ماذنبي انا للكاتبة ام مصطفى

٢١

#ما_ذنبي_انا
#ام_مصطفى
البارت 21
راحوا كلهم للبصره
وبالف يا علي ومعارف وواسطات يله طلعوا الجثة وجابوها
وايلاف جابوها وياهم
مشفناها مناك واخذوها اهلها
ودزوا الجهال بيد علاوي
وصلوا للبيت وجابوا الجثة مالته
امي انتهت عليه
كامت تشيل روحها واطكها
ونايمه ع التابوت وتصرخ يمه رضاوي كوم
حاجيني اضربني اغلط علي قابله
بس لا تموت
عبالي يجي يوم وتنعدل وتتغير
وترجع الي
ماضنيت ترجع الي بتابوت
ع بجي امي
كلنه نبجي وياها موقف ماينسي
أم تعاتب ابنها وتودعه
يمكن حتى الكافر يبجي ع حالها
وينك يابه لو انت عايش مجان هذا حالنه
ابوي جان رجال متدين وخلوق
ومرتضى جان يخاف كلش من ابوي بس امي هي الي جانت ادلل بيه وزرعت الحقد بداخله
ع علاوي
الله يسامحج يايمه شحصلتي هسه
الإنسان شكد مايضلم راح يرجع الضلم عليه شكد ما يصير متسلط
راح ينذل بالنهايه
ومثل ميكولون وكل قوي للزمان يلين
هاي امي الجانت ميعجبها العجب
وقويه كلش
هسه هيج صار بيها
سبحانك يا الله

اخذو مرتضى يدفنوه امي أصرت تروح وياه
علي نصب جادر وسوه فاتحه
بله ميكول سبب قتله شنو
خاف من الفضيحة
كال اخوي لكيناه مقتول
واصلا شي عادي صار القتل
يوميه عشرات الجثث المجهولة الهويه
موجوده بالمستشفيات
فعادي محد شك
جهال مرتضى مبطلوا بجي ع امهم
يستغربون منه ميعرفونه
خصوصا هوسه وفاتحه بالبيت
اخذتهم العبهم اوكلهن
أحاول اخليهم يأمنون بيه
بس ماكو فايده ساعه يبجون وساعه يسكتون
لحد مااجت امي من الدفنه كامت هي اداريهم
خلصت الفاتحه وراحت امي للبيت واخذت جهال مرتضى وياها
رجعت للبيت مالتنه
محاولت دكلي ارجعي وياي
تعرف مراح أقبل
مر أسبوع ع وفاة مرتضى
رجعت داومت. لكيت زملائي ماخذيلي اجازه
داومت ع غير العادة مشفت اسامه
كلت لازم التهى با إيلاف لو رجع انتكس
من شافها
مااجذب عليكم متت قهر والغيرة هسه حركتني حرك
خلصت اليوم بتوتر.
وع أعصابي
رجع الها ؟
حن الها ؟
شافها وشافته ؟
سامحها ؟
الف سؤال ابالي صار
خلصت كلية وكلشي مفتهمت
رجعت للبيت
خابرت اسو كتلها شفتي
اسامه لا حس ولا خبر
شنو تتوقعين يرجع الها. والله مريم مااتوقع يرجع الها
اني الي شفته بعينه يحبج هواي
اي 😏مبين
تدرين حمدت الله مرجعت اله
مريم الغايب عذره وياه
بعدين انت صار الف مره رفضتي ترجعيله وتطلبين منه يبتعد منج
هسه من ابتعد ضجتي
شنو فلمج فهميني
تحبينه وتردينه لولا
لو ماتردينه وج اصلا راح اموت من الغيره عليه اموت واعرف هو وين هسه
وشنو يفكر
يفكر بيج
شنو
والله يفكر بيج
شلون عرفتي
عيني هياته جاي يتصل بيه خط ثاني
صدك تحجين
اي والله
دروحي جاوبي شمنتظره
منتظرتج هههههه
سدته
وبقيت انتظرها دقائق
بس مو دقائق  صارت شطولهن
علي
خابرت كالت.
عيني يسئل عليج
اي شكول
يكول داومت لولا
يكول اني مريض
مااكدر اجي
وبالي يمها
كتله ماكو شي زينه
وهسه سئلت عليك مشوفني مشغول جنت
صدك هيج كلتيله
لالا عفيه ليش هيج
ههههههههههه
لا جذب اشاقه وياج
كتله شويه نفسيتها تعبانه
ومامداومه هذا الأسبوع كله
بس اليوم داومت
كال سلميلي عليها
كوليلها مشتاقتلج
صدك هيج كال
اي والله
بس مبين ضايج لو مريض مااعرف شبي
خاف ضاج ع حبيبة القلب إيلاف
والله مااعرف بعد

مر أسبوع ثاني ماكو اسامه
وراها شفته الصبح بسيارتة يم باب الكلية هو شافني وابتسم
اويلي يابه ردت روحي بشوفته
بس وين جان ليش هيج كطع
اووف مشاعري متلخبطه ساعه اكول همزين ميجي بعد
وساعه اريده
نزل من السياره واجه تقرب علي
كال صباح الخير مريومه
كتله صباح النور
كال أريد احجي وياج ممكن نكعد مكان ونسولف
كتله اسفه اني مااكعد وي أحد
كال بس اني زوجج وأبو ابنج
مو اي احد كتله جنت زوجي
هسه غريب وإني مااكعد وي غربه
جرني من أيدي حيل
وعتني للسياره
اوي اسامه شبيك منا الناس
لادكولين غريب مره ثانيه واصعدين وغصبن عليج
مااصعد سمعت لولا
تره هسه اصرخ والم الناس
ها مصعدين
يصير خير
صعد بالسياره وراح
اووف هذا شراح يسوي
والله تعبت منه شلون بيه
دخلت للكلية وبالي يمه
اوف اسامه وتاليها وياك
طبعا اول مرجعت للكلية
شفت أستاذ مؤيد
وهو ساعدني ارجع للكلية
طبعا أستاذ مؤيد ازوج وصاير عنده ولد
الأستاذ جان كلش مؤدب وياي
أبد مفتح اي موضوع وياي قديم
تعامل وياي عادي
كأنما طالبه قديمه وحب يساعدها
خلصت المحاضرة
طلعت استراحة
اتفاجئت شفت اسامه بنص الكلية
هذا شيسوي هنا
شلون يربي
تخبل شنو
اجه باتجاهي من بعيد
عيونه شرار
كال ممكن احجي وياج
هنا
كتله اسامه شدسوي انت
كتلك مااريد احجي وياك ماكو موضوع مشترك بينه
لا اكو مريم
وهو
حبنا اني احبج وانت تحبيني
كعدت ع مقعد جان مال الاستراحه
كعد بصفي
كتله اي تحبني.
مبين من ركضتك للبصره
حتى تشوف إيلاف
شكو رحت وياهم هااا
شعندك بعدك تحبها وتفكر بيها
بدون وعي صرت عصبيه
كال كل هذا ودكليلي مااحبك
شوفي اني رحت أولا بصفتي ابن عمها
وأبو بناتها
جان لازم اروح مااريد تفلت من العقاب تعرفين مرت عمي تحب بناتها
واخاف تشردها كلت
بعدين جنت حالف اذا اعرف مكانها
اتفل بوجها
قبل لا يقتلوها
مريم من كل عقلج اني اباوع لايلاف مره لخ
تره اني ماحبيت إيلاف أبد
جنت مراهق بوقتها
وحب المراهقه مو حب
إيلاف نسيتها وكرهتها وكرهت طاريها اصلا
مريومه انت حبي الأول والأخير
اني اكدر هسه اروح ازوج
تره مناقصني شي متمكن والحمد لله
بس اني احبج وأريد اعوضج
ع كل الي صار
مااريد شي منج غير بس فرصه وحده
كتله مااكدر الموضوع طلع من أيدي
علاوي ميقبل
كال انت بس اوكفي وياي
كتله اسفه مااكدر
مريم ليش هيج صايره
انت مو هيج
انت سويتني هيج 
وهسه عندي محاظره اروح
عفته وكمت بس كلبي يتكطع عليه
مااكدر انطيه أمل من صدك علاوي ميقبل
وإني شيكول علاوي اسوي
بعد مااريد أتصرف بكيفي
خلصت ورجعت للبيت
حجيت لاسو وخالتي
مااضم شي ع خالتي اي شي اني
كالت انت بكيفج
اذا ع علاوي اني احاجيه
كتلها لا خاله مااريد يعرف
خلي علاوي الي يشوفه صح يسويه
بقه ع ها لحاله اسامه كل يومين 3
الكاه اباب الكليه ومرات يوميه
فديوم طلعت وي طلعتي أستاذ مؤيد طلع
كال ها مريم واكفه تحبين اوصلج وياي كتله لا شكرا أستاذ
عندي خط
كال ها اوكي
ع راحتج
كتله صدك أستاذ شوكت تريد البحث اي يوم
كال ع راحتج اني مقدر ضروفج
دنحجي هيج وجان يهجم اسامه ع أستاذ مؤيد
بوكسيات وضرب إلى أن وكعه بالكاع ونام فوكاه
وللحكايه بقيه