#غربة_روح
#Nabá _baqer
البارت السادس والعشرون 💬
------------------
كالو #ماتحن كلت اليحن يعتب
#كالو ليش
كلت #الماي من يروي البشر ينذب
كالو #هم صدك
كلت #الصدك مرات واليحجي الصدك كالو عليه خرب
كلت ما اصفه #وياهم بعد ورجع
بكصصهم #شح هذاك الماي
وماي عيونهم #بجذب مايدمع
مادير الضهر #للمايدور وياي
او لا كاسرلي #خاطر ونفس تطلع
وخلهه #بالهم صافي بصفات الماي
عزيزه ارواحنه #لغير الله مانركع
--------------------------------------------
سيف ...
خلص عرس مازن وزفينه العروسين
ورجعت للرمادي
لان باجر عدنه شغل وتحديد مصير ولازم ابلش شغل من وقت لان ع الضهر
لازم احنه مكملين عرضنه ومسلمينه للوزاره
علي بقا بالبصره يكول عنده شغل وباجر يرجع وادهم من وقت الزفه اختفا ومشفناه بعد
البصره ...
ادهم ...
حظرت نفسي وتانقت كعادتي وطلعنا بالزفه
وكل فكري يم روح ردت اشوفها
مادري ليش روحي لايبه عليها ومفتقدها
هواي ..
صعدن النسوان بالسيارات وعيني صارت مثل الرادار اتبعهن كلهن ردت المحها ماكو
طلعنا للرمادي وصلنه هناك مطولنه
اخذنه العروس وطلعن النسوان للسيارات
وانه وكفت بعيد لان صارت هوسه
بقيت اراقب من بعيد وطلعت وحده
ضحكتها شاكه الوجه واللبس شنو والمكياج
بقت عيني عليها شكلها جان مغري وملفت للنظر وكل الزلم عيونهم جانت عليها
وهيه ولا يمها ضاربه الدنيا بعرض الحايط
فورتني وحجيت عليها بقلبي وعلى اهلها
معقوله منتبهو لبتهم من طلعت بنص الزلم بهذا شكلها ....
بس بعدين سوت حركه انه مشبها بس عدمن ماعرف ...
بعدين انتبهت لخاله ام مازن جانت تحجي وياهه وهيه منطتني ضهرها مكدرت اميز شكلها عدل
بعدين راحت مدري شسوت بسياره العرس
وانه مراقبها ردت بس اعرف مني هاي
معقوله تعود لمازن ...
بقت عيني عليها لحد مدارت نفسها وصرنه وجه بوجه وانه دين مابقه براسي
طلعت الخاتون روح ...
عينها صارت بعيني انه شطت للستار من العصبيه ولوبيدي هنا اجنزها واطلع كل
خبالي بيها ..
اشرتلها ورحت للسياره اجت تتمشه ومبين الخوف عليها والرجفه ...
هه خايفه ..بعد وقت للخوف بعدچ اشفتي من الخوف بسيطه ...
ههه احجي على اهلها وطلعت انه المكرن العايف مرته تسرح وتمرح بكيفها ...
والله الا اطلعلج جلد ثاني ياروح بسيطه
بت الذين لابستلي ثوب نوم لازك عليها لزك
وحاطتلي كيلو مكياج وتفتر كدام الزلم
حاسبه روحها فيفي عبدو وعوزها بس وصله وتهزلي بالشارع بس دواها عندي ...
اخذت الطريق كله وانه اكل بروحي اكل واريد بس اوصل ..اباوعلها بطرف عيني شلون
خايفه ومكتفه اديها وشفتها ترجف وحاشكه
روحها بالباب ....
أنت تقرأ
غربة روح
Genç Kız Edebiyatıدنيا غريبه بديناها بدموع وعشناها بضحك وفرح وحزن وقهر وكعده صبح ولمه اهل وسهرة سمر ونهيناها بغربه لكن موغربه وطن ولا غربه بيت غربه اصعب واقسى من كل انواع الغرب وكل انواع التهجير تهجير نفسي تهجير روحي تحس نفسك بوسط اهلك وناسك بس مو هو هذا المك...
