#غربة -روح
#Nabá -baqer
البارت الثالث 💬
🍀🍀🍀🍀🍀
دنيا غريبه بديناها بدموع
وعشناها بضحك وفرح وحزن وقهر
وكعده صبح ولمه اهل وسهرة سمر
ونهيناها بغربه لكن موغربه وطن
ولا غربه بيت غربه اصعب واقسى من
كل انواع الغرب وكل انواع التهجير
تهجير نفسي تهجير روحي
تحس نفسك بوسط اهلك وناسك
بس مو هو هذا المكان المنتميله
مو هاي الضحكه الي بوجهك
ولا هاي اللمه المتعود عليها
جسمك موغريب عن كل هاي
الاماكن ولا هاي الناس
المحاوطتك بس روحك
هي الي صارت غريبه
غريبه حتى على جسمك
روحك تبجي وجسمك يضحك
روحك تموت بس جسمك
عايش لحضاته بكل تفاصيلها
هنا حتتوضح الرؤيا وتبين
الحقائق ...
حقيقه ان جسمك مدا يعيش الغربه
بس روحك هي الي دا تعيشها
وهنا حيكون عنوان حياتك
هي ..
"غربه روح"
جنت سرحانه وهيمانه بعيون النجفي
الي ميقبلن يفاركن خيالي وفجائه ما احس
الا السياره صارت تتحرك بشكل عشوائي
وبابا يحاول يسيطر عليها وماما صارت
تقره ادعيه وتناجي ربنا بصوت عالي
واني جنت بين عين على الطريق الصرت
ما اركز بيه من كد ماجانت سيارتنه تتحرك
بسرعه تخوف وطريقه مرعبه
وعين على اهلي وني اشوف بابا شلون وجهه
صار اصفر وكام يهدي بينا وماما الي جانت
مواقل من بابا خوفها ورهبتها من الوضع
الحنه بيه وتناجي ربنا بصوت يرجف ودموع
تتسابق على وجناتها ..
اني هماتين صرت اصرخ بفزع وخوف واناجي
ربنا وامنا العذراء حتى تنجينا وتخلصنا
من الاحنه بيه وتحفضناوتحفضلي اهلي
ولاتحرمني منهم بهاي الحضات مر شريط
حياتي كله كدام عيوني من صغري وشلون
جنت اصعد على ضهر بابا ويصير يلعبنه
حمال باشي وجون جان يغار واكعد اغور بيه
لحد كبرتنا ومحبتنا لبعض ولمتنا وسوالفنا
وضحكنا من نكعد بحديقه بيتنه عصريات
و وصيه جون الي قبل لا نجي لهنا وشلون
طلب مني اتصرف بعقلانيه مهما كان الضرف
الي دا امر بيه بعدها محسيت غير
عيوني تغمضت غصبن عني وصرت اسمع
اصوات بعيدها وصارت تبتعد شويه شويه
وبعدها دخلت بعالم مضلم خالي من الضوه
ومن اصوات البشر ....
,,,,,,,,,,,,,,,
الو هاا سلام بشر ماكو اخبار
زين عمر شكالك ااي اي نطيته مواصفات
السياره ورقمها والاسماء وكل المعلومات
اليحتاجها ...لا حبيبي تسلم
انشالله ....
لا لليل اذا مابينت اخبارهم اني اروح
لكربلاء ادورهم
انشالله باذن الرب
الله وياك ....
وين راحو يارب وين اختفو
راح انجن يارب
لوبس خبر واحد عنهم ..
سـترگ يآرب ولطـفگ
...
الو هااااا عمر ...گول خويه لا تتلف اعصابي
للللك عمر احجي مو دمرت اعصابي .
شنووووووووو ولك انت شكاعد تكول ..
لا مستحيل اهلي مابيهم شي ..
خويه كول الصدك مو وقت شقاك تره .
لك عمر مستحيل ...
جون دخل بحاله انهيار عصبي من بعد
مكاله صديقه عمر الي يشتغل بالاستخبارات
عن الحادث الي صار ويه اهله وبلغه ان
السياره انقلبت بأهله اكثر من مره ونتيجه
لتقلب السياره حدث شق بخزان البنزين وبسبب الاحتكاك
نفجرت ومكدرو ينقذونهم وراحو كلهم ....
أنت تقرأ
غربة روح
ChickLitدنيا غريبه بديناها بدموع وعشناها بضحك وفرح وحزن وقهر وكعده صبح ولمه اهل وسهرة سمر ونهيناها بغربه لكن موغربه وطن ولا غربه بيت غربه اصعب واقسى من كل انواع الغرب وكل انواع التهجير تهجير نفسي تهجير روحي تحس نفسك بوسط اهلك وناسك بس مو هو هذا المك...
