ماذنبي انا للكاتبة ام مصطفى

١١

مساء الخير
اسفه عن التأخير عندي ضرف صار
#ما_ذنبي_انا
البارت 11
#ام_مصطفى
كالت إيلاف متعاركه وي زوجها وتريد تطلك
امي كالت يا اسم الله شجاها
كالت عين وماصلت ع النبي
اشو جانو مثل الورد هسه
إيلاف ناكزه منه متريده
لج عيني شسوي كليلي
شنو بكيفها لو لعبه عدها زوجوني طلكوني والله انت هم مطيتها مجال
فدوه شسوي تعاند ومتسمع الكلام
زين وبناتها شنو ذنبهن بعدهم صغار
شكد صار عمرهن
كالت 7 اشهور
يا وتريد تعوفهن شلون
ماادريه خيه
والله محتاره شسوي
شدكولين أخذها لسيد يقرة عليها
ولله بكيفج
اي عيني بنتي محسوده
هاي نظره كتلتها كتل
اني واكفه بس استمع الهن بقيت مصدومه
هاي إيلاف والله شغلتها مو خاليه
انوب ادكول محسوده
لاإلله بنتج مو راحه
اكيد عدها شي
يمه اسم الله منها تخوف
بقت تسولف وي امي اني عفتهن وطلعت
خابرت صديقتي اسو احجيلها
لج تعالي شوفي إيلاف الكتلج عليها ترد تطلك
وبقيت احجيلها
كالت وج هاي مو خاليه
اي هم كلت قبلج
كتلها اكولج باجر أريد اطلع اشتري شغلات
وره الدوام ترحين وياي كالت اوكي اكولها لأمي واروح
ثاني يوم صدك خلصنه محاظرات  جاي نطلع باب الكليه تلكانه
أستاذ مؤيد
ها بنات اوصلكم بطريقي
لا شكرا أستاذ
اصعدوا شنو القصة وين ترحون
هنا أستاذ جاي نشتري شغلات
اي عادي ع طريقي
اسو اشرتلي نصعد
صعدنا طبعا كوه صعدت
لأن أحس أستاذ مؤيد عينه عليه
ودائما يحاول يتقرب مني
بس اني اسوي نفسي ممنتبها طول الطريق موجه المراية علي ويباوع بيها
كلش تضايقت من نظراته
ردت أقرب مول انزل واخلص
بقى يسئل وين بيتكم وأجوبة
كال اي شي تحتاجونه اني حاظر
اخاف اكو محاظرات مفاهميها
كولولي اعيدلكم أيها
كال هذا رقمي اذا تحتاجون شي كولوا
اخذته ونزلنه

اووف يمه متت غير لزكه
خنكني
اسو ضلت تضحك
هههههههه وج امداج امبين معجب بيج
وج هو اني الي خلكه بطران
كافي علي مصايب مرتضى أريد اخلص قبل لايتفرغلي
لج هذا فرصة اذا صدك معجب بيج
هذا أستاذ مو طالب وتترددين
يعني نيته صادقه وياج
بعدين بلكت الله وتخلصين من مرتضى وامج
مااعرف اسو
عوفيها هسه للسالفه
انتبهيلي محتاجه ملابس حلوات
صارلي فتره ممشتريه
هاي خلف الله ع علاوي ذاك اليوم من اجه انطاني افلوس كلي اشتري المحتاجته واله لو تضل ع امي
كلشي ماكو
اشتريت ملابس شغلات محتاجتهم
ورجعت للبيت
لكيت إيلاف يمنا تسولف وتضحك
يااا ولا جنها تريد تطلك
شنو من بشر هاي
سلمت عليها ودخلت
غيرت ملابسي
مرتضى موجود ويسولف وياها
عادي تعودت
صايره مرسال الغرام إيلاف
مرت الأيام واطلكت إيلاف
وإني أستاذ مؤيد يحاول يتقرب مني بس اني ماانطيه مجال
فد يوم محاجي اسو صديقتي
اجتني اسراء كالت ولج أستاذ مؤيد حاجني عليج
يكول أريد أتقدم الها وإني من زمان معجب بيها
وهاي طول الفتره متابعها
شفتها خوش بنيه وماعدها غير
دراستها وبس
وصراحة كلش حلوه هي وجذبت انتباهي عليها
بلكت تحاجيها
يااا وج هذا ولا يستحي
كالت لج مريم شبيج هذا خلاص الوحيد انطيه فكه
مدام يحبج وشاريج
شكو بيها
والله اسراء أفكر واشوف
ولو مااريد التهي ع الدراسه بشي
كالت فكري عيني ومن أستاذ مؤيد مراح تلكين
وصدك أخذت أيام اكول هذا خلاصي
وبعدين اكول لا خاف افتح موضوع الزواج وي اهلي
ومرتضى يرجع ع سالفة صديقه
الي لسه ممزوج
ورجعت علاقته بي
وأكثر من مره لمح لمي امي دكله
هي تريد تكمل دراستها
مو بالها زواج
فبقيت متردده
كلت احسن شي اكوله هسه اريد أكمل دراسه وراها
لكل حادث حديث
وفعلا اسو حجتله وضعي للأستاذ وهو تقبل وكال الها
انتظرها  ماعندي شي
صدك من كالت هيج يكول فرحت بداخلي
وبقيت أفكر بي واهتم لوجوده
يجي يسولف ويانه اني واسو
عادي كمت اتجاوب وياه
هو جان مرتاح ومكيف
فديوم رجعت للبيت لكيت امي
تحجي وي مرتضى
ومرتضى يصيح
كلت اهوو متخلص
اكيد هم يريد فلوس
عفتهم مالي خلك تعبت كلش
منهم ومن السطوانه مالت مرتضى
احسه صار عاله ع امي
وفوكاها هو أبو الراهي علينه
شويه واجتني امي للغرفه
تعالي مريم شفتي اخوج
شيريد
شيريد فلوس
لا يريد يزوج
زوجي يمه بلكت يعقل
تدرين منو يريد
اي اعرف يريد ساره صديقة إيلاف
ونهار كله يخابر وايلاف صايره مرسال الغرام
وج عوبه انت مو اكلج
يا ساره ولج يريد
يزوج إيلاف
شنوووو
وللحكايه بقيه #ام_مصطفى