#غربة _روح 💍💎
#Nabá_baqer💍💎
بارت الواحد وعشرون 💬
صباح الخير حبايبي ....
بارت مفاجىء واذا لكيت تصويت وتعليق قوي احتمال هاااا احتمال انزل بعد واحد بالليل وانتم وهمتكم بعد ...
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يسألوني على #حالي شبيك مابيك؟؟
أشو وجهك #كئيب ولونه شاحب؟ !
وأجاوبهم وكول #الحمد لله ....
بس عيني #عكس شفتي تجاوب
أضحك بالچذب..#وبکلبي تسعر نار
وأنه بصدري #حزن يلطم مواكب
يكولولي ضحكتك #بارده هواي
وشو للصفنه #دومك حيل راغب.!
كبل جانت #ضحكتك ماليه الكون
ولسانك حرك #كلش مشاغب،،،!
شجاك #اشغيرك وشصار وياك؟؟؟؟؟!!!
توزع #همووووم بيدك جن محاسب!؟!
بقيت أني بغرامك #هيكل عظام
عمري زغير لكن صرت #شايب.....
,,,,,,,,,,,,,,,,,,,,,,,,,,,,,,,,,,,,
ادهم - شكد حاولت اجنب هذا الموقف
بحيث كمت اضطر اتاخر ياله ارجع للبيت
فيسبيل مانحط كدام الامر الواقع واجرح
مشاعرها ...
بس مكدرت وهاي اجه هذا اليوم الي بان بيه
المستور وحجيت كل الي بقلبي
وبينتلها ليش انه بارد ....
بس الله شاهد علي كل هذا جان موبيدي
شكد حاولت اتاقلم احبها او ادور غير الي
عيوني شايفته بس مفاد نفسي متهواها
وبسببها اربع وعشرين ساعه بس تاكل وحتى
لبسها ممهتمه بيه يعني ولا يوم شايفها لابسه
غير الدشداشه وحتى بالليل من ترتب نفسها
لبسها ميعجبني ويبين عيوب جسمها وتخلي
نفسي اچز منها بدال متغريني ...
وانه استحي اكلها سوي هيج ولبسي هذا ولا تلبسين ذاك لان هيه موصغيره حتى اعلمها
والمفروض هسا هيه مزوجه وتعرف بكل هاي الشغلات من كيفها ......
وهذا نتيجه اهمالها وبرودي وفتوري وياها
نتج عنه هذا الانفجار القوي بالكلام ....
بس بعدها اكو شي تغير وانه مجاي اعرف شنو تصرفاتها وحتى كلامها اختلف عن قبل
ولو هيه من ثاني يوم راحت لاهلها بحجه خطبه اخوها ولازم تساعدهم وتوكفله ..بس انه اعرفها زعلانه والخايف منه خاف تكل لهلها ونتخارب انه ومازن من وره مره ...
بس هم انه غلطان جان لازم احتويها وافهمها بدون لا اجرها بأنوثتها ...
بس بعد الشيطان لعب براسي وخلاني ماشوف دربي لعنت الله عليه .......
................
روح ...ثاني يوم كعدت الصبح وانه مقرره لاوم اندمه واخليه يحفي وراي وميشوف غيري وحتى اسوي هيج لازملي مساعده
من البنات ...
واول وحده طلبت مساعدتها هيه نور مرت حماي سعد وطلبت اغير شكلي واخلص من هاي الزوائد الي بجسمي ...
أنت تقرأ
غربة روح
ChickLitدنيا غريبه بديناها بدموع وعشناها بضحك وفرح وحزن وقهر وكعده صبح ولمه اهل وسهرة سمر ونهيناها بغربه لكن موغربه وطن ولا غربه بيت غربه اصعب واقسى من كل انواع الغرب وكل انواع التهجير تهجير نفسي تهجير روحي تحس نفسك بوسط اهلك وناسك بس مو هو هذا المك...
