دنيا غريبه بديناها بدموع
وعشناها بضحك وفرح وحزن وقهر
وكعده صبح ولمه اهل وسهرة سمر
ونهيناها بغربه لكن موغربه وطن
ولا غربه بيت غربه اصعب واقسى من
كل انواع الغرب وكل انواع التهجير
تهجير نفسي تهجير روحي
تحس نفسك بوسط اهلك وناسك
بس مو هو هذا المك...
البارحه نزلت بارت والبعض كالو مبيه احداث طبيعي يكون مبيه احداث لان هوه بارت تسلسلي بالاحداث يعني ميصير اطفر بالاحداث واسويهم متحابين او اسوي مشاكل بينهم لان الحياة مو بس حب ومشاعر ولا بس مشاكل وصراعات اكو اوقات نعيشها تكون روتينيه وعاديه مبيها احداث ...وهيه هاي الاوقات اللي تخلينه نغير حياتنه وتنطينا الحافز للتغير واختلاق السعاده ....
اما عن البارت الجاي شوفو بنات اني كاتبه بارت 3000كلمه بس مو كل الاحداث كامله وبعد بيه كم شخصيه مامطرقه لقصتهم واكو لا ختمت قصتهم وحياتهم .....
فياحبايبي اريد اكتبه براااااحتي واسويلكم احداث حلووه ...لان البارت هذا ماقبل الاخير وماريد اكعد احمسكم وانطيكم قصه حلوه ببدايتها واختمها بشي تافه وميعجبكم ولا يرظيني لهذا اريد منكم الصبر ....
بس كونو واثقين ان شكد ماتاخرت ...حتقرون شي تحبوه واني راضيه عليه ....
تره واني بعد اريد اكمل من هاي القصه حتى ابدي بلبوة صمد لان اتكرررع راسي من كد ما نزلي ..شوكت تكملين ...شنو ظحكين علينا...وووووو كوومه تعليقات لهذا حبايبي
انشالله خلال هذا الاسبوع انزل البارت 29 و30اللي هوه الاخير ...
وعفيه بدون تعليقات جارحه ومؤذيه لان والله انقهر من اقره تعليقاتكم ...
صحيح انتو حقكم بس تره والله اني خطيه يعني القصه خياليه ولازم من اكعد اكتب ع الاقل اربع ساعات جره وحده باله يطلع وياي نص بارت لان هيه مو شي حقيقي صاير واني بس اسطره الكم وانزله ...
لا هيه خياليه يعني لازم اكعد اتخيلها بدماغي وبعدين اكعد اكتب وارتب الحوار وطريقه السرد واربط شخص بشخص حتى لا تكون قصه مفككه ومبيها معنى ....
صدقوني اربع ساعات وموكافيه واني انسانه حالي من حالكم عندي اهل والتزامات وشغل وماعدا الحشمى كل شويه صايحيلي على حاجه وارجع اخذلي عشر دقايق ياله ارجع ادخل بمود القصه .....
