غربة روح

آلَبّآرتُ 8

#غربة -روح

#Nabá -baqer

^¢^¢^¢^¢^

حلم محال ..و واقع مر لابد منه لافرار ..
ومستقبل تتعلق عليه الامال .. 🌸

-السلام عليكم شلونك يابه سيف ..
- وعليكم السلام ..هلا بيك عمي ابو حسين
الحمدلله انت شلونك الولد شلونهم ...

- والله بخير ..والولد يخصوك بالسلام ..اكلك يابه سيف اليوم خابرني صديقي تاجر قطع غيار من الانبار يكول اكو شركه توزيع قطع سيارات مستعمله فاتحه بالجديد ودا يدورون موزعين بغير محافضات ..فقترح علي اكون انه الموزع لمحافظه النجف ..كتله اسئل الاسطه مالتي واردلك خبر ...هاا بويه شتكول انته ..انه اشوفها خوش شغله ..

سيف - والله ياعمي شكلك هي مال خوش شغله فهي خوش شغله ..بس يرادلها صفنه شويه ومكان فارغ تسوي مستودع للغراض
وبنفس الوقت لازملك اعلان قوي بس لاتخاف انه اخلي علي ابن عمي يتكفل بهاي الامور لان هو عنده واهس بهيج شغلات ...

ابوحسين - يعني شتكول اتوكل على الله واخابره اتفق وياه ..واذا على المكان فراح افرغ واحد من هاي المحلات واسوي مستودع حتى يصير شغلنا كله بمكان واحد انت تكمل بالورشه وخلي علي يلزم المستودع وانه اشرف عليه ...

سيف - هاي هيه توكل على الله وانه اليوم امر على علي واشوفه شيكول بس انه متاكد مراح يكول شي خصوصا هوه كاعد يدور على شغل وحيل مضايق عليه فتلكاه اصلا راح يكيف بس اكله ...

ابوحسين - هاي هيه على بركه لله لعد انه اروح هسه وبعدين امرلك واكلك بقيه التفاصيل ..

- لاوين عمي بعد وكت اكعد حتى ماشربت جايك ..

- لا والله عمي مستعجل هسه عمتك ام حسين منتظرتني اخذها للطبيب علمود رجليها
- الله وياك عمي كل الهلابيك وسلملي على عمتي هوايه وكلها مايمها غير العافيه ..

,,,,,,,,,,,,,,,,

-اكلك مازن شصار على موزعين المحافظات
- دبرنه ثنين لبغداد والنجف بعد كربلاء واربيل والبصره راح اخلي واحد من ولد عمي يفرغ واحد من محلاتنه هناك وخلي يسويه مستودع وهو يلزمه ..

ادهم - اي زين ..خوش فكره بس اكلك خلي صباح يلزمه لان هو اكثر واحد بولد عمك امين وشاغول ..

مازن - ايي وانه هم كلت هشكل ..وانت كلي شصار على اهلك خابرتهم لا ..

ادهم - يمعود اسكت وخليها غير خابرت والوالده سوتلي زفه شكبرها على بو اريد ازوجك واريدك يمي ووو دوخه شكبرها ..ساعه هي تعيد وتزيد بنفس السالفه ..ازوجك وما زوجك ..
اكلها حجيه ماريد اعرس ..اريد ابقى هيج طير حر ..ومحد يصيدني ويحطني بقفص ..
تكلي اريد اشوف خلفتك واريد اشوفك مرتاح بيتك ويه مرتك وجهالك ..بله انه هم جهره واحد يعرس ويخلف ..لاوتكلي ازوجك ست البنات ..هو انه منو التقبل بيه ..وتزوجني ست البنات . ههه والله عمله هاي ياربي ..