#غربة -روح
#Nabá -baqer
---------------------------
-يله يمه انه رايح ادعيلي حجيه ...
-الله وياك يمه مودع بالله الواحد الماله شريك يسرهه بوجهك ويرزقك من حلاله الواسع بجاه الزهره ام الحسن ...
- علي وهو يبوس راس امه وايدها .. فدوه رحتلج يالغاليه الله لا يحرمنه منج ومن دعواتج الحلوه ياريحة الجنه ..يله يمه انه رايح عود سلميلي على الوالد وعلى احمد وبوسيلي جهاله ...
ام علي - يوصل انشالله وانتو يمه انتبهو للطريق بعد امك ولا سوقون بسرعه وسلملي على ابن عمك يمه وكله تكلك عمتك ام احمد سوق على كيفك وانتبه للطريق بعد امك يايمه
.....
يوصل يمه ..
-علي : اليوم طالعين للغربيه انه وسيف ابن عمي حتى نستلم اول شحنه قطع غيار سيارات وارد امريكي وخليجي هاي النوعيات هي المرغوبه بالسوق وانه راح استلم تصريفها وتوزيعها على ورشات السيارات بالنجف ...
طبعا لوما سيف هوه جابلي هاي الشغله جان انه بعدني افتر على شغل ..بس الحمدلله لكيت هاي الشغله ولو انه موكلش هاويها لان اتعب و يرادلها ركضه وسرعه بس انه كدها انشالله خصوصا وسيف يمي وهو اسطه بهاي الشغلات وعسى ولعل على وجها اكدر ارتب اموري وبعدها الكيلي بنت الحلال واكونلي بيت وعائله وهسه وصلت لبيت عمي ابو سيف خليني ادك الباب ...
✊✊
-اجيتك ..اجيتك .
علي -يله يابه تاخرنه الساعه صارت 7 شوكت نروح شوكت نوصل ونرجع هنا هنا الغربيه ...
سيف - بعد وكت ياخوك شعدك مستعجل وبعدين احنه الليله نبات هناك والصبح نرجع ماندل الطريق بالليل وبعدين كلشي ايصير الطريق مو امان خصوصا بالليل لهذا نبات هلليله هناك والصبح نتريك ونرجع ...
علي - هاي هيه مثل ماكلت نبات هناك بس اسرع ياخوي تره بعد شوي تطلع الشمس وننصمط صمط واحنه شلونه بدون شي احنه بيظان وتحركنه الشمس 😁
سيف - زين زين ماتكلي شعدك خبصتنه ..
امشي هسه اروح اشوف مياسه قبل لا اسافر
علي - وييييين رايح من كل عقلك رايح تشوف البنيه انساهه بابا انساهه متفيدك والخلقك هاي اذا بقيت وراها راح تسببلها مشاكل وراح تخرب بينك وبين ابوك ...
سيف - مانساهه ولا اعوفها هاي نعجنت ويه الروح و راح تصير مرت اخوك وكول سيف ماكال وازيدك من الشعر بيت راح السيد بنفسه يخطبهالي بس امشي هسه ولا تنك فوك راسي جنك عجيز ...
___________________
مياسه : من بعد اسبوع من الفره والدواره على شغل وخصوصا اني كولشي ماعرف اسوي ولا عندي شهاده وهذا الشي مو من صالحي والاهم ان هاي المدينه محافظه وبناتها متطلع وتشتغل فجان هذا الشي غريب عدهم من ادخل لمكان واسئلهم عن وظيفه شاغره كلها تصفن بوجهي وبعدها يطردوني
بس الحمدلله واااااخيرررررآ لكيت شغل بمحل
الصراحه هو مو محل هي محلات بس كلها مفتوحه على بعظها لهذا مبين محل واحد
المهم هو محل تاجير المواعين والمفروشات للاعراس والفواتح وشنو شغلي بيه حزرووو 😊 ....
أنت تقرأ
غربة روح
ChickLitدنيا غريبه بديناها بدموع وعشناها بضحك وفرح وحزن وقهر وكعده صبح ولمه اهل وسهرة سمر ونهيناها بغربه لكن موغربه وطن ولا غربه بيت غربه اصعب واقسى من كل انواع الغرب وكل انواع التهجير تهجير نفسي تهجير روحي تحس نفسك بوسط اهلك وناسك بس مو هو هذا المك...
