غربة روح

بارت 16

#غربة_روح 🌸

#Nabáه _ baqer🌱

البارت السادس عشر 🌸

~•~•~•~•~•~•~•~•~•~•

البصره ...
_____________
ادهم -
زفوني وانه خالي من المشاعر ماعندي اي احساس اتجاه الانسانه الموجوده فوق ...

صح مشيت بكل امور الزواجه هاي
بس بدون مشاعر ..
ميربطني بهاي الانسانه غير عقد ورقي ...

وراح احاول بكل الي اكدر عليه اوفرلها كلشي
من راحه ماديه ومعنويه ..

لكن المشاعر هاي انشالله تجي بالعشره
ومرور الايام ...

روح -
تمت حفلة حنتي مثل ماجنت رايدتها واكثر
كلشي جان من اجمل مايكون ...

من مكياج وشعر و بدله ..كله اختاريته بنفسي حتى الكيك انه اختاريته و وصلي مثل مردته
حتى..
البنات مقصرن وكفاتهن الي عمري مانساهن ..
حور  وايه وصديقاتي ..

تمت على احسن مايكون ..
واليوم هوه اليوم الموعود او مثل ميسمونه
the big day
مثل البارحه من السبعه انطلقنه للمركز
بس رجعنه من وكت لان طلبت شي بسيط
وانيق ..
وبنفس الوقت ردت اشبع شوف من اهلي وصديقاتي قبل لا انتقل لبيتي الجديد ...

وصار وقت زفتي اجه عريسي هوه واهله
انه جنت متغطايه حسب ..
اوامر مازن مقبل اي شي يطلع مني ...

والا اذا تبقه على عريس الغفله ميهمه حتى
لوطلعت بدون ملابس ...

المهم مطولو بسرعه طلعنا من بيت اهلي
و ورحنه لبيتهم محسيت بالوقت غير
كالو خل انزفهم ...

اهنا صدك بده الخوف وصرت اباوع بالوجوه
ردت وحده اعرفها ماكو كلهن اختفن من يمي
وباقيات بس العجايز مكابلاتني ...

بعدها اجت امي وحور وام العريس وساعدني
اطلع لبيتي ..

ايي بيتي ويامحلاة هلكلمه وانه صار عندي
بيت خاص بيه صح هوه سويت بالطابق الثاني ببيت اهله بس ميخالف المهم
يكون خاص بس بيه ....

دخلوني لغرفتي ولحظات نسيت بيها خوفي
ولتهيت بالتحفه الي دخلتلها ....

غرفتي كلمه جمال واناقه وابداع هاي قليلات بحقها ....

الغرفه كبيره  ولون حيطانها ابيض وعليه طبعه ورود ذهبيه و
الضلع مقابيل الباب عباره عن
شباك كبير ع طول وعرض الحايط ...

والضلع الي بصفه كنتور هم بطول وعرض الحايط ولونه حليبي ومزغرف بزغرفه ذهبيه ...
والظلع المقابل الكنتور جان خاص بس ميز تواليت وميز للعطور والكريمات مالتي ..
وهم لونه حليبي ومزغرف بالذهبي ..

والسرير جاان دائري وكبير ومحطوط بنص الغرفه مو ويه الحايط وعليه فرشه بيضه
وبيها فراشات من التول ونازلات بجوانب
السرير ...