ماذنبي انا للكاتبة ام مصطفى

٢٣

#ما_ذنبي_انا
البارت 23
#ام_مصطفى
بقيت بين نارين
التفت ع اسامه أحس عيونه دكلي لا تعوفيني محتاجج
التفت ع علاوي عيونه دكول لاتخذليني
مااعرف شلون نهاريت بجي
كلت بله وعي اسامه اطلع من حياتي مااريدك
ووكعت بالكاع ابجي واصرخ أريد اموت مااريد أعيش
كافي تعبت ليش محد يحس بيه
اني تره بشر من دم
اه اه
اجت خالتي تركض علي كومتني اسم الله الرحمن شصارلج
كومي يمه
بقت تحجي عليهم
ميصير هيج تخلوها بموقف
حرام عليكم شنو ذنبها
هالمسكينه هيج دمرتوها
فقدت اني من البجي
حتى مشفت شي
لأن خاله اديه ع وجهي وابجي
طلعتني خالتي
واسمع اسامه يطلع
بس كال يبقى ابني
كل أسبوع ادز عليه اشوفه
من سمعت هيج انتهيت
يعني خسرته للأبد
اجه علاوي كال هسه ليش تبجين
والله تره ميستاهلج
وأبو طبيع مبجوز من طبعه
عبالج هسه كاتل روحه عليج
يبقى هيج
باجر بس ترجعيله
يرجع لطبعه صدكني
اني اخوج واعرف مصلحتج
مااعرف اقتنعت بالحجي الكاله علاوي لو قنعت نفسي بي
أحاول أصبر نفسي
واواسيها
ثاني يوم داومت ماشفت اسامه بطريقي
كمت ادوره بكل مكان
جنت مصوره راح اشوفه واكف
وهم يركض وراي
بس ماكو
رجعت للبيت وهم ماكو
مر أسبوع كامل واسامه ماكو
خابرت اسو
اسو اسامه ماكو متعرفين شي عنه
كالت لا والله ممخابرني
اكيد مل منج وصدك سافر
لا عفيه لادكولين هيج
هو اذا يغيب يتصل عليج
معقوله مخابرج يسئل عليه
لا أبد
بس أريد اعرف انت مو كلتيله روح
مااريدك وخصمتيها وياه
خلص اكيد هسه سافر وشاف حياته
الي أعرفه أمه تريد تزوجه
وعليه ضغوطات من مروان
وامه ع مود الزواج
يكلوله ازوج
كتلها وهو شنو طرطور ماعده كلمه
شنو أمه شنو مروان
يبقى هيج ماعده شخصيه
أهله يتحكمون بي
عجيب امرج مريم
لاترحمين ولا تخلين رحمة الله تنزل
فدوه اسوو خابريه اسئلي عليه
اخاف تمرض لو صارله شي
اني اخابره
لا عيني اني شكو بالموضوع
لخاطري الله عليج
لا فدوه اعفيني
اذا تردين انت خابريه
لا مااكدر
لعد اني هم اعذريني اني شكو اخابر
وحتى إذا اخابر مبينه انت دازتني
اشوف أخباره
هااا اي هم صح
لعد شون
هسه يجون ع ابنج ياخذوه
ومن تجي أمه اسئليها عليه
وإني هيج انتضر لحد متجي أمه
لعد روحي خابري اذا مستعجله
انت ماعدج حل وسط
لا ماكو عيني حل وسط
ولا تخلين أمل عود اني اخابر
اووف انقهرت من اسو وسديته
بقيت مادوم كليه أسبوع كامل وكطعت الأكل تازمت حالتي النفسيه كولش كمت ليل نهار بس أفكر بي معقوله نسائي معقوله
بهالسرعه تخلى عني
ضعفت كلش بهاي الفتره وبين علي الاكتئاب
علاوي لاحض حالتي
كال مريم اني ع مودج رفضت ترجعيله
بس اذا هذا الشي يتعبج ويضرج
اني أوافق ترجعيله بس بشرووط
ويجي واشرط عليه
إذا عندج اتصال بي اتصلي بي
وكوليله يجي
هزيت راسي بمعنى اي
طلع مني علاوي بس الدنيا مشالتني مت الفرح
الحمد لله من اقتنع
بإرادته
أهم شي عندي علاوي
قبل هسه اكدر احاجيه
بله كولشي
ركضت دكيت عليه
من أول دكه رد الو
كلت الو
كال مريم
ليش عندك غيرها
لا قبلها ولابعدها تجي وحده
اشتاقيتلج يانور عيوني
اي مبين
صار لك أسبوعين مختفي
ردت اختبر حبج الي
وهسه اختبرته
اي
وشطلع
100 / 100
واثق كولش
اي واثق
مريم سامحيني
واريدج تنسين الماضي وتساعديني نرجع
ساعديني أنسى هذيج الأيام
ساعديني أريد ارجع ثقتي بكل الناس
مو بس بيج
اني بفترة فقدت الثقه حتى باهلي الي همه أقرب الناس
اعترفلج اني مريض
وانت دواي
اذا ساعدتيني راح
أطيب من مرضي مريم اوعدج وعد رجال مراح اأذيج ولا أمد أيدي عليج أبد
بس انت صيري الي وحدي
بس انت أوفي الي
راح اصير محبس بيدج
راح انطيج عمره وقلبي الج ...
الله شكد حلو كلامك ياريت
تبقى هيج وطبق الكلام
انت بس جربي وشوفي
اسامه اني راح انطيك فرصه
أتمنى ماتخذلني هلمره هم
راح احجي وي علاوي
أو بالأحرى علاوي حاجاني
وكال اني موافق بس
بشروط
اذا بعده شاريج يجي
واخلي شروطي عليه
قبل قبل ماقبل
كلمن بمكانه
صدككككككككككك تحجين
اي والله
طبعا شافني متأذيه كلش عليك
وع فراكك
فديت حبيبتي اني آسف
بس لازم شويه جان قاسي عليج
حتى اعرف معزتي عندج
وتكدرين تاخذين قرار
اسامه اني اكتشفت مااكدر أعيش بدونك رغم كل الي سويته
كال اششششش
انسي عيون اسامه انسي كولشي
أن شاء الله راح اعوضج عن كل الي صار
بقينه نحجي للصبح اني وياه
ثاني يوم داومت
واكيد شفت اسامه هناك
وأخيرا التقة عيوني بعيونه
جانت عيونه تحجي
حبنا واهاتنا واشتياقنا لبعض
كعدنا سوه وتعاهدنه انو نكمل حياتنا سوه ع الحلوه والمره
لكن بقت اشروط علي لسه معرفناها شنو
لليل اجه اسامه للبيت
وللحكايه بقيه
#ام_مصطفى