ماذنبي انا للكاتبة ام مصطفى

البارت الثالث

#ما_ذنبي_انا

البارت الثالث
#ام_مصطفى

دخلنا للبيت وفرحت ساميه شكبرها بعلاوي
رغم اوجاعها بس فرحانه هواي بعلاوي
أم ياسين بقت يمها أسبوع
قبل لا ارجع للدكتوره بالليل كتلها
ساميه أريد اكلج شغله
كالت كول
أريد اكلج شي بس مااريدج تنقهرين
اريدج تصيرين قويه
اذا مو لخاطري لخاطر علاوي
كالت خوفتيني شنو شصاير
علاوي بي شي
لا علاوي عين الله عليه مثل الورده
بس
بس شنو؟ ؟
انت من وكعتي من الدرج النزف اخذج ومكدروا يوقفون النزف إله
سكتت
اله شنو
بيه شي اني
اله يشلون الرحم
جنت مخير بين حياتج والرحم
ووقعت ع الرحم
يعني اني بعد ميصير عندي طفل
بقيت خاله أيدي ع حلكي
وابجي
عيوني ليش تبجين هذا قضاء الله وقدره
ولا اعتراض ع قدره
وبعدين الحمد لله عدنه علاوي
الله عوضنه بي
خير من الله هذا رزقنا هيج
والف الحمد لله والشكر
انتم عندي بالدنيا كولها
ومااريد غيركم بعد
أهم شي انتم بخير
أم ياسين هم حجت يمه كولي يا الله
الحمد لله عندج وليد يشيل اسمكم
خير من الله همه الواحد والعشره نفس الشي وداعتج
الحمد لله من طلعتي بروحتج يمه
سكتت كتلها الحمد لله ع كل حال
بس كلبي محروك
الصبح رحت للدكتوره فتحت الخياطات
وبقت تنصحني وتعلمني هيج سوي وهيج اكلي ولا شيلين ثكيل
ولاتعبين نفسج
كتلها أن شاء الله
اخذت العلاج ورجعنا للبيت
يوم وره يوم تحسنت حالتي
وتعودت ع علاوي
علاوي مله البيت علينه
عبالك لعابه ونلعب بي
ابوه يطب ويطلع جايبله حاجه
كبر صار عمره سنه
وكامت تطلع لعباته
فدوه لله شلون حليو تعلقنه بي
كلش
صباح كام يرجع من وكت ع موده
يلعب وياه
ولحد ما ينام هو بحضنه
الف الحمد لله يارب
كلش فرحانه بيهم
صباح مدللني ادلل ممخليني محتاجه شي حنين كولش
عوضني حنان الاهل
وعلاوي مالي الدنيا علي
كبر علاوي صار سنتين عمره
وتعلقنا يزيد بي أكثر واكثر ...................
صباح فد يوم كاعد بالمحل واجت بنيه طالبه مبين عليها بس كلش حلوه مشايف هيج جمال
كالت مرحبا
دنكت أهلا تفضلي خويه
محتاجه شي كولي
اي والله رايده لاسق عريض
ورايده مقص اذا عندك
اي موجودات
لحظه وانطيج
رحت جبت الها وانطيتهم الها
شكد سعرهن
خليهن ع حسابي
لا رحم الله والديك
نص دينار انطيني
تفضل مشكور
رفعت وجهي صارت عيني بعينها
بقيت صافن بويه شنو ها لجمال كلت بكلبي
هي ابتسمت ابتسامه قليله
مع سلامه
ها
مع سلامه
هزيت راسي شنو هاي شسوت بيه
دوختني اول مره اشوف هيج جمال
أعوذ بالله منك ياشيطان
رجعت ارتب بالغراض
الظهر عزلت المحل
وطلعت وي طلعتي وكفت سياره
ونزلت منها نفس البنيه
بقيت متبسمر بمكاني
وصافن عليها
وهي هم مقصرت مشالت عينها مني وتتبسملي
لحد ما تعدتني وراحت
من راحت كمت امشي وراها
لأن نفس طريقي
هي دخلت بالدربونه الورانه وإني دخلت دربونتنه
طبيت للبيت تلكاني علاوي بابا بابا
هله بويه افيييش خلي احظنك
خلي يروح التعب كله
ههههههه الله يساعدك أبو علاوي
وخر ولك ابوك تعبان
لا عوفيه هو يوخر كل التعب مني
الله يحفظه الك ويحفظك النه
فوت حظرتلك الحمام
حتى أصبح الغده
دخلت للحمام لكيت ساميه محظره
الأكل
عاشت ايدج
تغديت وعلاوي بحضني
وساميه كل العادة تتعارك وي علاوي
ولك انزل من حضن ابوك
تعبان الرجال
وهو يعاندها ويعيب عليها
هههههههههه أشبع ضحك عليهم
رحت انام وعلاوي اجه نام بحضني
مثل كل يوم اناملي ساعتين
وتكعدني ساميه اروح للمحل

ثاني يوم الصبح هم شفتها
بس هالمره تعوذت من الشيطان
وردت وجهي
شني شجاني
حتى لو حلوه
علاوي وامه تارسين الدنيا علي
اشو هاي اجت للمحل
مرحبا
كتلها أهلا اختي تفضلي
هذا المقص اشو
مكص زين
أريد تبدله الي
اي صار ادللي
بدلته الها
بقت واكفه
محتاجه شي بعد
لا بس اشوف اخاف محتاجه شي
كدامج المحل
يله اجيب امي واجي العصر
انت العصر تفتح
اي افتح
زين يله مع السلامه
ها قبل لا اروح
شنو اسمك
اسمي صباح
وإني زينه
تشرفت
مدت ايدها
اني هم سالمتها
وبقت صافنه هالمره هي بوجهي
استغفر الله
هاي شلون سالفه
جريت أيدي
وهي طلعت
الظهر تقصدت أعزل من وكت
قبل لا تمر
والعصر اجت جابت امها
يوم هذا المحل
شوفي شغلاته كلش حلوه
طبت امها سلمت
تفضلي حجيه
بقت تباوع أخذت غراض
وزينه منتجيه بس تراقب
تحركاتي
كلما ادير وجهي تباوعلي
شلون سالفه هاي
المره صراحه أخذت هواي شغلات
وكالت خوش حاجات عندك وكله أصلي
بعد منا وهيج نصير معاميل
كل الهلا بيج حجيه
المحل كله كدامج
مشكور يمه
يله زينه شيلي
وياي
مع سلامه
سلمت وطلعت
بقت زينه
تمشي وتتلفت علي
وتتبسم
ديله بالله اني ادير وجهي منها هي
تتبسم الي انوب شلون جمال
عبالك حوريه نازله من السمه
ادري هسه اشافت بيه اشو
اجلح أملح
بقيت بس أفكر بيها وبالي يمها
بقت شهر ع ها لحاله يوميه كامت تتعمد تمر من المحل
امها تجي تأخذ أغراض من عدنا
إلى أن فديوم الصبح اجت
سلمت وخلت ورقه
ع المكتب وراحت
اجيت فتحت الورقه
لكيتها رساله وبيها رقم
تليفون
وكاتبه
اني من أول يوم شفتك حبيتك
وشغلت بالي
هذا رقم تليفون البيت ياريت تخابرني
بقيت مصدوم شني السالفه
معقوله اكو بنت هيج
طبكت الورقه وذبيتها بالمجر
هاي بطرانه
عبالها مامزوج
مره ثانيه تجي اكولها اني تره مزوج ثاني يوم الصبح اجت كبل دخلت للمحل
صباح الخير
صباح النور
ليش مخابرت
هااا بقيت مصدوم ع جرأتها
تره انت متعرفين شي
شنو المااعرفه كول
اني مزوج تره وعندي ولد
وماعندي هاي السوالف
بقت صافنه وهسه يله كلت
مزوج من خليتني أحبك وتعلق بيك
شنو؟؟؟
شنو تتعلقين بيه مواعدج بشي حاجي وياج بشي
اختي هذا محل رزق ياريت
تعوفيني استرزق
وشيلي هالموضوع من راسج
لأن صراحه اني أحب زوجتي
وماابدلها بالدنيا كلها
زينه ..من كلي هيج أحس النار حركت كلبي
عفته وطلعت بس حيل مقهوره
اني زينه المدلله عند اهلي ماكو شي اريده اذا ميصير
والولد كلها تتمنى نظره مني
هذا هيج يكلي
والله اله أحرك كلبه وماراح اعوفه
اني متعوده الشي الي اخلي عيني عليه اخذه
خلي اعرفكم ع نفسي اني زينه عمري 20 سنه آخر سنه الي بمعهد للمعلمات
عندي 3 إخوان وإني البنت الوحيده
كلش مغروره بنفسي والشي الي يعجبني اريده
دوم الطالبات يسموني أم خشم اليابس
المغروره
ماعندي صديقات هواي بس اثنين
ونفس طبعي نكشخ ونلبس
ومايعجبنا العجب
من شفت صباح مااعرف ليش
كلت هذا الي
عجبتني شخصيته ورزانته
حاولت اتقرب منه مااطاني مجال
وراها كلت ادزله رساله
اشو مجاوب
من رحلته للمحل كلي مزوج وعنده ولد
احترك كلبي
اول مره شي اريده وميصير
عفته وطلعت
بس مراح اعوفه أبد
هذا الي ولازم يصير الي
لو شيصير
اخذه الي
وللحكايه بقيه
#ام_مصطفى