ماذنبي انا للكاتبة ام مصطفى

١٢

#ما_ذنبي_انا
البارت 12
#ام_مصطفى
شنوو إيلاف يمه خاف سامعه غلط
لا هسه احجي وياه جنت متخبل عليها
لو هي لولا
سبحان الله
صدك الخبيثون للخبيثات
ها بدينه من هسه
تره اني معترضه لأن مطلقه
مو غير شي وآله شبيها هي حلوه وخوش بنيه وامها أعرفها كلش زين
مدام هيج تمدحيها عيني روحي اخطبيها
اصلا انت يايوم رفضتي طلب
لمرتضى
اي هو راح أوافق بلكت يعقل والله يهديه
ويشتغل ويبطل سوالف المكسره
هزيت أيدي عود صدك تحجين
طلعت ملابس وسخه وكمت اغسل
ذبيت حركتي بالشغل
خابرت اسو احجيلها
كالت مو كتلج مو خاليه عزه بعينها
اكيد جانت ع علاقه بي
اي اكيد
اصلا أكثر من مرة اشوفهم سوه
بس عبالي مرسال ا الغرام  طلعت هي الغرام لعد ساره شنو دورها مااعرف
اووف
مريم الله يعينج اذا هاي صارت مرت اخوج
اي والله اصلا من يومي مااحبها
واحسها وحده مو راحه أبد
ديله حبي باي عود نلتقي بالكلية
اوكي
لليل امي وافقت ع الخطبه
الصبح رحت للكلية
ورجعت لكيتها فاتحه الموضوع
وي خالتي أم أيلاف
والمره مكيفه ومواقفه ومحددات يوم الجمعه الكعده والمهر سوه
إيلاف مصدكت
كامت أطب وتطلع
وكل ساع خاتله بمرتضى بمكان
بله مستحى
وصارت تسولف علني وتضحك وياه
بس اني ولا نطيتها مجال
مااحب التقي بيها
كارهتها اوف شلون راح أعيش وياها مااعرف
احسن حل أوافق باستاذ مؤيد
واخلص منهم بس اخلص مرحله ثانيه بالعطله اخلي يتقدملي واخلص
صار يوم الخميس وصارت الخطبه
وايلاف رايحه للصالون
ولابسه بدلة بنفسجي طوخ لونها
ومسويه تسريحه
عبالك اول مره تزوج وولاجنها صارلها كم شهر مطلكه
أطك بعلجها
وبناتها شامرتهم ع زوجها اسامه
هيج وحده صلفه مشفت
كطعوا مهر جان سيد
جايبين وخوالي كلهم حاضرين
بس علاوي معزموه مقبلت امي نعزمه
من كطعوا مهر اجه كعد يمها
وصارت الهلالهل
وراها أشرت لسولاف أختها تشغل
دي جي
اشو اشتغل وكامت إيلاف
وكومت مرتضى لازمته من اديه
وتركص هي وياه
وهو هم يركص
يعني هيج صلافه مشايفه
كرهت نفسي
شلون راح أعيش وياها
خلصت الخطبه
وايلاف صبح وعصر يمنه
وتبقى ساعه وساعتين وي مرتضى بغرفته
ومن تطلع تطلع تتمضحك ولاجنها
ذرة مستحه ماعدها
وهذاك هم ولا يكول عيب من امي من اختي
امي من شافت هيج
استعجلت بالعرس
وايلاف كامت تشرط ع الذهب والغرفه
وامي تستحي من أمها
شتطلب اتجيب الها
وصار يوم الحنه
رحت نحني العروس
طبعا مجبوره اني أدي دور أخت العريس
اصلا كارهتم اثنينهم بس من لا جاره
بيوم الحنه اجت ساره
وتعاركت هي وايلاف صارن ملايخ كدام الناس
آخر شي كامت طردتها من البيت
ساره قبل لا تطلع كالت الها بسيطه وايلاف دكولها بسيطتين عيني
روحي بابا لاذبين بلاج علينه
يبووووووي
الحفله صارت هدوء
وكلها تسئل شكو
هي دكول ماكو شي
هاي تغار مني وتريد تخرب عرسي
كامت بيدها شغلت الدي جي
وعلته كلش ولا يمها
كرصت امي يمه
اني اخاف من إيلاف شنو هاي
اسكتي شبيها
سباعيه هاي قابل مثلج عوبه
امداج يحضي تعلمي منهن
المثلج بالكليه هسه
ساحبتلها اربعه خمسه وراها
ع جمالها بس انت عوبه
وما اشوف راح تبورين
يمه شبيج علي
والله هاي تخوف كلش وكحه
اسكتي اسكتي
طلعت روحي كمت
كالت ها وين كتلها راجعه للبيت
اكعدي ولج عيب من الناس
همه ياناس
عفتها ورحت
اووف شنو هاي
أعوذ بالله منها
رجعت لكيت جماعة مرتضى بالباب دنكت وطبيت
والله نزعت ولفيت راسي ونمت
وره ساعه امي اجت كعدتني كومي خطار
يمه كلليهم مريضه
وج انت صدك متستحين
ع عرس عليوي كتلتي نفسج حتى ترحين بس اخوج من امج وابوج تنامين
خليت المخده ع راسي ونمت
كالت اوف منج مامنج فايده العوبه
ثاني يوم أخذها وراح للفندق افف
فكه منهم
ورجعوا هم ثاني يوم الصبح
اني جنت بالجامعه اول مره احاجي أستاذ مؤيد
وواعدته بس اخلص هاي المرحله
اخلي يتقدم الي
من رجعت لكيتهم جايين
وايلاف اجول وصول بالبيت سلمت عليها
ودخلت اغير ملابس
اجتي وراي اكولج من أول يوم اكلج تره انه مااخدم أحد هنا
مو انت عندج دوام وامج هم
وعبالجن اخدمجن لا حبيبتي من أول يوم اكلج كل وحده تخدم روحها زين لولا
بقيت صافنه عليها
شنو من بنيه هاي أبد مو سهله
الله يستر من الجاي
يارب صبرك وعفوك
مرت الأيام وصرنه خدم لايلاف
وصارت هي الكل بالكل بالبت تأمر وتنهي
تأكل وتشمر الصينيه ع السنك
واحنه نغسل وراها
وتطب وطلع بكيفها
ومحد يحجي وياها ومرتضى عبالك نازله عليه من السمه
يباوع ع حلكها
فديوم كاعدين بالبيت
ومرتضى اجه أخذ إيلاف وطلع
سريع مخطوف لونهم
امي صاحت وين شكو
يمه بعدين افهمج
اي احد يسئل علينه سافرنه اني وايلاف
ولك شكو شمسوين
يمه بعدين
هسه انطيني افلوس شكد عندج
ولك غير اعرف شكو
كام يصيح ويغلط ويسب
ضرب امي
وركض للكنتور أخذ فلوس
وأخذ مرته وطلع
ركضت امي وراه
لك تكسي منتظرته صعد بتكسي وصعد مرته واشر لمي فوتي
امي طبت تبجي وتصرخ
كالت راحت روحي وياه
اول مره اشوف اخوج هيج خايف
شوف شمسوي
ماكو ساعه والبيت انهجم علينه هجم بالرمي عبالك جبهة صارت
وللحكايه بقيه
#ام_مصطفى
القصة حقيقة والأحداث كولها حقيقيه وأصحاب القصه يتابعون