غربة روح

بارت 17

#غربة _روح 🍀

#Nabá _baqer 🍀

البارت السابع عشر 🍀

///////"""""//////"""""//////""""////

الرمادي -

سيف - عفتها وطلعت من بيت اهلي وانه جبال من الهموم على اكتافي ...

قهرت ابوي وطردته الي هواي مأذياتني ..

بقيت كم يوم بيت عمي ابواحمد وبعدها
عفت الورشه ورحت للرمادي
ودخلت شراكه ويه الشباب بالشكم فلس الجنت لامهن حتى افتح بيهن ورشتي ..

فكرت بيها ادخل شراكه بشغل مضمون ولا افتح ورشه وابدي بيها من الصفر ..

وهم الشباب جانو محتاجين سيوله ...
وهاي صالي شهر من طلعتي من البيت
لااعرف اخبار اهلي ولا بنت الناس الي
جبتها وغصبتها اعقد عليها وانه كل فكري احميها وأويها
تاليتها عفتها ورحت ..
بس لا انشالله كلها بعد شهر زمان واتطلع الارباح واشتري بيت او حتى ااجر
واكعد ...
وتبقى عندي بس زعله الحجي علي
باقيه تاكل وتشرب وياي
وكل همي بس رضاه ...عمري ماسويتها وعصيتله امر بس بهااي ..مكدرت اسيطر على
نفسي ورحت سويت شي مراضي عنه ..

يابه شمالكم شو ياهو الي اشوفه الكاه مدلغم

سيف - بله ادهم ماتسكت انته شعليك
عرست وامورك امدبرها ..

مو انه الواكع بالوحل لاني الي معرس وشايف
باب الله ولاني العارف شلون اراضي السيد

مازن - اي والله يابو شكريه انته سالفتك سالفه بله هاي عمله تسويها تروح
وتزوج وبعدين تدخل على اهلك وتكلهم
والله هاي مرتي واريدكم تفرحولي
توهوسولي ...

ادهم - وشلون فرحوله وهوسه هوسوله ...

سيف وهوه يضرب ادهم بالدفتر الجان بيده
لك ابو حلك هاي عليمن تصنف وتضحك
لاتخليني اكوم اشوفك الهوسات شلون تصير

.....

مازن وهوه يضيك عيونه ويباوع الادهم
بطريقه تشكيك ....

ايي ابو الشباب ماكتلي شعندك عايف مرتك وكاعد مكابلنه هنا ونته مصالك اسبوع من عرست ...

ادهم ارتبك وحس نفسه بورطه شيكله بله
يكله انه ماطايق العيشه بالبيت لو يكله
مامتقبل اختك بحياتي وحاس نفسي
متورط .....

ادهم عدل كعدته ع الكرسي واستقام بكعدته
وجاوب مازن بس بعده الارتباك مبين عليه

والله ابو الشباب تعرف انه ماطيق كعده البيت ومتعود ع الشغل ...

سيف - ميخالف بس تره انته عريس يعني المفروض هسه انته غركان بالعسل ...

مازن ضاج من حجه هشكل سيف صح هوه موقصده بس ميخالف تبقه اخته وميرضاهه
على نفسه يسمع هذا الكلام وغيرته تخليه ساكت