غربة روح

آلبآرت 4

#غربة -روح

#Nabá -baqer

🌵🍄🌵🍄🌵

ادهم  هو الصديق الرابع لفهد من صحبه الجامعه تعرفو على بعض ..هوب هوب عيني
ست نبأ .منو كلج تعرفين بالنيابه عني للقراء
شنو اني صفر طاس مثلا هنا ..رجال شكبرني
شكدني وتعرفين عني ..شو نطيني القلم بله
😒😒😒

هاك عيني عرف عن نفسك ابو العريف
اكلني بلسانه نزول 😒😞

ولج هاي على منو النزول 😡

عااااا هاي شبيك صدكت دا اشاقه عابت محد.
يكدر يشاقه وياه 😟

اي نرجع لموضوعنه 😄

اسمي ادهم عمري 25 سنه خريج هندسه
مدني جامعه بغداد من سكنه البصره
موصفاتي عاديه حالي من حال شباب
بلدي جميل ومربوع واسمر (قصدك محترك مو اسمر 😂) المهم ماعليكم منها هاي مضغوطه
من جمالي 😌.(خف علينه يابراد بيت ابو جمالي 😒) ..

اي اكمللكم وصفي طويل وصاحب اكتاف
وجسم رياضه محافظ على لياقتي البدنيا
احب اتمرن فتنس بالنادي اقل شي 3مرات
بالاسبوع ...

عزابي عايش حياتي طول بعرض عائلتي تتكون من الوالد والوالده الله يحفظهم (كولو امين 😠) واخواني ..

اخوي الجبير اسمه سعد عمره 30متزوج وعنده ولد وبنت وزوجته حبابه وخدومه ومعتبريها اختنه وهيه همينه ..

وخواتي تؤم حنان وجنان عمرهم 20 طالبات
جامعيات .

تعرفت على فهد وباقي الشباب بالجامعه بالسكن بالبدايه مجنه نعرف بعض كلش زين
بسبب اختصاصاتنه المختلفه لهذا مجنه نجتمع بس وقت الرجوع للسكن بس بمرور
الوقت تطورت علاقتنه وقوت وصرنه طلعه وطبه سوه واحد تعرف على اهل الثاني
وانه وفهد قوت علاقتنه من بعد ما فد يوم
اجت الوالده والوالد لبغداد وعزمهم ع الغده
وبعد السوالف والضحك الوالده الله يحفظها
وصته علي بسبب طيشي عاد هوه ماصدك
ولزكلي فرد لزكه (عبالك لزكه جونسن 😂)

اي من يومها قوت اكثر علاقتنا وعرفته وعرفني بعد اكثر بس من بعد التخرج
بقينه فتره اخبارنه منقطعه عن الثاني
لحد ما اجاني شغل انه و مازن صديقنه الثالث
بالانبار .
واجينا هنا فقترحت على الشباب نعيد الايام
الخوالي ونرجع لمتنا صح بعد واحد مختفي
عنا ومنعرف اخباره بس انشالله اتمنى يجي
يوم ونعرف شي عنه .

وهسه عوفوني اكمل الغده لان مصموط صمط
من الجوع 😁 وروحو على فهد ومازن شوفو
شيحجون وتعالو كولولي 😂...

;";";";";";";";";";"

فهد وهو يضرب على كتف مازن .
الله بالخير وين غايب ...
مازن : هههه هلا والله بفهد شلونك حبيبي
اعذرني يخوي بس جنت تايه بدهاليز الدنيا..
ومانتبهت على جيتك ...