فقويت نفسي ..
لخاطرهم ......

صح هسه انتم اتگولون .....
انت منو ...وصالك ساعه تسولف....
عن معاناتك...بدون متعرف.. على نفسك...

اني سيف ...عمري 25سنه ...
من النجف ... تحديداً من اطراف النجف...
بس مو قريه لا احنه من الولايه...
خريج هندسه ميكانيك...
وطبعاً حالي حال. غيري من مئات ...
من الشباب العطاله ...ماكو تعين ...

لهذا اني اشتغل بورشه...بس مو عامل ..
لا اني الاسطه...صح بالبدايه..شتغلت عامل ..
جوه ايد ابو حسين صاحب الورشه...

بس بعدهه ..بخبرتي ودراستي...طورت نفسي
وكمت ابدع... بشغلي واحور مكاين .. واجدد قطع
قديمه..واسويهه جديده ..وصالحه للاستخدام..
گام تجيني زبائت من كل مكان ...وصرت انطلب
بالاسم...واستاذي...من شاف شطارتي وامانتي..

كام ميستغنه عني ...وسلمني امور..الورشه كلهه...
وصار بس ..يمر مره بالنهار...يبقه ساعه..
ويروح... الحمدلله هذا كله بفضل...رب العالمين و
دعاء الوالده...
وحاليا اني دا الم...واجمع ...حتى افتحلي ورشه خاصه بيه...صح استاذي ممحسسني...
بأني اشتغل عنده ويعاملني..مثل ميعامل ابنه...

بس اني احب اكون شغلي الخاص بيه....
وماحب ابقه اشتغل...عند احد ....

المهم .....
بيوم جان الجو حار ...وصيف جنت نايم جوه
سياره..جابهه صاحبهه....يريد يسويلهه...
تبديل دهن وصيانه...فجنت دا اچيكهه ..
واشوف شنو بيهه تعبان...ويرادله تبديل ....