ماذنبي انا للكاتبة ام مصطفى

الخامس

#ما_ذنبي_انا
البارت الخامس
#ام_مصطفى
انت أهم شي حاجي زوجتك
ولازم توافق وتجي هي تخطبني
والله مااعرف شلون افاتحها بالموضوع
بس أن شاء الله يصير خير
رجعت للبيت
.....................
ساميه صار فتره صباح متغير علي
دائما صافن ويفكر
لو يجي يكول تعبان وينام رأسا
مو مثل قبل يتعلل ويانه ويسولف
ويطلعنا ويلعب وي علاوي
هسه أبد طول الوقت لو طالع
لو نايم لو سارح وشارد بس صراحه ممقصر ويانه بشي
اكل ولبس ويكلي شتحتاجين اخذي بله مدكولين
وحنين كلش ويانه
بس مااعرف اكو شي ضامه علي يكولون كلب اليحب دليل
فديوم كال ساميه أريد اكلج موضوع مهم
ذبي من ايدج وتعاي
اكعدي كبالي
كتله خير أبو علاوي
كال يعلم الله اني احبج أكثر من روحي انت وعلاوي
واشكر ربي وأحمده دوم
عليكم
بس اني فكرة كلت علاوي من يكبر يريدله  سند بالدنيا
باجر عكبه اموت يبقى وحيد وماعده أخ 
وانت تعرفين ميصير بعد عندج جهال
فكلت ازوج وحده تساعدج بالبيت
وهم تسوينه إخوان لعلي
ولا تصورين مكانتج تتغير
تبقين انت زوجتي الأولى أم علاوي
أم البيت وكلمتج هي الي تمشي
وأبقى احبج وميتغير حبي الج
هالكدوت أشر ع اصبعه
بقيت مصدومه من الي كاله ولا خطر ع بالي يزوج علي
من غير وعي نزلت دموعي
وبقيت ساكته
كال ليش تبجين اذا متقبلين
مااريد أبطل بعد
انت بكيفج وبرضاتج ركضت للغرفه طبيت وسديت الباب أحس اختنكت أريد اشتم الهوه
كمت ابجي وكلبي صرخه وحركه أريد اطلعها مااكدر
ليش ياربي
ليش مكملت فرحتي مكتوب علي
القهر
من فتحت عيوني ع الدنيا اني
لا آب ولا أم ويتيمه
ومالي أحد لا أخ ولا أخت
وتممرطت بالبيوت
ماصدكت ازوجت
واستقريت ولكيت رجال يحبني
ومداريني
ليش هيج متدوم الي الراحه
شوكت ارتاح
دك الباب صباح
ساميه افتحي الباب
اذا ماقابله أبطل
مو بالازم أهم شي لا اضوجين

صباح من شفت ساميه هيج تأثرت
لعنة الساعة الشفت بيها زينه
شبيه اني ليش هيج اسوي بيها
شنو قصورها وياي
يعني اني والدنيا عليها
بعدين يتيمه هاي
وأما اليتيم فلا تقهر
دخلت للغرفه رحت دكيت الباب مجاوبت
كلت راح الغي السالفه
والله دموعها تحركني حرك
بقيت ادك واحجي أكلها ماازوج بعد بطلت بس افتحي الباب
لا تنقهرين حبيبتي تعبت يم الباب واكف ادك ومتفتح
كتلها ارتاحي والي ترديه يصير
أخذت علاوي ونومته بحضني ونمت للصبح
كعدت
تفاجئت ساميه كاعده كدامي
ومحظره الريوك
ساميه بقيت ابجي ومانمت للصبح
وبقيت أفكر
بيني وبين نفسي كلت اول ع تالي يزوج
وبعدين حقه هذا والله محلل اربعه اله
والرجال ممقصر وياي مداريني
ومدللني ميرفضلي طلب
ليش اني أحرمه من الخلفه
لازم أضحى ع موده
لازم أوافق لخاطر راحته
واصبر
كعدت سويتله ريوك
وحظرت ملابسه
صحت عليه
راد يحجي ويتأسف
كتله ميكون خاطرك اله طيب أبو علاوي
اني موافقه تزوج
تريد اشوفك مره لو شايف
صباح من كلتلي هيج
شكد كرهت نفسي
وشكد كبرت بعيني
وحبيتها أكثر
مااريد ازوج عليها بس أحس زينه
فرض ولازم اسويه
لزمت ايدها وبستها
كتلها والله اني مااستاهلج
كالت لادكول هيج
انت صاحب فضل علي سترتني
ودللتني وهذا حقك
وإني مااريد احرمك من حقك
بس ماكلت اشوفلك
لو انت شايف
هااا
اتبلعمت وكوه طلعت الحجايه مني
اكو وحده معميله تشتري هي وامها
كلت ادليج عليها وانت تخطبيها
ترحين واذا معجبتج مابلازم
ساميه من سمعت هيج
عرفت هو رايدها أحس كلبي نصاب بسهم
بس مابينت كدامه
كتله اي تدلل اروح
للعصر أخذت علاوي بيدي وهو وياي
وصلني وراح دكيت الباب
طلعت مره تفضلي
زاد فضلج خاله جايتج بموضوع
اي خاله تفضلي فوتي
فوتتني لغرفة الخطار
وصاحت زينه جيبي مي
دخلت زينه شفتها
اباوع هاي وين شايفتها
ولا أذكر
بس شنو من جمال تخبل كلش حلوه
حقه صباح رادها
قابل شيشوف مني
قدمت مي وشربت بصينية خلتهن وراحت
بس تباوع بمكر ورافعه تك حاجبها وتتبسم
طلعت درت وجهي ع الأم
خاله مااعرف الف وادور
اني جايه اخطب بنتج لزوجي
الامايه تفاجئت شلون هاي
حجيت الها قصتي
وإني شايله الرحم
وكتلها زوجي شايف بنتج
من تجيبيها للمحل
كالت ها أنت زوجت صباح
كتلها أي خاله
والله خاله شكلج
أخذ رأي البنيه وابوها
واردلج خبر
بس مااظن توافق ع مزوج
خاله بكيفكم شوكت اجيكم
يومين وتعاي زينه من طلعت امي حجتلي
كتلها موافقه
ياا شتحجين يامعزايه مزوج
شنو جابرج عليه
ولج الف واحد يتمناج جمال وشهادة
يمه وأنه ماريد الألف أريد هذا
يا ولج شعدج وياه
أحبه يمه خوش
وصعدت الدرج
ولج تعاي فهميني يامعزايه
يمه اقنعي ابوي
تره والله اشرد وياه
اذا ماتوافقون

زينه وره يومين اجت الموافقه
وصارت الخطبه وبساع بساع
صار العرس
وازوج وجابها للبيت وياي
اول ايام اسمع ضحكهم بالغرفه
وإني حاظنه ابني وابجي وميته قهر  والصبح أكعد اسوي نفسي قويه ومامهتمه مجبوره اسوي هيج
حتى لو اطلكت لو زعلت وين اروح
عمي ومرت عمي باجر عكبه ميتين
وين اروح
لازم أتحمل وأكعد
زينه بدت من أول يوم تسوي مشاكل وصارت هي الكل بالكل
وإني لازم اسكت واتحمل
أما شغل البيت فكله علي
ترجع هي من الدوام
تلكه البيت يلمع والأكل جاهز تأكل
وتروح لغرفتها
مره مرتين اشتكيت لصباح
يكلي خطيه تعبانه
مابيها شي اساعديها
مرت أشهر وحبلت زينه
ونفخت بالزايد كامت صدك العود مشيله حتى ملابسها وملابس صباح اني اغسلهن
يعني صرت خادمه الهم اني بالبيت
وللحكايه بقيه #ام_مصطفى