ماذنبي انا للكاتبة ام مصطفى

١٩

#ما_ذنبي_انا
#ام_مصطفى
البارت 19
كالت فدوه مريم ابني يحبج
فدوه سامحيه هالمره
خاله شسامحه مااكدر
خلي يعوفني بحالي مكافي
دمرني هاي سنه ونص وياه عيشني
بهم وقهر
مااريده فدوه ولاترجعون ادزون عالم يوميه
كوليله اني مااريدك
وماصدكت اطلكت منك
وانصحج خاله اخذي ابنج لدكتور
نفسي خلي يتعالج
تره ابنج مريض
كامت تبجي أمه
وراحت بس وصتني بالطفل
بعد ماأيست انو ارجعله
من سمع بيه حامل
هنوب زاد
كام يدز يوميه واحد
وصار يتوسل باخوي
حتى لأمي راح
عباله تكدر تأثر علي
اجتني امي كتلها انت بالخصوص لاتدخلين بيه
كافي دمرتيني دمرتي حياتي
اترجاج كفي مني
كوليله البنيه متريدك
بهاي الفتره اسامه يروح ويرجع من بابنه
كم مره خالتي ساميه تشوفه
يفوت
وعلاوي هم كلي هذا تخبل
شنو يروح يرجع شكو
شنو يعني يراقب بعده
لو شنو فلمه
كتله مااعرف
عوفوه عباله يسوي هيج ارجعله
لو يموت ماارجع
صدك اني هيج احجي
بس بداخلي اموت قهر علي
أتمنى اطلع بس اشوفه هواي
اشتاقيتله
صار 7 أشهر مشايفته
ولا سامعه صوته
آخر مره من يدك باب الحمام
اووف اسامه ليش هيج تسوي
بنفسك كافي مامليت
معقوله صدك تحبني
...
فديوم خابرتني اسو كالت مريم عندي سفره ومارحت وياهم
تعالي نطلع نغير جو
كتلها خاف علاوي ميقبل
كالت حتى لو اجيبين خالتي وياج
وتعالوا نغير جو
اي والله نفسيتي زفت
خلي اكولها لخالتي واردلج خبر
اوكي انتضرج
كلت لخالتي كالت اي مابيها شي
اني اخابر علاوي ونطلع
نغير جو باي متنزه
بوكتها صار هوايه مطالعة
بسرعه غيرة ملابس
واتصلت باسراء
كتلها راح اجيج انتضريني بالكلية ومناك نروح
كالت اوكي انتظرج لعد
خالتي لبست وإني هم اخذنه تكسي كناله للكلية وراها تأخذنه
لمتنزه والعاب. ....
كال اي اندله هذا المتنزه
صعدنا ورحنه للكلية واخذنه اسو
ورحنا للمتنزه
نزلنه الله أحس نفسيتي ارتاحت من شفت الخضار
كعدنه بمكان ع البحر
نباوع شكد حلو المي
والمكان
كالت اسو احسن شي سويتي من طلعتي
يمعوده غيري جو
الحامل تحتاج اوكسجين نضيف
تحتاج تطلع تغير جو ترفه عن نفسها
كتلها أي والله صدك أحس هسه
ارتاحت نفسيتي
شكد حلو المنظر رغم الدنيا بارده
بس جان الشمس طالعه
اسو كالت أريد اروح حمامات واخاف وحدي
كالت خالتي أم علي
اروح وياج
اي والله خاله ياريت
خلي نسئل وين هنه سئلن ولد
دلاهم وراحوا
بقيت دايره وجهي واباوع ع أمواج المي والطيور سبحان الله شلون منظر حلو
مااحس اله واحد كعد بصفي
درت وجهي شفت اسامه
كمت لزمني من أيدي وكعدني
اكعدي لهدرجه كارهتني رجائا اسامه فك ياخه مني تره مستحيل ارجعلك لو شسوي
بقه لازم أيدي وعاصرها حيل
بس اكعدي احاجيج
لا مااكعد وعوف أيدي رجائا
مااعوفها
خالتي راح تجي
لا متجي هسه اني كايل لأسراء
تاخرها
شنو يعني متفق انت وي اسراء
اي
لعد شلون اشوفج
وليش اتشوفني مكافي دمرتني
مكافي العذاب والقهر الي شفته منك
شنو تريد مني
اسامه ماارجعلك أبد
رفع أيدي وباسها كال واذا اكلج
احبج ومااكدر أعيش بدونج
والله احبج
كتله هيج حب مااريده
هذا مو حب انتقام وشك عيشتني وياك
مريومه سامحيني
والله اوعدج بعد مااعيدها
والله احبج اني آسف
مااكدر أعيش بدونج
والله من كثر حبي الج اغار عليج من الهوه
مااريد أحد ينظر نضره وحده الج
اتخبل اذا اتخيل تصيرين لغيري
صح طلكتج بس مجبور
اترجاج سامحيني
وخلينه نرجع وطلباتج كولها أوامر
كتله خلصت حجي
خلي اكولك شي الي سويته وياي
مو بسهوله اكدر أنساه
ولا اكدر أثق بيك وارجع وياك
انت قتلت الحب بالخوف
اني اخاف منك
كمت ابجي
اتقرب مني بقة يمسح بدموعي
لاتبجين والله كل دمعه منج
تحرك روحي حرك
بيش احلفلج احبج ومراح ااذيج
بس انطيني فرصه أخيره
انطيتك فرصه قبلها وشنو سويت
عيشتني بمرار
وضرب وشك
روح اسامه انت أمرك مو بيدك مدام مروان وراك مراح
تكدر تعيش مثل قبل
واحب اكولك اقسملك
انو مروان هو وره الرسائل
راد يزرع الشك بكلبك
من اتجاهي مريد نعيش بسلام اسامه اترجاك إنساني
اني نسيتك
وماكو شي يربطني بيك غير ابني
خله ايده ع بطني كال يعني ولد
بيج كتله اي
صدك
اي والله
استنشق هوه
كال واذا احلفلج وداعت ابني
اني تغيرت
راجعت دكتور نفسي
ع مودج
أريد أعيش وانسى الماضي
انطيني فرصه أخيره
والله احبج احبج احببببببببببببجججججججج
يااااا شهرتني الناس منا
أريد كل الناس تسمع
احبج ومااكدر بلياج والله جاي اموت
ابتسمت
وردت وجهي بلحظة ردت احظنه واكوله اني أحبك والله
بس مااريد أضعف ويستغلني
اووف والله ردت روحي بشوفته
كال فدوه اروح لهاي الضحكه
راح ادز ناس عليج
وهالمره صيري وياي
سكتت محجيت
مردت اغثه مااعرف ليش
ردت يبقى أمل بيناتنا حبيبتي مريومه لاتخذليني هالمره
باس أيدي وكام
احبج حبيبتي والقران احبج
هاي ايدج ابوسها ساعديني
لاتعوفيني
  كتله الله كريم يصير خير
اباوع اشوف خالتي واسو يباوعن علينه من بعيد واكفات سلم اسامه ع خالتي وراح
اجت خالتي واسو
كمت ماحاجيت اسراء
كلت لخاله يله امشينه
كالت مريم الله عليج لازعلين
شلون ماازعل وانت تعرفين نقطة ضعفي هو
ليش خليتني اشوفه
مااريد أضعف كدامه
مريم والقران اجاني للكلية وكام يتوسل بيه
ويبجي والله العضيم تكطع كلبي عليه هاي اني الجنت الومج
انقهرت عليه
صدك يحبج لأن مامعقوله
رجال يذل نفسه لهاي الدرجه اذا مو يحب بصدق
اسو انت مو تعرفين انطيته فرصه ونفس الشيء
متغير ولا راح يغير طبعا
مااريد اضل عمري كله في محل شك
تعبت اسو حتى لو أحبه مااكدر ارجعله
كالت والله يامريم اني ضعفت كدامه
متحملت شلون يتوسل ويبجي
كلت بلكت تسامحيه
الله يسامح احنه البشر منسامح
اسو اني مسامحته بس مااكدر ارجعله
رجعت للبيت
لليل دز اسامه ناس مره لخ
متحمل ينتظر لثاني يوم
علاوي طردهم من الباب وكلهم
حتى لو اختي تقبل اني بعد
مأمن ع اختي وياه
اني بوكتها فرحت لأن هيج كال
احسن مااريد ارجعله اخاف منه
اخاف ارجعله وينكلب عليه
انكطع فتره اسامه ميدز عليه ارتاحيت
بس بقى يتصل باسو وبخالتي ساميه
يطمن علي
اني أبد مااجاوب أبد ولا احجي وياه
إلى أن حان موعد الولادة
رحت للمستشفى دخلوني صالة الولاده
شفت الموت يله يطلع الولد
جبت ولد سميته علي ع اسم اخوي علاوي
طلبو مني جنسية ابوه ع مود يطلعوله بيان
اتصلت خالتي ساميه بي
دقايق واسامه اجه يركض
وللحكايه بقيه #ام_مصطفى