ماذنبي انا للكاتبة ام مصطفى

البارت الرابع

#ما_ذنبي_انا
البارت الرابع
#ام_مصطفى
أكرر القصه حقيقيه
وأصحاب القصه يتابعون وياكم
عفته وطلعت من المحل بس بقيت اتعمد يوميه اروح وارجع أمر من المحل
ومرات أخذ امي للمحل وأبقى أحرجه بنظراتي
مرات احسه يريدني بس يكابر
تخرجت من المعهد
مرت فتره 8 أشهر و كاعدت بالبيت
بس ولا يوم غاب عن بالي
فديوم كلت لمي أريد نروح للسوك
محتاجه أشياء
اني ردت بس اشوفه 
فتنا من المحل وتحججت امي خلي اشوف شعنده
شافني اتفاجأ صارلي فتره مشايفته
بقيت اباوعله بتمسكن
وتوسل واشرتله يخابرني
وطلعت
بقيت اباوع ع الافته مالت المحل جان اكو رقم تليفون المحل
شكد غبيه اني
ليش ما أخذ الرقم
وأخابره أني
فعلا أخذت الرقم
ومن رجعت العصر خابرته
بقيت اتماوع بصوتي
الو تفضلي
اني زينه
أهلا تفضلي رايده شي
رايدتك
عفوا شنو
رايتك صباح واحبك ليش
متحس بيه والله جاي اتعذب
الليل ماانامه بس أفكر بيك
بابا شبيج انت مريضه
جاي اكلج مزوج
حتى لو أحبك وعادي قابله بيك
دروحي لخاطر الله
طوووط
سده بوجهي
كلما تسوي هيج أحبك أكثر واتمسك بيك أكثر
نزلت جوه لكيت خالتي جايه
هاي خالتي اني وياها صديقات
كلش

كالت شبيج مو ع بعضج ولج
اوف خاله شحجيلج
أحب
يااا
منو وشلون احجي ولج
حجيت الها الي صار
كالت وج شكو حابته اشفتي منه
مزوج
وجماله رافع خشمه وميريدج
خاله تعرفيني الشي الصعب اريده
وخشمه اكسره واخذه
اموت عليه فدوه ساعديني شسوي
زين اهلج يقبلون فل نفرض اجه تقدم الج اهلج يوافقون
خاله دخلي هسه يلين
ويتعلق بيه
واهلي تعرفيهم ميرفضولي طلب
عندي الج حل
وج اكو شيخ يكولون يسوي الرجال مثل الطلي
صديقتي رادت تطلك قبل فتره زوجها راد يطلكها
وراحتله سوالها حجاب
تعاي شوفيه هسه
مثل الخروف صار
اي أي خاله فدوه اخذيني اله
يااا اثكلي شبيج
خلي نفتهم
شنو تفتهمين خاله اريده
والله اموت اذا مأخذه
زين تعرفين اسمه
اي صباح
تندلين بيتهم
لا بس مره شفته
دخل بالدربونه الي ورانه
ها
اي وعادي اسئل اكيد كولها تعرف بيتهم
بس ليش
اخاف الشيخ يريد شي منج
ها
يله شوكت نروح
اخابر صديقتي واردلج خبر
زين لعد
ثاني يوم اجت خالتي وكالت لأمي
راح اروح اني وزينه للسوك
كال روحوا عادي
ها خاله شنو
لج مو أخذت موعد من الشيخ
صديقتي خابرته
عليه ازدحام كتل وبحجز
اي
يله امشي نروحله
رحنه للبيت الشيخ
شفت سره نسوان شطوله
كاعدات ويدخل وحده وره الخ
وصلني السره دخلنه
وحجيناله
راد فلوس هواي كتله ميخالف
نزعت كلادتي الذهب
وانطيتها إله سوال حجاب البسه اني
ومي ارشه ابيته
وكال الباقي علي وتعالولي بعد أسبوع
رجعت للبيت كلت لأمي طاحت اكلادتي بالسوك
وسويت نفسي ضايجه كولش عليها
وراها العصر رحت لبيت صباح
كلت لأمي رايحه لصديقتي
دخلت للدربونه سئلت وين بيت صباح أبو الإنشائية
دلوني
دكيت الباب طلعت زوجته
امبينه عوبه
تفضلي عيني
مو بيت أبو سالم
لا حبيبتي مو همه
ياا والله دخت لعد وين
الكاهم هسه
عفيه أريد مي
اي حبي ادللي تفضلي تفضلي
شمس حاره طبي
ارتاحي
لا بس راح ادخل بالحوش من الشمس
لا شنو السالفه ادخلي
خلي اجيبلج مي
دخلت جوه
اني بسرعه طلعت الشيشه
ورشيت المي بالكاع
اباوع عليها اجت داسته وانطتني مي شربت
وكتلها مع سلامه حبيبتي
مشكوره ع المي
طلع طفل عمره 4 سنوات لو أقل
كتلها هذا ابنج
اي ابني
فدوه حبيبي
بس هذا عندج اي والله بس هذا
وبعد ميصير
يا ليش سالفه طويله
حبيبتي
ها زين أترخص اني
طلعت مرتاحه
منهم عرفت كم معلومه تفيدني رحت بوجهي للمحل
صباح شافني
لزمت الحجاب بيدي فركته هيج كلي الشيخ
ابتسم بوجهي شلون مااخلص منج
ضحكت كتله لا مو بيدي أحبك
يمعوده انت حلوه كلش وصغيره
شجابرج علي
أحبك مو بيدي والله
عفيه خابرني
أريد انام ع صوتك
يعني وتالي المخابره شنو
نتزوج
مو اكلج مزوج
عادي بعدين متريد أخ لعلاوي
بقى صافن
شعرفج بعلاوي
والله الي يحب
لازم يعرف كلشي
عن الشخص الي يحبه
بقى صافن بوجهي
لاتصفن خابرني انتضرك
رجعت للبيت
أحس بالنصر وفرحانه
اول مدخلت خابر ركض أخذت التليفون ورحت اخابره
الو
شسويتي بيه سحرتيني شنو
والله اديه متاخذ ع الشغل
ههههه يعني شنو
يعني أريد اسمع صوتج أريد اشوفج
كل ساعه
بقيت اتغزل بي وهو هم
وراها سديته
بقيت أشهر ع ها لحاله
والشيخ 3مرات رحت
اجدد العمل
وراها تعينت معلمه بمدرسه
وكمت اروح وارجع منه
مرات يعزل ونطلع سوه
إلى أن كال بعد مااتحمل أريد اخطبج
حاجي اهلج ومهديلي الطريق
طرت فرح
كتله أحلى خبر سمعته
معليك باهلي خليهم علي
وللحكايه بقيه #ام_مصطفى