ماذنبي انا للكاتبة ام مصطفى

العاشر

#ما_ذنبي_انا
البارت العاشر
#ام_مصطفى
مساء الخير عليكم

طلع مرتضى من السجن  واجوي خوالي يباركونه امي سوت عزيمه
بمناسبة طلعته وعزمت خوالي وصديقتها المعلمات
امي مكيفه بطلعته عبالها صار براسه خير
طبعا مرتضى خسر الأول والتالي من ورث ابوي ومن انسجن اظطرت امي تبيع المحل
لأن محد يكعد بي
خالتي أم أيلاف اول وحده اجت للعزيمه طبت تهلهل واطش جكليت الف مبروك بطلعته كرة عيونكم بي
امي تلكتها وتشكرت منها
دخلت تساعد امي بالطبخ
جانت بنتها إيلاف جايتهم خطار وجايبتها وياها سلمت عليها وبوستها
كتلها شعجب جايه هنا
كالت مو حامل وتعبانه
يا صلوات كتلها كالت والله وبالشهر الثالث اني وبيه توؤم
فدوه حبيبتي الف مبروك
الله يكومج بالسلامه
بقت هي كاعده يمنه جانت اكو كرويته خاليها بالمطبخ
كعدت عليها وإني وامي وامها
نشتغل
كعدت اسوي اني سلاطه
واسولف وياها
دخل مرتضى سلم ع خالتي أم أيلاف
وهي هم تحمدتله بالسلامه انتبه ع إيلاف
ابتسم وسلم عليها
بعدين سألني كال شنو هاي ازوجت كتله يوي اول مدخلت السجن واصلا حامل هسه هي
هااا
اي والله
طلع وكف بالباب وإني هم رجعت اشتغل
بدوا المعازيم يجون
وكل واحد يجي يطش جوكليت
اجوي خوالي ونسوانهم وجهالهم
خالي  احمد لزمه لمرتضى نصائح
وحجي وابدي صفحه جديده
وانت رجال البيت وامك واختك امانه بركبتك وهو بس يهز براسه
اي خالوا ادلل
خلصت العزيمة وكلمن راح
وكمنه الملم وراهم
بالف ياعلي خلصنه تنظيف
اوف ضهري طك باجر دوام
جنت بوقتها ادوام مرحله اولى
كلت باجر مااروح
تعبانه مابيه حيل
نمت والصبح امي تكعد بيه كومي
كتلها ماما روحي انت اني مااروح
تعبانه حيل
كالت بكيفج لعد وعود سوي ريوك لخوج من يكعد كتلها اوكي
بقيت نايمه لحد ماحسيت بصوت
بالبيت كلت اكيد كعد مرتضى
اباوع الساعه عشره كلت اكوم اسوي ريوك كمت
لكيت مرتضى يغسل كال ها
اليوم مرايحه كتله اي تعبت
البارحه
كال لعد فضينه سويلي ريوك
سويتله وطلع
لشويه اجت إيلاف
هلو ضايجه واجيت يمج
مرتضى كال مريم بالبيت
اي هله بيج اكعدي
بقت تسولف ع زوجها يحبها ومدللها وميرفضلها طلب
ويعارك أهله ع مودها
ومن هاي السوالف كامت تفيد يمي
كتلها الله يهنيكم عيوني
كاعده وخابرها زوجها وكامت تتنعوص يمي
اووي الله يساعده الماخذج
انوب ماجنها عمرها 13 سنه عبالك
بالعشرين
ضخمه وطويله
وسوالفها مال كبار
خلصت مخابره كالت اروح اسامه راح يجي
كتلها الله وياج

مرتضى يطب ويطلع كل شويه
مدري شعنده
وره كم يوم
إيلاف كلتلي
ساره تحب مرتضى
يا ساره ولج
هاي جوارينه صديقتي كولش
ومرتضى شافها واكفه وياي
وطلب مني اجيب رقمها
يااا عزه ولج مصارله كم يوم طلع
شوكت حباها شوكت رقمها بسرعه بسرعه صارت
ها
وانت شنو دورج مراسله بينهم صايره
هههههههههه لا مو هيج كلت أجمع راسين بالحلال
الله يجازيج خير عيني 😏
المهم عيني مالي شغل بمرتضى اني
عسماه يصاحب الدربونه كلها اني شكو
فدوه لاتنقليلي أخبار عفيه اني عندي دروس ومحاظرات كومه
أترخص اني
عفتها ورحت الغرفتي
يمه شلون بنات هالكدوت الوحده ولاعبات لعب
اسم الله منهم
اووي وإني شكو مدوخه راسي بيهم
خلي يصاحب  ويحب
بلكت يلتهم مني
مرت الأيام وصدك مرتضى كام
يكض الركن مالت الدربونه ع مود ساره
طاب طالع يخابرها
ورجع يشرب ويكبسل
فد يوم امي طلعت من غرفتها تصيح مرييييييم
سمعتها ركضت كتلها ها خير
كالت انت مأخذه فلوس من كنتوري
لا والله شسوي بيهن قابل
شلون لعد وينهن الفلوس ناقصات
500 الف
منو مأخذ منهن! !!!!
اكلج يمه شتردين بيه أخذ منج اني بله مااكولج
يعني منو اخذهم
شمعرفني اني بس تره واضحة
ميحتاج سؤال
اكيد مرتضى
لأن اصلا هو مفلس
واكيد اخذهم يشرب بيهن
يجوز صدك هو اخذهن
لأن راد فلوس انطيته 25 يكلي شتكفي هاي
اي طبعا متكفي المن والمن
سوالفه كلها مكسره
خو انت كيفتي اجتج من الله تحجين ع اخوج يله
روحي لغرفتج اني يجي واسئله واتاكد
هزيت أيدي ورحت
لليل اجه مرتضى يمشي ويوكع
ويصيح ويغلط
وساعه يصيح باسم ساره وايلاف
اسمع امي دكله ع هاي سوالفك تبوك مني
والك فوك متشتغل وتجيب افلوس النه تالي تبوك راتبي
امده حظي المصخم
روح شوف عليوي شلون صار
وانت ابقى بسوالفك تالي صرت حرامي
كام يغلط ع امي ويكفر يكلها اني أخذت الفلوس وشتردين
قابل شسوين بيهن انت
ولك شلون شسوي مو معيشتك انت واختك بهذا الراتب
اهووووووووووووووووو
هسه شرايده
امي كامت تغلط وتصيح
كام وضرب امي موتها تموت
حاولت افاككهم مكدرت
حصلت ضربه منه
تالي طب نام
وامي ضلت تندب حضها
وهاي بقى ع ها لحاله يوميه
كام ياخذ فلوس من امي غصب
واذا متنطيه يضربها ويكسر البيت كله .....
طبعا إيلاف بهاي الفتره منقطعت
كلما تجي لهلها تجينه
وهو علاقته بساره باقيه
وكام يطلع ويطب وياها
ويشتريلها رصيد ويدزه الها
وطبعا إيلاف المرسال
جابت إيلاف توؤم بنات
وهم اجت يم اهلها بقت شهر
اني بهاي الفتره نجحت ثاني مرحله بالكليه
الحمد لله مرتضى مااعرف شعجب
جاز مني ع سالفت ترك الدراسه
علاوي أبد مقاطعه وياه كل فتره يجيني للكلية
يشوفني ويسئل علي
طبعا تعرفت ع صديقتي إسراء
من أول سنه بالكليه
بنيه حبابه كلش ومؤدبه
واخلاقها عاليه
صرنه صديقات من أول يوم دخلت كلية كمت كلشي احجيلها
وهي هم متضم علي شي
صارت أقرب شخص الي عبالك اختي نروح ونطلع ونطب سوه
كلش حبيتها .......

فديوم كاعدين بالبيت اجت أم أيلاف تبجي
كالت إيلاف متعاركه وي زوجها
وتريد تطلك منه
وللحكايه بقيه #ام_مصطفى