ماذنبي انا للكاتبة ام مصطفى

١٤

#ما_ذنبي_انا
البارت 14
#ام_مصطفى
دخلنه المحاظره وخلصنا
وبعدني خايفه خاف اطلع والكاه
كل ضني راح يخطفني لو يقتلني
الخوف كتلني
كلشي مفتهمت من المحاظره
بالي كوله يمه ليش لاحكني شكو شعنده
شافني أستاذ مؤيد
اجه يمي شبيج مريم ليش مخطوف لونج صاير شي
ها لا ماكو مصاير شي
بس مشكله عائليه بالبيت
ها أن شاء الله خير
ردت احجي وياج ممكن نكعد مكان ونسولف
لا أستاذ اسفه عندي ضروف خاصه
اولا
أستاذ شنو ليش احنه مو متفقين
بعد كم شهر ونرتبط واتقدملج
كوليلي مؤيد بلا أستاذ
وثانيا اني هم أريد أتعرف عليج أكثر وأريد اعرف شنو تحبين شنو تكرهين اعرف اطباعج شنو
ميصير هيج
بعدين اني مو مراهق وتخافين
تكعدين وياي
مو هيج أستاذ لعد شنو
والله كتلك عندي ضرف
وبس تخلص ضروفي أخصص وقتي كله الك
ابتسم كال متأكده
اي والله
ريحتيني يله اروح اني محتاجه شي
لا أستاذ محتاجه سلامتك
كال هم كالت أستاذ
ههههههه والله متعود الساني
كولي مؤيد
ها
كولي مؤيد أريد اسمعها منج
سكتت لان خجلت
كال لعد مااروح اله دكوليها
ابتسمت وكتله مؤيد
كال الله أول مره اسمع اسمي حلو
هههههه
يله اروح اني عود خابريني
أن شاء الله
راح اجت اسو تركض ها ولج
شكو شكلج
راد نطلع ومقبلت
وج عوبه صدك انت
ع كولة امج جان كعدتوا سوا
حتى تتعارفون أكثر
ياااا شوف هاي وج اني بيا حال
اني بحال البلوه الواكفه بره والله راح انجلط من الخوف
اذا نطلع ونلكاه نكول للحرس هذا يراقبنا
ويمشي ورانه
وج خاف تصير سالفه
خل يولي لعد شكو لاحكج ميستحي
طلعنه وصدك شفته
وجججج هذاك
وينه هذاك
أبو قميص المقلم
يااا والله حلو
ظربتها ع جتفها هي مال شقه
اني بيا حال
ههههههه
لا بس تره صدك حلو
باوعت صفح عليها
هسه شنو شسوي
روحي للبيت واذا باجر هم لحكج
حاجي الحرس
لو دزي أستاذ مؤيد
عليه هو يصرف وياه
ماادري خايفه كلش منه
هو شافني بقه منتجي ع الحايط
وجان اكو ضل شجره
واكف بسدها
وكفت ع الشارع
هو عدل وكفته واجه تقرب
اسو اجه الخط أخذها
اني ماعدي خط
اصعد نفرات وأرجع
أشرت ع كية
صعدت صعد وراي اجه كعد بصفي
يمه مااكدر اوصف شعوري خوف قلق أحس برد جسمي ودكات كلبي تسارع أريد بس انزل شلون
اني كعدت بصف الجامه وهو كاعد بصفي وولا يمه ولا عبالك
مغلس صار الطريق شطوله علي
وصلت أريد كلمة النازل تطلع مني ماكو
تالي هو كال نازل ونزل ونزلت وراه أبو الكيه كال الكروه
كتله اسفه نسيت
من كد مادخت نسيت الكروه انطيها
عبرت الشارع عبر وياي
بودي ادير وجهي واعيط بي
واكله شكو وراي شرايد
بس أتذكر صوت الرمي والرصاص
واخاف
ركض رجلي كامت تركض
دكيت الباب سريع
امي فتحته
كمت اجر نفس سريع
يمه كلبي وكف
وج شبيج هم اسامه
اي يمه وراي حتى للكلية واكف
اي عباله مرتضى يجي هناك
عوفيهم مدام ميأذيج خليه
يتعبون ويملون وينسون
يمه اني شنو ذنبي والله راح يصير بيه سكر من الخوف
بحضج وابختج يا إيلاف
ذبيت كتبي ورحت انام امي كالت تعالي اكلي
يوم يا اكل اني ميته رعب
مااريد مااشتهي

هنا بقه فتره يوميه يروح ويجي وياي اسامه
مره طكت روحي دزيت الحرس عليه. عاد نكر كال انتظر صديقي هنا
وخلي ادكول اذا متعرض الها
بحجايه
وره كم يوم دزيت مؤيد وره ماحجيتله كولشي
وتقبل بوضعي
وكال أهم شي انت اخلاقج
مالي شغل باخوج
من سولفتله اسامه يلحكني
كال اليوم اذا موجود اطلع احاجيه
وفعلا حاجاه كله هاي خطيبتي وحاجي بيها ع العطله اروح أتقدم رسمي الها
ممكن اعرف شكو تلحكها اذا اخوها غلط وياكم هي شنو ذنبها
اسامه عايفه ورايح من سامع هيج
اجه كال هذا يمكن بعقله
عافني احجي وراح احسه يريد ياكلني من كتله خطيبتي
كتله أهم شي راح
خلي يعرف اني مو مالي أحد موتني صار أكثر من أسبوع يروح
ويرجع وياه رجعت للبيت حجيت لأمي ع أستاذ مؤيد
كالت الله كريم خلي نشوف سالفة اخوج وين توصل والله كريم
للعصر اجه خالي
أخذ امي ع صفحه وحجه وياهه
وراها صاح علي
كال خالو مريم
الجماعه شايفج ويردوج
خالوا ياجماعه
أهل اسامه
واسامه يريدج فصل ويتنازل عن القضيه
كتله شنو
وإني شكو بالموضوع
شنو إيلاف ومرتضى يخربطون وإني ادفع ثمن لو اموت مااوافق
امي صاحت توافقين ورجليج فوك راسج
خلي اخوج يرجع وانت اول ع تالي تزوجين خوما تكعدين يمي
وبعدين مابيها شي لا انت اول ولا آخر وحده راحت فصليه
كمت أصيح عليها انت شنو من أم بس مرتضى ابنج اني مو بنتج متخافين علي مدكولين خطيه
بنتي ليش هيج تعامليني
اني شنو ذنبي
خالي كال خالوا مابيها شي
والناس مكالوا فصليه
بس كالوا نريدها بدل إيلاف
الي ابنكم طلكها
خالو فصليه مو فصليه ماازوج
امي كالت هستوج ردتي تزوجين
وتردين أستاذ وياج
بس شغله تفيد اخوج متقبلين
غصبن عليج تاخذيهم
ركضت خابرت علاوي
وحجيتله كال مستحيل أوافق
شنو بكيفهم شنو
لليل اجه علاوي
وكبت العركه امي وعلاوي وطردته من البيت وكالتله اشتكي عليك اذا ادخلت
المهم ترجيت امي بس تخلص الامتحانات بعدلها كم يوم وعود الله كريم
امي دزت خبر الهم كالت وره الامتحانات تصير خير
حجيت المؤيد وكام ينكز
شلون هيج وشلون قبلتي
وليش
وهسه اروح اخطبج
كتله متفيد بعد اهلي انطوني وانته الموضوع
راح لاسو توسل بيها تقنعني اشرد وياه لو أرفض
واجت حجتلي
كتلها ياروح مابعدج روح هذا قدري ولازم أقبل بي
خلصت الامتحانات وره يومين
كالو راح يجون ياخذوج للبيت
بله كولشي بهدوم العليه
علاوي يخابر ومؤيد
واثنينهم يكلولي اشردي أرفضي
أحس أريد انتحر واخلص
لليل اجو اخذوني لبيت اسامه

طالت السنين. مني.
واخذت كل شي ....لاءنني..
انسانه بلا مشاعر....
.دون احاسيس ..
يظنني؟؟؟...
وكلما...اقول ...له....
..متى..يقول. لي..
انت...حبي...
ايام...عتمه...عشت..فيها...
لا....ضوء....لا..شمس...تحتويها...
ظلمه...تلو..ظلمه..
ماعدت...اعرفها..
متى...تنتهي...متى....
...تنهى..مآسيها...
حب...لم...يعرف...الشمسي..
نما....في...بردٍ....ورعدي...
دفىء...يعتليه....ووحظني...
قليلا....وسرعان..ما.ينتهي...
حلمي......
خاطرة #همسات_الذاكرين
وللحكايه بقيه #ام_مصطفى