ماذنبي انا للكاتبة ام مصطفى

الأخير

#ما_ذنبي_انا
البارت الأخير
#ام_مصطفى
اجه يوم الخطبه رحت للصالون
مكيجت  مكياج بسيط ونزلت شعري سحبته
شعري جان طويل اسود وأكع ع جتافي
ولبست الفستان طلعت كلش حلوه
رجعت للبيت
للضهر اجوي اسامه وأهله
أمه مكيفه بيه طايره فرح
واخته وسن و مرت مروان
ونسوان أقاربهم سلموا علي وكعدوا
لشويه كالوا الشيخ يريد يعقد الهم
لبست جادر صلاة ودخلي بغرفه اني وياه وعلاوي والشيخ ومروان
مروان حتى مسلم
جان يباوعلي بحقد وب غل
جان عاكد حواجبه وخازرني من صدك خفت منا
الشيخ كام يحجي يعقد
خلص عقد ووقعوا الشهود علي ومروان
وطلعوا طلعنا اني وعلي بالصاله يم النسوان
جان لازمني من أيدي
كعدني ع القنفه وكعد بصفي
خالتي جابت الذهب لبسني
كولها تفاجئت بالذهب
جان ثكيل وحلو
واسامه يلبس
ومايلحك ويضحك
يكلي لو بيدي املكلج كل الدنيا وانطيها الج مو كافي عليج
وكل ساع يشاورني احبج ما احبج
لو يكلي الله لاينطي علاوي
شيصبرني سنتين
جنت اضحك عليه
الكل لاحظ الفرح والسعادة الي احنه بيها
خلص اليوم بتعب وفرح
الله شكد حلو الفرح
باليل استملني اسامه مخابرات
سوالف وضحك للصبح جنه نبقى ايام وليالي
طبعا اسامه من أول يوم الخطبه
بطلني من الخط كام هو ياخذني ويجيبني صار الحرس الشخصي مالتي
ههههههههه شسويله يكول اغار عليج
بفترة الخطوبه
مااكذب عليكم هواي عانيت من غيرة اسامه وصدك أبو طبع ميغير طبعه
ع كولشي ميقبل وع اللبس يحاسب ويدخل مكياج ممنوع
فوك الصايه لبسني عبايه
يكولي انت ملكي مااريد
واحد يباوع عليج
احترك حرك
هواي قيدني بالدوام
لحد ما تخرجت يله ارتاحيت
شويه من سوالفه
جنت حريصه مااحجي شي لعلاوي
جان يسئلني شلونه وياج اكوله زين
بس متعبر ع علاوي
من بطلني من الخط
و لبسني عبايه
كلي علاوي
اعرف بيج تضمين علي
خلي اشوف تاليها وياكم شنو
علاوي الصغير ابني بده يتعلق بابوه
لا اسامه يوميه يمنا
عبالك عايش ويانه
كام اسامه يأخذ علاوي يشتريله ويطلعه
ومن نطلع سوه ناخذه ويانه
الحمد لله بهاي الفتره كدر يعرف ابوه
وكام يصيله بابا
بعد مجان يكول لعلاوي اخوي  بابا
فديوم اخو مينا اجانه خطار
اسامه جان هنا
فتحتله الباب ورحبت بي ودخلته
اسامه تخبل
بقى يأشر طبي جوه لا اطلعين
وكعد يم الولد لحد ماراح
وراها راح اسامه
وخابرني واستلمني حجي
وصياح
اسامه شبيك شسويت اني تره متسوه هيج
سويتها سالفه وتحجي وتصيح علي
شلون ماتسوه طالعه بطرك الدشداشه
وفاتحتله الباب وتسولفين
وضحكين وياه
عبالك من اسنين تعرفينه
ويجوز من صدك عادي تعرفينه
ويجيكم قبل
اسامه اوكف اوكف
انت تبقى هاي عقليتك واذا فتحتله الباب
قابل جنت امصلخه
اني وبعدين سلم ورديت السلام
واهلة بي
لعد تريدني اطرده شنو
انت ميفيد بيك كولشي تبقى تشك
وماتتغير وهمزين بعدنه مخطوبين
من هسه كلمن يروح بطريقه
صراحه مااكدر اتحمل هيج اني
ع كولشي مسويها سالفه
وتبقى تألف وحدك
كام يغلط ويصيح شنو تهدديني
انت تردين تذليني شنو
لو ترديني اصير ماعدي غيره ع مرتي
سديته بوجها وقفلته
تعبت هيج بشر مشايفه
مريض مو بيده
كام يدك ع خالتي
كتلها خاله كوليله نامت
ثاني يوم بس طلع علاوي للمحل
اجه اسامه
دز علي اطلعه كتلهم كوله نايمه
خليت المخده فوك راسي وغطيت وجهي وبقيت نايمه بفراشي
مااحس اله واحد وخر المخده من فوك راسي
وكام يبوس
فتحت عيوني
اسامه
عيون اسامه سامحيني
والله مو بيدي اموت احترك اذا شفت واحد يباوعلج
والله اخاف عليج
من من جنس الرجال كولهم
اسامه انت
كال اششششش
خله ايده ع حلكي كال كومي
نروح لكربلاء نزور
صدك طفرت بسرعه ضحكت
كال ها فطيره شوفي
وترديني مااخاف عليج
مو اعرفج بسرعه تتقشمرين
هههههههه
مو فطيره اني بس كلبي طيب
فدوه بكلبج
بسرعه بسرعه
بدلت لعلاوي والي
ورحنا لكربلاء
الله جنة الله في الأرض
زورنه وحلفلي يحبني
وعاهدني يتغير بس مااعوفه

مررت الأيام وتزوجنه وكعدنه ابيت وحدنه اسامه جاب بناته التؤم يمنا
علا وحلا
كبرانات عمرهن 6 سنوات
حلا فده حبوبه وفقيره ومطيعه
بس علا نحسه وتشبه امها بالشكل والأسلوب
أبد متحبني شكد أحاول وياها أبد
السان جانت كولش
وترادد وتعاند
الله رزقني ابنت
اسامه ماتغير جذب اليكول أبو طبع يغير طبعه
صح أبد ميضربني مثل قبل
بس خانكني خنك لاطلعه ولا طبه
حتى السطح مااصعد
تليفون بي بس رقم اسو
الي بعدين اكتشفت هي محاجيه علاوي  وقانعته ارجع
وكايلتله تحبه وتستحي منك
طبعا اسو نعم الأخت والصديقه
رغم هي ازوجت وصار عدها 3اطفال بس يوميه اتصل بيها
ونسولف الوحيده الي
اسامه يقبل اخابرها
ورقمي عدها
اسامه لحد هذا اليوم يتعالج يم شيخ روحاني وهاي الفتره احسه تغير شويه
امي عزلت روحها إداري جهال مرتضى يمكن كل شهرين تخابرني مره
إيلاف لحد الآن منعرف عدله لو ميته
لأن أول مستلموها اهلها شالوا محافظات ناس دكول قتلوها
وشالوا من الفضيحة
وناس دكول انهزموا بيها اهلها
وضاعت الحقيقه
هاي قصتي حبيت احجي الكم الي جاي تنقلها أم مصطفى عن طريق صديقتي اسو الها
طبعا ماعدي فيس
اكيد اسامه ميقبل
بس عندي فايبر وتواصل بي اني واسو
اشكر تعاطفكم وياي
ودمتم في رعاية الله
#ام_مصطفى
النهايه