ماذنبي انا للكاتبة ام مصطفى

الثامن

#ما_ذنبي_انا
البارت الثامن
#ام_مصطفى
بقيت مصدومه هذا صدك يحجي
شنو حضري روحج
تره مو بكيفك
اسكتي لج وبكيفي ونص
اني رجال البيت هنا
وكلمتي هي التمشي سمعتي لولا
ماكو دراسه
وتزوجين صديقي غصبن عليج
كمت ابجي بحركه
ليش ياربي ليش بقيت تحت رحمت مرتضى
شسوي هسه رحت لمي ماما احجي
عاجبج ابنج الي يكوله
شسويله تعرفين اخوج عنودي وميسمع الكلام
اني بعد مااكدرله اشو حتى
ايده كام يمدها علي
شبيدي عليج
شوفي يوم ولله لو اموت
مااخذ هذا صديقه الطايح حظ مثله
ولا اترك دراستي وإني اعرف شراح اسوي مدام انت متكدريله
رحت ركض للغرفه مالتي قفلتها علي
خابرت علي واشهك بجي
علاوي خويه الحكلي
مريم شبيج شصاير
أحد وياج صاير شي
اختنكت بعبرتي
علاوي مااريد ابقى هنا
تعال أخذني يمكم
شصاير فهميني أحد ضربج
مرتضى
شبي مرتضى
مرتضى يريد يبطلني من المدرسه
ويريد يزوجني واحد من جماعته
المكبسله
وكام يضربني
وحتى لأمي يضربها ويغلط عليها
فدوه تعال أخذني علاوي
يمكم
لج هذا مرتضى ميكبر ميعقل
مصخها كلش
شلون يمد ايده ع أمه
مع الاسف عليه بسيطه اني أعلمه
وينه هسه هو
مااعرف طلع من البيت ويكلي بعد
ماكو دوام
مو بكيفه حضه اطيحه اليوم اني اله
لليل اجه علاوي جان مرتضى موجود
دك الباب ودخل سلم ع امي سلمت
من وره خشمها اني ركضت حظنته
مرتضى خير شكو شعندك جاي
علاوي اجيت اشوفكم شنو عندك مانع
اي عندي مانع انت ماعندك فوتي علينه
مو بكيفك زين لولا
ابوي مات ع ايدي ويوصيني بيكم
وبمريم
حتى لو بعيد عليكم
مااعوفكم
شوف لاتصير زين براسي انت وع ساس خير
اطلع يله
تعال لك عود اني جاي احجي وياك بالتي هي أحسن
بس انت الظاهر مو مال عيني واغاتي
لزم مرتضى من قميصه وكله
شوف ولك اذا سمعت ماد ايدك ع امك اكسرها الك والله
واختك من تدخل بدراستها
اطيح حظك
تره احترمتك هواي اني
وساكتلك
بس لهنا وكافي
بقى مرتضى يدفع ويغلط
ع علاوي
لزمه علاوي موته كتل
كله مرة الخ مااطلعك سالم
وعود بطل اختك لو مد ايدك ع امك وشوف
وطلع من البيت
رجع مرتضى علي أم المشاكل كله
من وراج هاي انت رحتي كلتيله والله اله اموتج كتل
وغصبن عليج تاخذين صديقي
امي كامت تحايز الي ودافع بيه
طلع من البيت وهو يتحلف ل علي
والله اله اقتله صاير رجال علي بسيطه
امي دارت علي أم المصايب
شكو رحتي خابرتي ولج
يمه كافي تكفيني وياه
كافي ادللينه لمرتضى
شوفي شلون كام يضربج
شوفي شسوه بينه
وبعدين ليش تحجين ع علاوي
فوك ما دافع النه
شمسويلج هو
شوفي منو الاحسن تربيته لو تربية
ابنج هذا الفاشل
اسكتي ولج انت تعيريني شنو
يوم مو اعيرج
بس كافي دلال
عفتها ورحت لغرفتي سديتها علي
مااعرف شراح يصير
باجر
يارب خلصني والله تعبت
محد يحس بيه اني هم بشر
ومن دم ولحم مو من حديد
والله مااتحمل الي كاعد يصير الي
ليش حياتي غير عن البنات
ليش انكتب علي
مرتضى يتحكم بيه
اه اه
غفيت والدمعه بعيني
من كد مابجيت
تعبت كلش وراسي انسطر
ماحسيت اله الساعه 11
الصبح
واسمع الباب تفشل امي جانت مموجوده بس مرتضى نايم
فتحت الباب الشرطه بوجهي صارت
دخلوا أخذوا مرتضى
وطلعوا  ردت افتهم شكو ما فتهمت
ركضت خابرت امي ماما الحكي
اجت الشرطه أخذت
مرتضى
كالت ليش ولج شكو شمسوي
والله يمه مااعرف
اني هسه ارجع
رحتي حاولت اتصل
بعلاوي
يطلع خارج التغطيه
اجت امي كالت خابري اخوج يشوف شكو
كتلها اتصل بيه ماكو
اظطرت امي تتصل بخوالي
اجه خالي اخذته امي وراحت
لمركز الشرطه
اني بيني وبين نفسي اكول حل عساه مطلع هاي حوبتي بي
وره ساعه طبت امي
خالي ذابها ورايح ها يمه شكو
ولج معزايه كل من وراج
ومن وره سوالفج
شكو ماما
لج مرتضى رايح لعلاوي
للمحل وضابرة براسه وفاتحه اله نصين
يكولون حالته خطره بالمستشفى
وساميه ماكالت باطل
بسرعه اشتكت ع ابني
اني صرخت وانت هذا الهامج
اشتكو
يمه عساه لا طلع المهم هسه علاوي شصارله
اني لازم اروحله
والله اموت اذا صارله شي بسببي
يعني ابوي مات بسببي
وعلاوي انظرب بسببي
ليش كل الناس إلي أحبهم
اسبب الهم الأذى
كمت ألوم بنفسي ليش خابرت
علاوي ليش دخلته
اوف علاوي فدوه لاتعوفني
ماعندي غيرك بالدنيا
والله اذا صارلك شي
اقتل نفسي واخلص متحملت ثاني يوم الصبح بحجة الدوام رحت للمستشفى
ادور عليه
لحد ماشفت خالتي ساميه كاعده
ع كرسي
ركضت عليها هاا خاله شلونه علاوي
هله خاله شبكتني شجابج يوم
خاله مو مهم اكلج
بس بشري
بعده تحت رحمة الله ادعيله فدوه
وليدي ماعندي غيره بالدنيا هذا سندي وحزام ضهري والله اموت اذا صارله شي
لا خاله لدكولين هيج علاوي قوي
هسه يكوم بالسلامه
صرت مااعرف اواسيها لو اواسي نفسي
اصبرها لو أصبر نفسي
خاله اني السبب اني اشتكيت يمه
بس والله ما ادري راح يأذيه
لو اعرف جان ولا دخلته بالموضوع
لا خاله لادكولين هيج انت مالج دخل
مرتضى من هو صغير حاقد
ع اخوه وميحبه أبد
هذا كله بسبب امج الله يصلحها
هي الي زرعت الحقد والتفرقة بينهم
وهي الي دللت مرتضى زايد
الله يرحمه صباح جان
دائما يكولها لا تفرقين بين الإخوان
وجان دوم يوصي علاوي بيكم
الله يرحمك بابا
لو انت عايش مصار إلي صار
بقيت كاعده يمها تقريب ساعتين
كالت روحي يمه
امج لا يضل بالها عليج
خاله مااروح اذا مااطمن ع علاوي
دنحجي واجه الدكتور
دخل للغرفه واحنه بره
جان ممنوع ندخل عليه
دخل بقى ربع ساعة وطلع
ركضنا ها بشر
كال زين حالته استقرت
أن شاء الله يستجيب للعلاج
وينتبه
اي الحمد لله
طلع الدكتور كتله فدوه دكتور بس ندخل نشوفه
ماقبل
لشويه واجت مينا زوجة علاوي
خطيه تبجي
كالت الها خالتي ليش اجيتي
مو كتلج لا تجين انت حامل موزين عليج
خاله والله مااكدر  ابقى بالبيت تلفت أعصابي من التفكير
خليني يمج هنا احسن

اني الظهر ورجعت
للبيت أخذت رقم مينا حتى اتصل
بيها واطمن ع الوضع
اول مدخلت اتلكتني امي ها وين جنتي اكيد رحتي
عفتها ودخلت تعبت بعد مااكدر حتى اجادل واحجي
صاحت كوليلي هسه شلونه
موزين
ياااا
بس لا يموت واخوج يروح بيها
عطت بيها يمه وانت هذا الهامج يروح بيها مرتضى
عساه أن شاء الله مات وخلصنه منه
وللحكايه بقيه #ام_مصطفى