ماذنبي انا للكاتبة ام مصطفى

١٧

#ما_ذنبي_انا
البارت 17
#ام_مصطفى
اجه اسامه واخذني للبيت
الطريق كله ساكت
وإني هم ساكته
من وصلنه لبيتهم دخلنا أمه استقبلتني ع غير عادتها
أهلت وسهلت بيه
دخلني اسامه للغرفه
كال مريم اني آسف ساميحني
اوعدج مراح أمد أيدي عليج
بس انت ساعديني اعدي هاي المرحله
مريم والله أمر بضروف بس الله يعلم بيها
تره اني مو هيج اني مو مثل متصورين قاسي وماعندي قلب
لا بالعكس عندي قلب بس قلبي
محطم مكسر بي الف عله وااه
مريم تعرفين شنو تحبين وحده وتضحين ع مودها وبعدين تكتشفين انو هي متستاهل
لا وتخوني
تعرفين هي من طلبت الطلاك كمت اترجاها وتوسل بيها
تغير رأيها
وهي جانت مصره
ومن كد مااحبها
مكدرت أرفض طلب الها حتى لو كان
طلبها ع حساب تعاستي والمي
طلكتها وكلت أهم شي
هالشي يسعدها
أبد ولا فد يوم اتخيلت جانت تخوني
تعرفين انتكست وتمرضت شهر ع مودها وكوه
تعديت المرض اهلي مبقو أمام مدخلوني عليه
بدت دموعه تنزل ويحجي
تعرفين شكيت ابناتي مو بناتي وكرهتهم
إلى أن قررت اسوي تحليل دم الهم حتى اعرف بناتي لولا
والحمد لله طلعوا بناتي
تعرفين اني حبيتج من أول يوم شفتج
بس مااعرف ليش اظربج
تدرين من الأستاذ مالتج كال
راح تنخطبين تخبلت عليج
ورحت ركض لخالج
اخطبج منه
اني بقيت اراقبج فتره طويلة
أريد اعرف اخلاقج زين
صح مروان جان يكلي
جلب بيها حتى نكسر خشمهم
بس اني لوما شفت اخلاقج
وشفتج ماعندج شي ماادخلج للبيت
والله العضيم حبيتج
بس مااعرف ليش هيج اسوي وياج
ساعديني ابوس ايدج ساعديني أنسى الماضي
بقى يحجي هوايه وياي
آخر شي كتله اني سامحتك
واعترفتله اني هم حبيته
اسامه اني جنت حاسه بحنانك وحبك
بس مااعرف ليش
تصرف عكس الشي
كال مو بيدي والله
اطلب منك أنسى الماضي وخلي نفتح صفحه جديده
كال أن شاء الله
زين خلي اغير ملابسي هسه
كال اني طالع شويه وارجع
اني هم استغليت طلعته
رتبت الغرفه وخليت معطر الها
عندي نشره حلوه شغلتها
لبست ثوب ستن وردي طويل وبي فتحه طويله للركبه
ونص ردن جان
سحبت شعري
جان طويل كولش
خليت مكياج خفيف وتعطرت
دخل اسامه تفاجأ
واحسهه ارتاح
جايب علاكه بيده
جانت بيها حلويات وكرزات
كال هاي الج
سئلته ع البنات وين مالهن حس
كال وصيت امي تنومنهن من وكت
حتى يخلانه الجو
جرني من أيدي
اول مره أحس نفسي سعيده
وقمة السعاده وياه جن كلش
حنين ولمساته كولها حب وحنان
الي وي كل لمسه جان يكول احبج لاتعوفني
اترجاك ابقي وياي ساعديني
جنت اتكطع عليه من اسمعه هيج يكول
اتفاعلت وياه كتله وإني هم أحبك اوعدني تغير اطباعك وياي
وإني أراح أكون الك زوجه وحبيبيه
كال أن شاء الله
نمت بوكتها أحلى نومه للصبح مافزيت
جان حاضني للصبح
عبالك أم حاضنه أطفالها
مااعرف انقهر عليه
لو افرح لأن بده يتغير وياي
الصبح كعدنه
كال صباح الخير أحلى عروس بالدنيا
الله لايحرمني منج
كتله ولا منك
كمت غسلت
وطلعت فرحانه اسويله ريوك
أمه كالت صباح الخير يمه
صباح النور
شافتني مبتسمه والفرح مبين ع وجهي
كالت الله يسعدكم ويبعد عنكم أولاد الحرام
مروان كاعد يتريك وي زوجته
مدري شدردم
ويباوع علي بكره ويستهزأ بيه
عفته مالي شغل بي
البنات أجن يمي شبكني
مليم مليم
اوي فدووه حبايبي
الله يحفظكم الي
كاموا يتعاركون علي

بيبيتهم كالت تعالوا يمي
كتلها لا خاله عوفيهم
اريكهم وياي
سويت ريم الهم
واخذته للغرفه اسامه لكيته. هستوها طالع من الحمام
شاف البنات
اخذهم بوسهم
علا كعدت بحضنه
وحلا بحضني
تريكوا
كال اسامه حضري روح
اخذكم للإمام الكاضم نزور
واغديكم هناك ونجي
صدك اسامه
اي والله
اي فدوه صارلي كومه مزايره
يله لعد تحضري
كلش كيفت وفرحت
طبعا احنه محافظات يعني زيارة الامام الكاضم عنده
فرحه شكبرها من نجي لبغداد
حظرت ع السريع ملابس البنات.
وبدلت الهم
وبدلت ترخصت من عمتي
كالت روحوا أن شاء الله يهديكم
بجاه موسى بن جعفر
صعدنه نفرات بكوستر
تقبط بغداد كاضميه
الطريق كله اسامه لازم أيدي
ويكلي احلفيلي متعوفيني
وإني اكوله أن شاء الله إذا تغيرت
مااعوفك
بقى يحجيلي هواي عن حياته
ودراسته وشغله
إلى أن وصلنه للكاضميه
فدوه لاسمك يابو الجوادين
الراحه النفسيه كلها هناك
أحس كل همومي إنزاحت من زرته
واسامه هم زار وخلص
دخلنه مطعم تغدينه
وبقينا الساعه 5 العصر
صعدنا سيارات الكوت
وصلنا لكراج بغداد
وراها اخذنه تكسي كولناله لزويرجات
جانت اسم منطقتنا يسموها حي الوحده بزويريجات
وصلنا الساعه 9 باليل ذبينه روحنه من التعب ونمتا
مرت الأيام شهر كامل اسامه كلش زين وياي
وراها بده شويه شويه يرجع نفس أسلوبه
طبعا كله بسبب تأثير اخوه عليه
جان يلزمه بالساعات
يحرضه علي
ويذكره بإيلاف والي سوته وياي
جان يضربني ووره ساعه يجي يبوس بيه ويتوسل بيه اسامحه
باليل اشوفه يخليني انام ويركض
يفتش بمبايلي
رغم انو لأبي انترنت ولا أرقام
غير بس رقمه ورقم علاوي
ورقم اسو صاحبتي
جنت من اشوفه يدور ابقى اطلعله أعذار اكول حقه
ومرات انقهر وائيس
اكو مراح ينسى الي صار وراح ابقى عمري كوله في موضع شك
امي مرتين اجتني تشوفني
وبقت تتعذر مني
وسامحيني ماما
كتلها الله يسامح مصار شي
عرفت خوالي اخذوها يمهم
ماقابلين تبقى وحدها بالبيت
وعرفت منها بالكوه
مرتضى يتصل بيها
وشارد للبصره عايش هناك
وايلاف لسه ماعدها جهال
عمتي تغيرت كلش وياي معاملتها
كامت تحبني
أما مروان جان يشوف العمه وميشوفني
ومانع مرته تحجي وياي
وتلتقي بيه
عمتي مقسمه الشغل بينه
كل وحده تسوي شغلها
علاوي دوم يخابر ويسئل واطمنه
فديوم جنت ممطوله اتفرج ع باب الحارة جنت متابعتها واحبها
واسامه هم كاعد يمي
ساعه عشره بالليل
دك مبايلي رقم غريب
ركض اسامه رد ماكو
وراها كام يدزون رسائل حب وغرام
اسامه صارت عيونه براسه
هذا منو ولج يخابرج نص الليل
كولي
كتله والله مااعرف
كال شنو متعرفين
منين جاب رقمج لعد
هذا اكيد صاحبج
ومن ترحين لهلج مصاحبته
اصلا كلجن نفس الشي كلجن ك...
وس......
اليوم اموتج خلاص
اسامه صدكني ماارعرف منو
بيش احلفلك مااعرف
لاتحلفين ولج جذابه
دكولين منو لو اموتج
والله مااعرفه
لزم عصه وكسرها علي تكسر
وراشديات ودك
إلى أن شردت لبدت بالحمام.
وهو يدك افتحي الباب
خلي اموتج
باوعت شفت مكينه زيان
كلت ماكو غيرها أقتل نفسي واخلص
مامنها فايده بعد
تعبت من هاي الحياة
أريد اروح يم ابوي صباح
وارتاح.
لزمت الموس وكطعت وريد أيدي
كامت أيدي تجري دم
والباب يدك ويصيح اسامه ويتوعد
حسيت الدنيا تفتر بيه
وكعت بعد
وللحكايه بقيه
اللي دكول البارت قصير
هاي امكانيتي بنات اعذروني