#غربة _روح ✨
#Nabá _baqer ✨
البارت الخامس عشر 💬
_•_•_•_•_•_•_•_
مياسه - حاله من الجمود صارت عندي وكاني تقبلت كل اللي صار وياي ..
ومعندي اي رده فعل عن اااااي شي ...
صرت مثل الروبوت ..روحي اروح تعاي اجي ....
اخذني لشقه وجابلي اكل ومتوقع مني اكل وامارس حياتي طبيعيه ولا كأني تزوجت انسان ماعرفه ...
ولا عندي معلومه وحده عنه حتى اسمه مجهول بالنسبه الي ....
بس حقه يسوي كل هذا المثلي اللي لاعدهم اهل يسألون عنهم ولا احد يفتقدهم ..
هشكل حيصير بيهم الدنيا تصير تملطشهم
وتخلي ياهواليجي ويتصرف باليعجبه وياهم
ومالهم حق يحجون لان ببساطه ...
ماعدنه احد يدافع النا او نلجاء اله ويخلصنه
من هاي النماذج التتحكم بينه بكيفه ..
حتى لبسي صار تحت تصرفه ...وغيره حسب مزاجه ولبسني عبايه الي عمري محاطتها
على راسي ..
ولا اعرف شلون تنلبس وشلون تتثبت ...
لبستها وبقيت على سكوني وياه ...
واخذني وطلعنه ...الطريق كله
ساكت وعيونه تباوع للطريق بحزم ...
وعيوني تباوع بحزن وخيبه امل
ماستحقها من الدنيا ...
خيبت ضني بيها من بعد ماعشمتني وخلتني
اعيش ايامي الاخيره براحه ...
واني مامصدقه راح استقر واكون مسؤله عن
نفسي ويكون عندي بيت خاص بيه لوحدي ..
كانها تندمت على هاي فرحتي ورجعت سحبتها مني ...
وخلت مكانها دموع متحجره بطرف عيوني
وحتى هاي الدموع هم اتفقت علي ...
وبقت ثابته بطرف عيني لاهيه راضيه تنزل
وتريحني ولاهي مختفيه من عيوني
ومخليتني اشوف دربي ....
رفعت عيوني للسما وشفت السما حمره والقمر نصه طالع والنص الثاني مختفي وره
قطع الغيوم الحمره ...
رجعت غمضت عيوني واتكأت ع الجام وصرت احجي ويه ربي ....
ااااه ربي اااااه سبحانك ما اعظم شأنك
كلشي الي تسويه وراه خير ومنفعه للناس
بس شنو الحكمه والمنفعه من اللي اني
بيه هسه ....
معقوله ضياعي بهاي الدنيا و وحدتي
وهسا زواجي من هذا الشخص بيهن حكمه
ومنفعه اني مامنتبهتلهن ....
دخيلج ياامنا ياعذراء احميني واكفيلي بكل شداتي ياقديسه .....
بقيت مغمضه واناجي امنا العذراء اللي صرت
دائما اشوف نفسي واني واكفه اناجيها
بالكنيسه ويمي عالم هوايه ومره دائما
تبقه تردد اسمي وتصيح ...
مياسه ...مياسه ....
واشوف رجال يضحك واني اضحك وياه
وشاب دائما صرت اشوف طيفه موواضح منه
من بديت استعيد ذاكرتي لليوم ....
ماعرف شيقربولي ولا شنو علاقتي بالكنيسه
وامنا العذراء بس صرت كل مااوكع بشده
الساني يكوم يلهج بذكر اسمها
ويصير يناجيها ...
أنت تقرأ
غربة روح
ChickLitدنيا غريبه بديناها بدموع وعشناها بضحك وفرح وحزن وقهر وكعده صبح ولمه اهل وسهرة سمر ونهيناها بغربه لكن موغربه وطن ولا غربه بيت غربه اصعب واقسى من كل انواع الغرب وكل انواع التهجير تهجير نفسي تهجير روحي تحس نفسك بوسط اهلك وناسك بس مو هو هذا المك...
