غربة روح

آلَبّآرتُ 7

# غربة - روح

#Nabá -baqer

®®®©©©

هلا والله بالربع شلونكم عساكم ع الكوه

مازن : هلابيك الو نمر يكوي حيلك
ادهم : حبيبي ابو نمر الحمدلله انته شلونك
مختفي يخوي بس لا صايدلك صيده 😉 ومبعدتك عنه ..

فهد : ههههههههههههههه الله يلعن بليسك اياادهم ويني وين الصيدات بعد اخوك هاي السوالف خليها الكم انه رجال شاغول همي شغلي وبس مو مال هاي سوالف ...

مازن : انه طلعوني خارج قوس انه بعد مومال هاي السوالف

ادهم : انته باله سالفتك ميؤس منها ..اعرفك
بس شغل وجكاير مخلص حياتك..بس ابونمر ليش ياخوي مو مال هاي السوالف ..اصلا هنه ملح الحياه لوما المزز ماجان حياتنا بيها طعم

وبعدين واحد منكم خليعرس اريد اركص واكل كيك وشربت ..موطكت روحي بيت شغل ...شغل بيت ماطلعت عيشه هاي واذا صاحبت لازم تنقط برصيد ..

فهد : اذا على الكيك والشربت ابشر ماطلبت جنك على كيك وشربت هساع ادز واحد من الشباب يحملك بيك ام مال كيك وشربت ..

بس سالفه القط هاي قديمه اصلا انته طول عمرك مقطوط من جنت بالكليه وانته صاير مقطاطه ..

مازن : عوفك منه هذا وكلي شصار على تصريف البضايع ..

فهد :كولو تمام دزيت على اصحاب محال السيارات و ورش التصليح وتفقنا على توزيعهن وحتى خارج المحافظه راح نوزع
بضرف اسبوع راح تصفه المخازن ونشحن بضايع جديده ...

ادهم : الحمدلله الله يسرها النه وبسرعه مشت هاي المره ...

فهد : نحمدو ونشكرو يله انه اترخص اليوم رايحين نمشي الشاكر ولازم اروح هساع هم ياله قبل لا تبلش العالم تجينه ...

مازن وادهم : الله وياك سلملنا على شاكر وباركله بالنيابه عنه ..

فهد : هاااع شنو انتو ماتجون لا والله موهاي المرجيه منكم وانه اكول ربعي حزام ظهري واول الحاظرين ...

مازن :والله ياخوي اعذرني انه ماكدر اجي لازم انزل اليوم للاهل بالي على بنتي مريضه وبس تبجي علي ...

ادهم : وانه بعد ياخوي اليوم نازل لاهل كلبي مثل النار عليهم ..البارحه الليل كله اكوبس بيهم ...

فهد : عوفكم من هاي السالفه ثنينكم تجون وباجر عود اذا الله خلانه طيبين انه بنفسي اوصلكم لدياركم ..بس اليوم انه رايدكم وياي
يله غداكم يمنه اليوم انتظركم موماتجون  ...

الله كريم ..

,,,,,,,,,,,,,,,,,,,,,,

فهد : رجعت للبيت ولكيت العالم كلها عدنه والشباب ذابحين الذبايح وبادين بالطبخ
طبعا احنه عشيره جبيره ومعروفه بالغربيه وعدنه معارف جثير وحبايب جثير وكلها اجت حتى المامعزوم بس سمع بمشيه شيخ شاكر همينه اجه المهم تحزمت وبديت اشتغل وياهم واعاونهم بالطبخ وبتحضير المواجيل