#ما_ذنبي_انا
البارت السادس
#ام_مصطفى
جنت متحمله كلشي وساكته
بس أريد أعيش
والي مصبرني هو صباح جان كلش حنين وياي
وعمره مسمعني حجايه
رغم جنت اسمع زينه تحرضه علي
بس ماقد يوم سمع منها شي
جان يجي يمي ويكلي لخاطري تحملي
هي صح عصبيه بس كلبها طيب
ومن هاي السوالف
جنت أحس بصباح لاحول ولا قوه
مااعرف شنو مسويتله
تحجي وتامر وتنهي وتدلل
وهو ساكت
هنا صباح اشتره محل ثاني وثالث
فتحهن ملابس نسائيه
كامت زينه تصيح
كصتي خير عليه
خوما مثل غيري تتعمد تسمعني
عفتها طبيت وسديت الباب بوجها
وماسويت عشه
كلت خلي هي تسوي
بقيت بغرفتي وهي ادردم
علاوي هنا كبر وكام يفتهم
يمه ليش هيج عمه تحجي
عليج اني مااحبها خلي تروح من بيتنه
لا ماما عيب هيج دكول تره بابا يزعل عليك
ماما مااحبها تأخذ بابا وتدخل للغرفه
ومتخلي يلعب وياي
وتطردني من غرفتها
ميخالف ماما
هي تعبانه من الشغل تريد ترتاح
شنو هي ولد تشتغل
اسكت ماما لاتسئل هواي ولاتعاند
عيب احترم الأكبر منك
اجه صباح وهي ادردم
مدري شكلتله
اجه دك الباب
شنو ساميه خير ليش ممسويه
عشه
شوف صباح سوي صرفه وي مرتك
يعني تجي ادردم وميعجبها العجب
وتسمعني حجي
أريد اعرف انت كايل الها اني خدامه الها
اذا كايل حتى اسكت وأنجب
وصاير خادمه الها
لأن يصير حكم القوي ع الضعيف
انتم تستغلون ضعفي
ومالي أحد
بس تره اني الله وياي
مو وحدي
تقبل دكول علي كصتي فكر
يعني فوك ما هي جايه فوكاي
ومسويتتي خدامه الها
هوب اسمعني حجي
وتشرط
عيني أم علاوي مو تدرين هي حامل وإني اخاف عليها من الشغل
خو شفتي انت شصار بيج
اني منبه عليها متشتغل أبد
وكايل الها ساميه متقصر
ع اساس قبل لا تحبل جانت
تشتغل
هسه الشغل عرفنه
ع شنو ادردم وتسمعني حجي
ميخالف تحمليها لخاطري
انت الجبيره أم عقل الجبير
ودائما الجبير يتحمل الصغير
سكتت محجيت شي
دكومي عيني سويلي عشه الي
وخلي نتعشه سوه
ومعليج بيها
اسمعي بهاي الأذن وطلعي من هاي
مدام اني راضي عليج معليج بيها
تولي تروحلج فدوه
كمت طلعنه سوه لكينه زينه يم الباب تسنط
عفتهم ودخلت للمطبخ
كلش فرحانه بحجي صباح
وصدك ختولي شكو مهتمه الها
اسمع كامت تصيح
أخذها ودخل للغرفه
كامت تعلي صوتها طلكها مااريدها بالبيت
مااسمع شنو يكل الها هو
بس هي تحجي عليه
أريد أخذ راحتي وياك
شكل بيها انت أخذ ابنك وطلكها
شويه طلع صباح
يتبسم بوجهي
تعالي نتعشه معليج بيها تحجي وحدها
تعشينا وهي بقت بالغرفه
كامت يوميه تسوي عركه
وتصيح طلكها
وصباح ميهتم لحجيها
بالعكس كلش حنين ويانه اني وابني
بس مااعرف ليش يسكت الها يمكن لأن حامل
مرت الأيام وجابت زينه ولد سمته مرتضى
واخذت إجازة امومه ومكابله الولد وكاعده متخلي أحد يلزمه
حتى علاوي من يريد يلعبه
متخلي
زادت سيطرتها بالبيت وصارت صدك الكل بالكل وتصيح وتعيط
وتتامر علي
وصباح فالح بس اسكتي وتحملي
غسلت أيديه منه وايست وخليت عيني بعين الله
سجل علاوي مدرسه فدوه حبيبي
مكيف بي وابوه مخله شي مااشتراله
وجايه اله جان حرب والناس حصره عليها الأكل واللبس
واحنا نلبس وناكل احسن اكل
كلش مدللنه من هاي الناحيه
بس لوما ألبومه زينه دخلت حياتنا
وخربتها جان احنه بخير وره سنتين حبلت مره ثانيه زينه
وجابت بنيه
فدوه تخبل كلبي رف عليها من أول يوم جنت أتمنى يصير عندي بنات أحب البنات
أتمنى ابنيه تكبر وياي وتصير صديقتي تعوضني الأم والأخت
بس ربي مااريد ولا اعتراض ع إرادته
كامت زينه ادوام وإني الجهال اغسل واوكل وادريهم
تعلقت با بنيه كلش الي سموها مريم
وكمت اخاف من زينه صارت شلون عمتي وإني جنتها مجبوره اسمع اموامرها
وانظف واخدمها هي وجهالها
لأن ماعدي أحد يوكف وياي
مرت السنين والأيام
كبرو الجهال
مرتضى صار عدواني كلش
ومايحبني ولا يحب علاوي
ويضرب ويغلط
بتشجيع أمه
تحجي براسه دوم
وتعلمه ع الحقد والتفرقة
ومتخلي يلعب وي اخو
كتله هذا ابن هاي
مو اخوك لتلعب وياه اختك مريم وبس
صباح ماله كل دور
بس جان دائما يحجي وي علاوي
يكله انت الجبير ولازم ادير بالك
ع اخوانك
وهاي اختك لازم انت تحميها معليك بمرتضى
علاوي جان يحب مريم كلش
الصدك مريم فقيره وحبابه
وحنينه كلش
شكد امها تظربها وتحجي عليها
لأن تلتقي بينه
بس ما تسمع كلامها جانت تحبنه هواي
اني كبرت وصارت عندي فقرات
من الشغل والتعب بس شسوي مجبوره انظف
مريم صارت متوسطه
وعلاوي كليه
ومرتضى اعداديه
كامت مريم تساعدني بس امها متخليها ومن تشوفها تنظف وياي تبقى تحجي وتغلط علي وعليها
بس خطيه هي من أمها مو اهنا تساعدني وتنظف وياي
كلش حنينه ها لبنيه
عبالك صدك بنتي
تخاف علي ومن اشوفني مريضه
حتى لو امها تحجي عليها
مهتم الها
صباح جان كلش فرحان بيها
يكول همزين مطلعت ع امها
جان يحبها أكثر من الولد
ومدللها ادلل شتطلب مريم
وشنو تأمر
نجحت الرابع عام
ومرتضى رسب طبعا بسبب دلال أمه وأصدقائه كلهم
أصدقاء السؤ
صباح شكد ينصحه ويحاجيه يبتعد عنهم ماكو
مرات يعاقبه
زينه تطلع بوجهه
واتكله انت تفرق ومتحب ابني
اكيد هاي الحيه مرتك تغار وتوزك ع مرتضى
متخلي أبد يحجي كلمه وياه
دائما دكله ابني مالك دخل بي
شتريده مثل
علاوي يصير جنه مريه
طبعا تحجي ونسمعها
بينما علاوي الكل تحمد بأخلاقه
وجان متفوق سنه ع سنه
والصح هي جانت تغار من علاوي
اسمعها تكول لمرتضى
يحضي ليش ترسب شوف
عليوي شلون سنه ع سنه
متفوق انت شبيك
اشو مدلل
لعد ابن ساميه بيش احسن منك
جانت تزرع الحقد بكلبه دوم ع اخوه
فد يوم جنت مريضه كلش وفقارتي توجعني
الصبح كعدت أون
مريم خاله اليوم لاتنظفين عوفيه اني اجي وانظف
انت مريضه
لا يوم اكوم مابيه شي امج تظل ادردم علي
اكوم احسن
لا خاله لاتسوين شي معليج بيها
اليوم امي تتاخر عدها اجتماع أولياء الأمور
راحت مريم ورجعت قبل الكل
لكتني انظف خاله مو كتلج اني انظف
اكعدي خاله اساعدج اني
كمت نظفت البيت كله
وهي تدعيلي ربي يرزقج بابن الحلال يا يمه ويطيج الصحه والعافيه فدوه رحتلج
تعالي اكعدي لاتجي امج وتشوفج تنظفين وتسويلنه سالفه شكبرها ههههههه لا خاله معليج بيها
تتاخر اليوم مو كتلج
فدوه اروحلج وهنياله الياخذج جمال وأدب وحنينه وطيبه وع نياتج
ههههههه خاله اريده حلو كون يله أقبل بي
خاله يجيج مدامج طيبه وع نياتج
جا خوش معناها سوكي ماشي بس لازم ادوره وين الكاه الحلو
وشلون بالدراسه
ههههههههه كامت تظحك بطلي والزمي محل ابوج البي ملابس ولد واختاري الي يعجبج
هههههههههههههههههه
كمنا نظحك
جان تدخل امي اول شي اجتني
ضربتني راشدي
وكامت تصيح فوتي لغرفتج حسابج وياي بعدين
هاي اول مره تظربني امي عمرها ماماده ايدها علي
دارات وجها ع خاله ساميه
انت تعلمين بنتي ع السوالف الموزينه ودكوليلها بطلي
ودوري ولد
يا طايحة الحض ياساقطه
وكامت تعد وتسفط غلط ع خاله ساميه
وكامت تسب بيها وتغلط وتفشر عليها
هنا ماسكتت خالتي ساميه
كامن يجادلن بالحجي
وامي أزيد مسبه بأهل خاله ساميه وتشتم بيهم
خالتي ضربتها
ودفعت امي كالتلها لاسبين اهلي
اسنين متحملتج
واسكت بس توصل تسبين باهلي
وتغلطين عليهم وهمه موتى
هاي ماسكت الج بيها
ركضت خابرت ابوي امي
تعال بسرعه
اجه علي هم
وطب ابوي كاتله لكيتها تعلم بنتك
دكلها بطلي
ودوريلج وأحد حلو
وفوكاها كتلها ليش ضربتني وكامت تغلط علي
ابوي صار عصبي
كتله بابا والله نشاقه
ضرب خاله ساميه وكام يغلط عليها
دخل مرتضى امي حجتلها
كام يغلط ع خالتي
وكلها الك.....
تعلمين اختي هيج يا ساقطه
علاوي طفر ضرب مرتضى
ركض مرتضى جاب سجين
يريد يضرب علاوي
كمنا نصرخ
التمو الجيران كلها علينا
وكاموا يفاكوهم
واحنه نصرخ
الجيران كاموا يصرخون أبو علي كوم كوم
ابوي وكع بالكاع ولاحس والانفس
ركضوا الجيران بي للمستشفى
وللحكايه بقيه
#ام_مصطفى
بنات بالنسبه للقصه الي دكول شخصية ساميه ضعيفه
اكولها هاي أحداث القصه حقيقيه ومااكدر اغير شي
اني مجرد كاتبه
أنت تقرأ
ماذنبي انا للكاتبة ام مصطفى
Romanceقصه حقيقيه تتحدث عن فتاة كانت ضحية افعال اخيها واهمال امها
