غربة روح

بارت 19

#غربة _روح 💙

#Nabá_baqer 💛

#البارت التاسع عشر 💬

,,,,,,,,,,,,,,,,,,,,,,,,,,,,,,,,,,,,,,,,

لا تنتقدني لمجرد اني وثقت بك ...
بل انتقد نفسك التي سولت لك
خذلان من صاحب معك احلامه
وطلب منك ايصالها الى طريق
الحقيقة والايضاح ...

وبدل من ايصالها الى وجهتها
قمت انت ومحوتها بسفينه الاسى والهجران .....

الان ليس انا من عليه العتب والملامه
بل انت من عليه طلب العفو و الغفران ....🌸✨

بقلمي ..
Nabá baqer 👑

،،،،،،،،،،،،،،،،،،،،،،،،،،،،،،،

مازن ...شسوي اهج اللطلم ..اصرخ اكسر
محتار شنو التصرف الي يريحني ويبرد
ناري ..
ياناس امي جنتي وناري ..شعوطت قلبي ...
وحطتني باصعب واسخف موقف ..

تروح وتخطبلي وانه رجل كرسي ..
مادري الا لحدما رجعو خبر بالموافقه ...

عود ياله كلفت نفسها الوالده تكلي ...
ههه ههه اضحك على روحي لو ابجي عليها ..

وانه كل الوقت مكابل صاحبي وكاعد ..
لا والاضرب فهد كل مايكوم ويكعد يصيح
العريس والعريس ....

وانه اكول بيني وبين نفسي شبيه فهد خاف
مخربط المفروض ادهم هوه عريس الشله
مو انه ....

طلعت انه عريس الغفله .... انوب شكلي وانه
مثل الاطرش بالزفه ..يضحك ....

بس ملازم يتم هذا الزواج لو مهما صار ..
حتى لو خسرت صحبتي ويه فهد ..

عندي اخسر صحبتي ولا اكسر البنيه واضلمها
وياي وانه لليوم روحي رايحه مني وساكنه
يم الي سكنت التربان ....

,,,,,,,,,,,,,,,,,,

سيف ...
اليوم انه راجع للنجف من بعد مالله فتحها
بوجهي وشغلنه جان بأنجح ايامه بذيج
الفتره وگدرنه نستلم الارباح ...

وانه الحمدلله حصتي تساعد افتح بيت
واستقر بيه ...

اول ماوصلت رحت الصاحبي الدلال ..
الي رحتله قبل فتره على بيت للوالد

والحمد لله البيت الي كلي عليه قبل فتره
طلع بعده موجود وممأجر ...

واتفقنه على كلشي وسلمته العربون لسنه
مقدماََ ..صح هوه صغير بس
يكفينا وزايد ..

وُبّعَدُهِآ بوجهي لبيت اهلي ....

اول مادخلت تلكتني العلويه بالبجي والعتب
...

- ليش يمه گلَيـ😭ي هيج گلَبّگ انطاك تعوف
امك ومريتك وتروح ...
ماوجعك كلبك علينه ..ماحنيت .
ماكلت هاي امِـ👵ي شلون اهدها وهيه عطشانه شوفتي ....

هيج كلبك كسى وصار حجر حتى على اهلك ..

مامرجيه منك يمه ..ياوحيدي كلش مامرجيه
…………