غربة روح

بارت 25

#غربة_روح 🌂

#Nabá _baqer🌂

البارت الخامس والعشرون 💬

,,,,,,,,,,,,,,,,,,,,,,,,,,,,,,,,,,,,,,,,

ستجدين الف رجل يحبك❤️
لشي تملكينه....عيناك💑
جمالك او اي شي🚶🏻‍♂️
لكن هناك رجل يحبك💛
ليس لشي سوى ..انك انت💚

•°•°•°•°•°•°•°•°•°•°•

مرت 3 اسابيع على ابطالنا اكو بيهم تغيرو
مثل روح ونتهو من اول عقباتهم
واكو بيهم عاشو هاي الايام كلها وهمه
ضايعين تايهين ميعرفون شيردون
مثل ادهم ...
واكو الي دايحفرون بالصخر بس حتى يستقرون مثل سيف ..

واكو طرفين حياتهم حتتغير ويبدون بدايات جديده ويه ناس جدد ...
مثل مازن وايه الي اليوم هيه حفلة حنتهم

الي كل واحد بيهم حيسويها بمحافظه شكل
مازن حفلته بالبصره ويه اهله وناسه واصدقائه سيف وادهم وعلي عدا فهد الي بقى بالرمادي لان ميكدر يحظر ..بصفته اخو العروسه ...

جانت حفله مازن جنوبيه بأمتياز ...
من المطربين الشعبين المعروفين هناك
مثل رعد الناصري الي اجه وحيا هاي الليله
باغانيه وبعدها كملو حفلتهم بالشعر والاهازيج
وختموها بالچوبي الجنوبي الي جان متراسه
مازن بكل هيبه ورجوله وهوه يتراقص بسيفه

........

اما ايه فجانت حفلتها ك اي حفله بنت عراقيه متخله من الاغاني والرقص وتجمع الاهل
والصديقات بهذا اليوم ..
وطبعاََ ملكة الحفله الي زينت الحفل بجمالها
جانت طالعه خلااااابة الجمال ..
بتسريحتها الملكيه المرفوعه وتاجها المتوسطها ...
ومكياجها السموكي البارز جمال عيونها العسليه وحمرتها البيج المات البارزه
كبر شفافها بشكل مغري للانظار ...

اما فستانها فمجانت مكتفيه بواحد ...
لهذا لبست 3فساتين متنوعه بالالوان والقصات والاحجام ..
الاول جانت بدله بف ورديه
والثاني فستان احمر بينصل يجي قالب ع الجسم وتطريزه نفس اللون من الطول للطول
شفاف الادين
والثالث جان قصير بنفسجي يجي دمج بين الاثنين السابقات ..
يصير ضيق من الصدر وينزل بف لحد الركبه
ومطرز ع شكل ورود بنفس لون الفستان
ومستور الادين بس عاري الضهر .....

استمرت حفلتها لنص الليل ...

ايه ...اشرت لعبير بنت عمتها ..
اكلج عبير مو كافي تره ولنبي تعبت واحسو الضهري حينفصم ..طفي هذا قصدها ع الديجي
تره صدع راسي من الضهر لهسه ولا سكت

....
عبير راحت لخالتهاوكلتلها ..
- اكلج خاله تره ايه تعبت وهيه وراها كعده من الصبح حاخذها ترتاح والبنات يكملن الحفله ...

ام فهد ...هايه هيه يمه اخذيها خذت حيلي حتى ذبلت من الجوع ..وانه هسه اكوم اطفي هذا لان خالج والولد على جيه ..