ماذنبي انا للكاتبة ام مصطفى

١٦

#ما_ذنبي_انا
البارت 16
#ام_مصطفى
جنت انظر بتوسل الهم جان مروان واكف اباب غرفته ومرته أفراح تباوع وراه
اشوف بعيونهم نظرة انتقام وتشفي مني
ماكو كل رحمه بوجوهم
أمه بالمطبخ اعرف تسمع صريخي وتوسلاتي لكن تجاهلهن
اسامه يضرب بتوتر وحركه
احسه مقهور أكثر مني
جنت اتوسل بي يعوفني فدوه
عوفني والله راح اموت
جان مستمر يرفس ابطني برجله
ويصيح مااريد منج طفل
مااريد مااريد
مااريد طفل يذكرني بخاله والي سواه وياه
اني انت وكاره نفسي
كلما اشوفج أذكر اخوج شلون جان يلعب بشرفي بضهري
شلون مرتي جانت تخوني وياه
تردين جيبيلي طفل انوب
اكلج اتذبيه ماريده
تبنج جسمي من الضرب كمت مااحس بشي
حسيت شي حار ينزل ع رجلي
وراها ماحسيت اله اني بالمستشفى
واسامه وامه فوك راسي
أمه جانت تعتب عليه
كتلكم مااريدها لاتزوجها
هي شعليها يامه
ليش شنو كفر احنه وك يمه حرام عليك كافي
أنسى إيلاف وانتقامك الها
اذا تريد تنتقم انتقم منهم
هاي شنو ذنبها
يكلها يمه عبالج اني مرتاح اني فرحان
واشوف نفسي اقتل ابني بيدي
يمه اني مريض اني كاعد اموت
اني راح اتخبل مرات انقهر عليها
واكول مالها ذنب وأريد اعوفها اكول كافي
بس اباوع بوجها أذكر اخوها والي سواه وياي
شنو هين علي الي صار هين أشك ابناتي مو بناتي
لو إيلاف الي ردت انتحرت حتى أخذها  وحبيتها حب صادق هيج تخوني
ليش شنو الي بدر مني جنت أحبها أكثر من روحي ولو تطلب روحي انطيها
كولي ليش خانتني ليش شنو قصوري وياها
يايمه ختولي وحده متستاهلك
وهاي البنيه حرام هيج تسوي بيها
اني اعرف انت كلبك طيب ومروان
هو الي يحرضك عليها
بس يمه عوفها للبنيه حرام عليك
اخلي سبيلها لو تعاملها معاملة زوجه
هاي صار 3 أشهر ويانه مشفنه منها شي موزين
خدومه ومداريه بناتك وحلوه تره احسن منها متلكه
يمه عبالج اني ماعدي كلب لو ماعدي رحمه بس مو بيدي والله
بس اشوفها أشوف اخوها بوجها
ومن تنام انقهر عليها وأبقى ابجي
بيني وبين نفسي عليها
اشوفها شلون بريئة
ومداري بناتي
بس مو بيدي والله مو بيدي
كام يبجي وامه تسكت بي
رغم الأوجاع الي سببها الي
بس انقهرت عليه وعذرته
صح الي صار بي مو شويه
فعلا الخيانه توجع
خصوصا الرجال من يعرف مرته تخونه شي صعب كلش
دخل علاوي الغرفه
وكام يصيح شمسوين باختي
اليوم متخلص مني
اتضاربوا علاوي ضرب اسامه
وامه كامت تصرخ
التموا الدكاترة وحرس المستشفى واخذوهم
امي اجت وكفت ع راسي
درت وجهي منها مااريد اشوفها
هي سبب بلواي
باعتني برخص
ضلت تحجي وياي ومااجاوب
اجتني خاله ساميه
وكامت تحمد الي بالسلامه
امي عافتني وطلعت
بقت خالتي يمي كمت ابجي
خاله ليش هيج صار بيه
شنو ذنبي اني
ميخالف يمه صيري قويه
اخوج مسكت اشتكى عليه
وهسه ذبه بالسجن وبعد مالج
كعده عدهم تجين يمي تكعدين
دخل علاوي كال سجنته وانعل والديه شنو عباله تايهه
اني لو من البدايه
ماخذج غصبن عليج يمي مجان هيج صار صوجي كل من وراي
دكت الباب الدكتوره ودخلت
كالت لازم تبقى بالمستشفى اليوم
لأن النزف متوقف بعد
رغم طلعنه الطفل وسوينالها كرداج بس نزف قوي كولش
مااكدر اطلعها لازم تبات
كالت خالتي اي اني ابات وياها
علاوي هم بقى كاعد
جانوا يحولون يطمنوني ويهدوني
بس جسمي يون علي من الظرب
جنت أحس كل جسمي مكسر ويوجعني ضربتني الدكتوره ابره بالمغذي وراها نمت مطمئنة اخوي يمي
الصبح طلعني علاوي للبيت وياه
اتلكتني زوجته شلون حبابه
وتأهل وتسهل بيه
صاير عدها ولد ثاني هستوهه جايبه جانت
كام علاوي وخالتي يدللون بيه ادلل اكل وشرب شتردين وشتامرين
بس بقى بالي كله يم اسامه والكلام الي سمعته منه
رغم كل الي سواه وياي اعترف الكم حبيته مااعرف ليش
يمكن اني عيشت نفسي بأمل انو راح ينصلح وينسى
جنت من انام أحس بلمسات ايده
ع راسي
جنت اشوفه يبجي بجي وانقهر عليه
جنت اسمع مروان يكله لاتضعف
ولاتأمن بيها
وراها يدخل عيونه متروسه دموع
و البنات اتعلقت بيهن رغم علا وكحه وماجاوبت وياي بس هي طفله عمرها سنتين
بس حلا متنام اله بحضني
..........
ثاني يوم اجوي عمامه وبقوا يحجون ميصير انتم انطيتوها فصليه بدل الي سواه ابنكم
وشلون تشتكون ع ابنه
وووووووهوايه
علاوي كلهم اني مامنطي اختي فصليه واصلا ماادري باتفقكم هذا اتفقتوا وي امها
يعني نسوان وحدهم مصرفين
تردون مرتضى روحوا دورو عليه احنه متبرين منه
كاموا مقبلوا كالوا المره مرتنه
والولد يريدها
كالهم علاوي باجر بالمحكمة اختي اخليها تحجي كلشي
ماراح اخليها تتنازل أبد
طلعوا بصياح وزعل
ثاني يوم رحنه للمحكمه
جابوا أسامه يم المحقق والقاضي
من شفته شلون جايبه كلبي كام يوجعني عليه
باوع علي بنظرة توسل وندم
القاضي كله صدك انت ضاربها
حجه للقاضي كلشي وكام يتعذر
ويطلب مني اسامحه
صراحه كلش ضعفت وليش مااعرف
القاضي كال تطلبين الطلاك
مااعرف شلون كتله لا زوجي مااريد اطلك منه
هو بقى مصدوم ويباوع علي
وعلاوي تفاجأ
كال زين والقضية قضية الضرب والاعتداء عليج
كتله اني متنازله زوجي وضربني
مااريد اسجنه
علاوي كال شجاج مريم
أحد خوفج هددج
كتله لا علاوي بس هذا زوجي وقدري بعد اني مااريد
غير مايضربني بعد
القاضي كال نسوي تعهد مايمد ايده عليج بعد
وقع اسامه وعينه علي أحس يكلي ليش هيج تسوين اني مااستاهلج
طلعنا وطلع اسامه
ركض ورانه بقى يتوسل بعلاوي
حتى ارجع وياه
كله علاوي بكيف مريم
علاوي حس اني أحبه واريدته منها سحب ايده
وخلاني اني صاحبة القرار
رجعت وي علاوي للبيت
ولليل اجه اسامه وعمامه وبقوا يتوسلون حتى ارجع
واسامه حلف واتعهد يغير طبعه وياي
ويعاملني معاملة الزوجه دخل علاوي علي وخيرني كال خويه اني مااغصبج ع شي
انت سمعتي كلشي
وانت دارسه وفاهمه
تردين ترجعين تردين تبقين بكيفج
كتله ارجع وانطي فرصه عسى صدك تغير
طبعا الكلام الي الدار بين اسامه وامه بالمستشفى كلش أثر بيه
وانقهرت ع اسامه ردت اطلعه من
الي هو بي
ردت اثبتله مو كل النسوان تخون ومواضيع كلهن مثل إيلاف
كتله علاوي اروح بس بشرط
كل شهر يجيبني يمكم ومايمنعني منكم أبد ولا من امي
والمبايل يرجع الي
وضرب ميضربني أبد
وأهله يعاملوني مثل ما يعاملون مرت مروان
وينسون كلمة فصليه
كال اروح اكللهم
راح علاوي ورجع وره دقايق
كال وافق اسامه وأهله بكل شروطج
تفاجئت بقبولة بالشروط بهالسرعه
كتله علاوي بس هسه مااروح
أريد ابقى كم يوم لأن مريضه
كتل بكيفج
راح كالهم وافقت
بس هسه هي مريضه
بعد كم يوم تتحسن وتعال أخذها
طلعوا
وعلاوي بقى يسئلني عن السبب الي خلاني ارجع اله
حجيتله الي سمعته
وكتله الصراحه كلش تعاطفت وياي
كال وحبيتي مو
كتله يمكن
كال مو يمكن اكيد مريم من شفتي دخل علينه
اباوع ع عيونج كامت تلمع
فرح بشوفته.
استحيت من علاوي وسكتت
كال لاتستحين خويه
والله انت ماكو منج وان شاء الله ربي ينطيج ع نيتج
الله كريم يصير خير
ثاني يوم خابرت اسو
واجتني للبيت صارلي كومه مشايفتها
وج اسراء طاك كلبي عليج حبيبتي
شبكتني وكامت تبجي وج اني هم
شلونج
حجيتلها الي صار بيه
كامت ادك وتلطم
وج شلون قبلتي ترجعيله بعد كل الي صار.
شبيج تبقين عوبه وفطيره
اسراء والله خطيه مو بيده
وج انقهرت علي
أريد اساعده أريد اثبتله مو كل البنات سوه
وج شبيج خبال شساعديه
يمعوده لا يروح يأذيج هذا آمبين
مو بوعيه
بقت تعد وتحجي علي
بعد شيسكتها اسو
اسو بطبعها عصبيه وسريعة الغضب متتحمل
وماتسكت ع الغلط
بس كلبها ابيض وبسرعه تنقهر
بقيت احجيلها شلون كام يبجي بالمستشفى علي
والكلام مالته
شويه اقتنعت
كتلها عوفينه من هالحجي
هسه اريد نروح للسوك
وج محتاجه شغلات كومه
وأريد احبب اسامه بيه
كالت يله امشي نروح
أخذت افلوس من خاله ساميه
ورحنه
بسيارة علاوي
نزلت اشتريت كومه شغلات
كلش فرحت بيهن
صار هوايه كلشي ممشتريه
رحت بملابس لعلي لأهل اسامه
حتى نيشان محد اشترالي
رجعت للبيت وصل علاوي اسو
وإني فرحت بالغراض
وكمت اشوفهم لخالتي ولمينا زوجة علاوي
كالوا حلوات وان شاء الله تتهنه بيهن
علاوي اشترالي مبايل وخله سيم كارت بي وخله رقمه
وكال هذا رقمي اي شي خابريني
ولاتحملين شي انت ممجبوره تتحميلنه
ثاني يوم اجه اسامه واخذني للبيت
وللحكايه بقيه
#ام_مصطفى