غربة روح

آلبآرت 5

#غربة -روح

#Nabá-baqer

;;;;;;;;;;;;;;;;;;;;;;;;
لا اعلم كيف اصبحت هكذا ..مجرد دميه للزمن ..يحرك ي زماني كيف ماشاء ..تجردت من ابسط الاشياء ..حتى اصبحت خاويه من الروح ومن الحياة ....تائهه بين تخبطات ومتاهات الحياه ..لااعلم ماهو الماضي واجهل المستقبل ومكتفيه بحاضر مجهول هو ايضا
اصبحت عمياء بوجود عيني وصماء بحضور اذني وعاجزه رغم حركه اطرافي ...
ليس لدي وسيله لاثبات حظوري سوى لسان يلهج بالدعاء لرب لا اعلم مكانه بالظبط سوه انه يسكن السماء ..هكذا قالوا لي انه في الاعلى يرانا ولا نراه ويسمعنا ولا نسمعه ...
فيامن تنظر حالي وتسمع شكواي جد لي
ظالتي في هذه الدنيا..جد لي نفسي التي اضعتها في مكان ما في دهاليز هذا الكون ...

كاعده بغرفتي الي طلعت مو غرفتي ..اشوف انعكاس صورتي بالمرايه كدامي واني حتى ماعرف نفسي ولا اعرف اسمي كل الاعرفه
والكالولي اياه اني سويت حادث وجابوني لهنا وحدي ومحد يعرف شي عني لا اهلي ولا اسمي ...بس واحد جان دائما يجي من الباب يبقى يباوعلي ويروح ..امره حيرني شنو يخلي يجي يوميه يشوفني بس ولا مره حاجاني او سئلني عن حالي واني صراحه مادققت وياه هوايه لان كافي علي الحروق الابيدي كولش تاذيني واكو بيهن بدن يحكني
ويصير شكلهن جاف ومقزز ...بش شهاده لله
هنا الممرضات مامقصرات وياي يوميه تجي وحده تبدلي وتغسلي وتكعد تسولف وياي عبالك تعرفني من زمان حتى سمتني هيه
ماعرف ليش من سمعت باسمي الحالي عبالك
اعرفه اوسامعته من قبل صار تجيني اصوات
براسي لناس تصيحلي بنفس الاسم بس اااااخ لوحاسين بالوجع الصار براسي لزمت راسي من كد الوجع وصرت اضرب بيه بالحايط اريد الاصوات تطلع منه ماكو ااااه تعبت واني احاول اتذكر شي عني وعن اهلي الي من يوم الي اجيت وهمه مختفين محد سئل عني معقوله ممهتمين لغيابي ..
حقدت عليهم رغم ماذكرهم ولا اعرفهم حتى لو صارو كدامي بس ولو لازم يسئلون عني ..

اووووووف شو اليوم هذا مابين بس لاهو الثاني مل مني وبعد مايجيني ..
بله اني من كل عقلي كاعده اباوع للساعه ومنتظره واحد حتى ماعرف اسمه ولا اعرف شيقربلي وفوكاها ظايجه لان اليوم مااجه

عززززززززه بس لاهذا حرامي يريد يبوكني وبعدها ياخذ اعضائي مثل مكالت وسن عن هاي البنيه خطيه الخطفوهه واخذو اعضائها

لا لا لا اصلا شكله حلو ومابين عليه حرامي لو مجرم ...لوصدك مجرم جان حسيت عليه بس بالعكس اني حتى مااخاف منه مثل غيره من يدخلون لغرفتي ...اصلا نظراته حلوه وهو يباوعلي بيهن لمعه غريبه تخليني بدون ماانتبهه اصف عليهن ااااووووي فديت الاعيون المعصبه ...
اووف هسه غير يجي ..يااااارب والله مليت صالي ساعه احجي ويه نفسي بله هسه اليكعد بعقلي ويسمعني اسولف ويه نفسي شيكول عني اكييييييد يكول هاي مخبله ..

مياسه ..مياسه .مياسه
هااااااااااا
وينج يمعوده صالي ساعه اصيحج ماتكليلي وين عقلج يلااا كومي صار وقت الصلاه