غربة روح

بارت 18

#غربة _روح ✌🌟

#Nabá_baqer✌🌟

البارت الثامن عشر 💬

  •°❤°•  … •° ❤°• …•°❤°•

روح ...
سديته من مازن وخابرت على امي ...

-الو ..هلا يمه هلا بالغاليه شلونج ...بعدروحي
يمه عساج سالمه انه بخير ..الحمدلله وادهم
هم بخير ..لا والله طالع يم جماعته ..

خالتي هم زينه وكلماشوفني تكلي وصليلي
سلامي لمج من اتخابرينها ...

يوصل يالغاليه ..
اكول يمه سمعت تردين تخطبين لمازن ..
هاااا ..ايي يمه بس مازن بعده مانساها للمرحومه و كل ليليه جنت اسمعه وهوه
يبجي عليها ..اذا تخطبيله راح يضلم بنت الناس وياه ...
ايي يمه ادري بس هوه ميريد شلون يعني
يمه هوه رجال قابل بنيه حتى تجبرينه
حتى البنيه بعد ماتنجبر ...

زين بنته شبيها ..ايي ..زين اذا مضايقتج
دزيها الي انه ماعندي شي هم تسد علي
فراغي وهم انه اهتم بيها مثل قبل ..

لا يمه رجلي مايحجي شي ..يمه سمعي مني
تره اذا سويتي الي براسج تره انتي تتفشلين
ويه خالتي ام شاكر (ام فهد ) ...

بعد شحجي اذا انتي الي براسج  ... براسج .
يمه ايه تره صديقتي وماريد اذيتها
حتى لو جان اخوي بس البنيه راح تتعذب
ويه ابنج ..
ومن هسه اكلج تره انه وياها ...مو وياكم
لان صدك مازن اخويه بس اعرفه شنو من
بشر ...وعصبيته محد يجرعها ...

هاي هيه يمه ..الله وياج يالغاليه ..سلميلي على حور وبوسيلي سماوي ..

هلا يحلوه ..الصاكه مالتنه شسوي ..

روح ..هلوووو حنان حبينتي فوتي ليش واكفه بالباب ..

حنان .. لا والله حبيبتي بس صعدت انزل الملابس من الصطح ...
واجيت اكلج ..ااا شنو جنت رايده ..ياربي
شنو رايده خررررب نسيت ..

روح صدك ضحكها شكل حنان وهيه ماده
نص جسمها من الباب وكالبه عيونها لفوك
ولاويه حلكها وحاطه صبعها على خدها عود
تفكر ورجلها الطالعه من الباب تهز بيها

اليشوفها ميكول عمرها ب ال 20 ..
تصرفاتها وحركاتها مال اطفال ..

وتقريبا هي الوحيده المونستها هنا
لان جنان عقلانيه وتتصرف بنظوج عكس
حنان ودائماََ لو تشتغل لو تكعد تقره روايات

وخالتها ام ادهم مره كبيره بالعمر الوقت كله
يابغرفتها تصلي او تطلع هي وعمها تسيورات

وغالباََ تسيوراتهم تصير بالليل بعد العشا
لان همه كلهم الكرايب كاعدين بمنطقه وحده

لهذا بالليل ناس تسير على ناس ..
واسعد ومرته عازلين ببيت لوحدهم
بس هم جوارينهم ...
ومرت سعد بنيه حبابه بشكل ..
صح جهالها وهوستهم ميخلوها تجي لبيت
عيالها هوايه ...
بس على مرتين بهذا الاسبوع كدرت تجي
ويكعدن هيه وروح ويتعللن سوه ..