غربة روح

البارت 9

#غربة - روح

#Nabá- baqer

•••••••••••

#لا تصاحب شمس وتزاعل الليل $*$
#لان تشبع مذله بوكت الغروب&*&

#ولا تصاحب شمع وتأمن ابساع ;؛;'
#تره الشمعه تغدرك لمن اذوب !"!

#ولا تعشگ بشر وتصدگ الينگآل^*^
#امشي بشور عقلك مو بالكلوب,،,

#ولا تجرح بشر دير بالك انت  بهاي:
#حط نفسك مكانه شوف شلون يذوب؛

#ولاتمشي غلط درب الغلط معروف'
#تظل بعلتك جنك طفل مصيوب*

#ولا تشوه سمعتك بين كل الناس ;
#غصبا عن اليكرهك صير محبوب "

,,,,,,,,,,,,,,

ادهم : حجايه طلعت مني بالشقه ماجنت ادري راح تصير صدك ... ساعه اكول هذا اخوي والي الشرف اناسبه والنعم منه ومن اخلاقه وتربيته مايوم سمعنه ..شي عنهم ولا صوتهم طلع بالمنطقه ...
وساعه اكول لا تسرعت هذا زواج وعشره عمر بله طلعت مو حلوه لو ماتفاهمنه ...
اااوف والله حيره ...يلا خليها على الله هوه يحلها اذا جانت نصيبي حتصير لوموصداقه تجمعنا وعشره ..واذا مونصيبي والله لو اسعالها بأدي ورجلي متصيرلي ..فالاحسلي اخليها على الله ...

,,,,,,,,,,,

بعد اربع ايام دزولنا خبر موافقتهم وراحت الوالده هي وخواتي حتى يشوفنها ويشوفن طلباتهم وبعدها اروح حتى اشوفها ...

صراحه حمسني منكد مجانن بس يحجن بجمالها وحسنها ونزاكتها ...ولو هيه نبع الحنان عدها كل البنات حلوات بس كون تزوجني وتربطني يمها ...

................

ايه : بعد زواج شاكر مجانت عندي فرصه حتى اشوفو لصگر ...صگر موبس ابن عمي
لا هذا حلم العمر وحب الصبا ...جمال ورجوله وهيبه وشخصيه اليشوفو ميكول هذا اخو مناهل ..صراحه هو ميستحق يكون عندو هيج اخت .... يختلف عنها فرق السما عن الارض عمرو مادحج بنظره مو حلوه لوحده من بنات عمو لو عمتو .. من يدحجنه فتنه من يمو يغض بصرو وينزل راسو وغيرتو علينا وخوفو خلني مو بس احبو لا ااعشقو ..

بس هو طول عمر مايشوفني بنظره حبيبه ..
دائما يعاملني مثل ميعامل خواته ..وهذا الشي خلاني احاول ابينلو ان اني مو اختو ولا عمري حسيتو اخويه ..بس ماااكو لا حياة لمن تنادي
ومع هذا بقيت احاول عسا ولعل يجي يوم ويحس بيه ويبادلني نفس المشاعر ...

•
•
•
مياسه : مرت ايام واني ساكنه بشقه وسن ولا جديد بحياتي بس اكل ونام حتى شغل معدنه الشقه مفروشه ومقبطه متتوصخ الا ماندر يصير تراب ع الاثاث وهذا بعشر دقايق انظفه وابقه كاعده مليت وطكت روحي من الكعده
ماعرف شنو مصيري وشنو ظامتلي الايام
لا اهل اجوني ولا احد سئل عني ..
كلت لوسن تشوفلي شغله اقتل بيها وقت فراغي ..
شو اول مكتلها كيفت وايدتني وكلتلي حتسعالي بيها بعدها راحت للمشفى ورجعت مغيره رايها ..ورافضه بحجه موزين علي وميصيرلي الجهد والتعب المفرط ولازم ابقه مرتاحه وكولشي الاريده يجي عندي ...