ماذنبي انا للكاتبة ام مصطفى

٢٢

#ما_ذنبي_انا
#ام_مصطفى
البارت 22
نزلت من وكت الكم خاف النت يضعف بالليل

.
بوكسيات وضرب إلى أن وكعه بالكاع ونام فوكاه
التمو الطلاب وخروه
جرني من أيدي حيل كدام الطلاب
وصعدني بسيارته
اسامه شدسوي انت
انت مريض مو صاحي
هذا انت وهاي اني
متتغير أبد تضل عمرك كله شكاك ومرض
مااريدك عوفني اعتقني ياخي
احجي وهو يسوق بعصبية
وعيونه نار صارن
وماحجه ولا كلمه بس اني احجي
جاوبني مو احجي وياك
مااريدك ليش تفتر وراي
بلوه ابتليت بيك خوما بلوه
انت واحد مريض وشكاك
إيلاف سوة عقده بيك
عبالك كل النسوان مثلها
مراح تتغير اعرف بيك لذالك مرجعتلك
ولا راح ارجعلك سمعت لولا
اباوع طلع بغير طريق
مو طريق البيت
انت وين رايح مو احجي وياك ليش مجاوب
باوع علي ورجع يسوق
والله راح افتح باب السياره واذب روحي اذا متحجي وين رايح
من صدك حاولت افتح السياره
لزم أيدي
شبيج تخبلتي عاط بيه
اي تخبلت ليش انت خليت بيه عقل
استغفر الله العظيم
وكف السياره بمكان
وقفلها علينه
وطلع جكاره كام يدخن ويباوع علي
كال هذا مو مؤيد نفسه حبيبج القديم
شنو رجعت العلاقه من جديد
كتله اسامه احترم نفسك
هذا أستاذ راد يخطبني ومصارت
وراها تزوجت وهو ازوج
وكلمن راح لطريقه
اي وهسه شنو شعندج تحجين وياه
انت مالك علاقه موضوع خاص بيني وبينه
ضرب الاستيرن باديه
شنو هذا الموضوع احجي مريم
لا دمرين أعصابي
احجي شعندج وياه
ماعندي شي
عله صوته وكام يصيح
لعد شجنتوا تحجون احجي
لاتخبلين
شفته كلش فقد خفت لا يضربني لو ايأذيني
كتله عندي بحث سألته ع البحث
وعن موعد تسليمه
يله ارتاحيت هسه
مريم لاتلعبين باعصابي بس هاي
اي والله
اصلا الرجال محترم
ومشفت منه شي
بس انت هذا طبعك متتغير أبد
تكدر دكلي هسه شلون ادوام باجر بيا وجه
لا ادومين بطلي
شنو أبطل هاي سنه أخيره الي
ختولي انت اول ع تالي مااخليج تتعينين
والله واثق من نفسك ارجعلك
اي واثق انتي الي ومتصيرين لغيري
كتله تحلم بعد ارجعلك
رجع ضرب الستيرن
كال انت شنو ماعدج إحساس متحسين بيه اني جاي اموت كل يوم ارحميني
ارحموا عزيز قوما ذل
اني جاي اموت الف موته ع فراكج
باعي مريم هاي آخر مره اكولج
راح آدز ناس مره أخيره
اذا ماصرتي وياي
بعد مشوفيني للأبد
شنو اعتبره تهديد هذا
لا مو تهديد
وعد مني
روحي بعد تعبت منج انت والزمن علي صرتي محد رحمني منكم
قررت أسافر لتركيا ومناك احتمال
اطلع لألمانيا وبعد ماارجع ابد سكتت وخنكتني العبره من هيج كال
درت وجهي ع جامة السياره
وماحجيت
مردت يشوف ضعفي ودمعت عيني الي طلعت بله ما أحس
واسيطر عليها
شغل السياره ورجع بيه للبيت
لا هو حجه كلمه ولا اني
نزلت حتى مكلتله مع سلامه
سديت الباب مالت السياره
وطلعت بوجهي للبيت
سلمت
كلت لخالتي خاله كلش تعبانه راح انام لاتكعدوني
ياا مريومه غير تاكلين لكمه
مااريد خاله أكلت هناك
دخلت قفلت الباب
غيرت ملابسي
اول شي اتصلت ع زميلي
اطمن ع الأستاذ
كال لا مبي شي
بس مريم منو هذا
كتله طليقي
كال هاا افتهمت
سديته منه خابرت اسو احجيلها
كالت يااا عزه شكد عيب شبي تخبل
كتلها عوفيني هسه يكلي اذا ماقبلتي هالمره راح اهاجر وبعد متشوفيني أبد
اي يا عيني مو انت مدى ترسيلج ع بر
انت ترديه لولا تحبينه لولا
اسوه سامعه هذا اليكول أحبه وأكره اطباعه
اني هيج أحبه وأكره اطباعه واخاف هم منه
الله عليج هسه هاي سوايه مالت اليوم من هذا الموقف وقيسي
هذا يتغير
راح يبقى شكاك العمر كله
وانت ليش تنظرين من هاي الناحيه
ليش مدكولين يحبج ويغار عليج
اسو مو عنده سوابق وياي ليش نسيتي الي جان يسويه بيه
نسيتي شلون
جان يخلي اخته تراقبني
نسيتي شلون جان خانكني خنك حتى باب الحوش مخيليني افتحه
وووووووهوايه
تعبني كلش مااريد ارجعله وهم يرجع لسوالفه
بعدين اليحب لازم يكون عنده ثقة بالشخص الي يحبه
يعني مو يحكم عليه من موقف
عاجبج الي سواه اليوم
والله مريم مااعرف بعد انت اعرف بمصلحتج
اسو اني مااكدر أقرر هسه خايفه
ارجعله واخسره للأبد
بس تره ميصير تبقون هيج لازم
تصفون ع رأي
مااعرف مااعرف
تعالي كوليلي اذا سافر شلون بيه
يعني صراحه مريم امرج غريب
لاتسامحيه ولا ترديه يبتعد شلون يعني فهميني
اني صديقتج مدى افهمج صراحه
زين خلي يبتعد
بلكت تكدرين تاخذين قرارج
واذا تحبيه تتحملينه
ماكو غير حل

سديته من اسو وفكره تجيبني وفكره توديني
لحد ماغفيت لليل
اسامه وامه اجوي
علاوي متغير موقفه
كله جلبت خوما جلبت
البنيه متريدك
هي كوه
اسامه كله اذا مريم كالتها هسه الي
مااريدك بعد متشوفني
واعتبرها هاي آخر مره
اجيكم لو ادز ناس عليكم
علاوي كاله خوش كايم اصيحها
اجاني كال تعاي
هذا اسامه هيج طلب مني
تعاي يمعوده كليله مااريدك خلي نخلص
أصعب موقف تخليت بي هو هذا الموقف
لو اخسر اخوي لو حبيبي
جان خيار صعب
صراع بين عقلي وقلبي
عقلي يكلي علاوي صح لاتخذلينه
اسامه مريض وماينشد بي الضهر
اكيد بس ارجعله راح يرجع لسوالفه وساعتها راح اخسر اخوي للأبد
الي مقصر وياي أبد ووكفلي بالسراء والضراء
وكلبي يكلي اسامه اذا ضيعتي مراح تلكين الشخص الي تحبينه ويحبج مثلا
ولا راح أعيش مرتاحه طول العمر أحس راحتي وياه رغم الألم الي سببه الي
بس تبقى روحي تحن آله
وكلبي يدك بشوفته
فعلا جان خيار صعب كلش
جرني علاوي تعالي يمعوده
خلي نخلص
اني هذا الشخص لو اموت بعد ماأمن عليج يمه
تعالي كوليله مااريدك خلي يطلع من حياتنا
رجلي معاد اشيلني امشي
وكلبي يدك سريع
جنت أتمنى الكاع تنشك وتبلعني
دخلت للاستقبال
صرت بنصهم واكفه
عين ع اسامه وعين ع علاوي
اسامه كال مريم هالمره اذا كلتي متريديني اختفي من حياتج للأبد
علاوي كال واذا اختارتك
تنسى عدها أخ بعد
بقيت بين نارين
وللحكايه بقيه #ام_مصطفى