{Unicode}
Australia က ပြန်ရောက် လာကတည်းက Jennie တစ်ယောက် ဂနာမငြိမ် တာကို Jisoo သတိထားမိနေတာကြာပြီ။
တခါတလေ တစက်မှ အငြိမ်မနေသလို တခါတလေကျတော့လည်း ပြူတင်းပေါက်အပြင်ဘက်ကို အကြာကြီး စိုက်ကြည့်ပြီး ငေးနေတတ်သည်။
အခုလည်း နှစ်ယောက် အတူတူ ဟာသကားထိုင်ကြည့်နေပေမဲ့ Jennie ကတော့ ဇာတ်ကားထဲ စိတ်မဝင်စား Phone ကိုသာ ခဏခဏကြည့်နေသည်။
" ဟဲ့ နင်မဟုတ်တော့ဘူး, ဘာဖြစ်နေတာလဲ "
Jisoo မနေနိုင်တော့တဲ့ အဆုံး စားနေတဲ့ မုန့်ထုပ်ဘေးချပြီး Jennie ကို လှည့်မေးလိုက်သည်။
" ဟင် ငါဘာဖြစ်နေလို့လဲ"
" နင် ဟိုကပြန်လာပြီးကတည်းက ဘာပုံဖြစ်နေမှန်းကို မသိဘူး။ ဒီ Ph ကြီးပဲ ကြည့်ကြည့်နေတာ။ တခါတလေ Ph ကြည့်ပြီး ပြုံးလိုက် တခါတလေ ပြူတင်းပေါက်မှာ ငေးဆွေးနေလိုက်နဲ့ ၊ ရည်းစားပူမိနေသလိုပဲ"
" အယ်!!ခုမှ စဉ်းစားမိတယ် မဟုတ်မှလွဲရော နင်ရည်းစားရနေပီလား"
Jennie အလန့်တကြား အသံပြဲကြီးနဲ့ ပြောနေတဲ့ Jisoo ပါးစပ်ကို အမြန်လှမ်းပိတ်ရသည်။
" တိုးတိုးပြောပါဟ Jisooရဲ့ မေမေကြားသွားမှဖြင့်"
" သြော် နင်က တကယ်ရည်းစားရလာတာကို၊ ငါ့ကိုပြောပြ နင်ဟိုမှာ ဘာတွေဖြစ်ခဲ့လဲ"
Jisoo မေးခွန်းကို သူဘယ်က ဘယ်လို စဖြေရမယ်မသိ။
Jennie ဘာမှ မဖြေသေးပဲ အနီးက ရေဘူးကိုသာ ဖွင့်သောက်နေသည်။
" ဟဲ့ ငါမေးနေတယ်ဟာ ငယ်သူငယ်ချင်းအချင်းချင်းလျှိုထားတယ်။ နင်မပြောပြရင်တော့ ငါစိတ်ဆိုးမှာ"
Jisoo စိတ်ဆိုးမယ် ဆိုတော့ Jennie မပြောလို့မဖြစ်တော့။ Jisoo က စိတ်ဆိုးစိတ်ကောက်ရင် အနည်းဆုံးတစ်ပတ်လောက်ကြာသည်။
ဒါတောင် သူနဲ့က ငယ်သူငယ်ချင်းမို့။ အခြားသူဆို အနည်းဆုံး တစ်လ နှစ်လ ကြာတတ်သည်။ အာ့ကြောင့် Jisoo စိတ်ဆ်ိုးမှာကိုတော့ Jennie ကြောက်သည်။
" အေး ငါဟိုမှာ ကောင်မလေးတစ်ယောက်နဲ့ဆုံခဲ့တယ်။ ပြီးတော့ ဒီ ပြန်လာခံနီးမှာပဲ သူနဲ့ ငါ......."
YOU ARE READING
Perpetual Love
RomanceJennie : " အချစ်ဆိုတာ ဘာမှန်းတောင် ငါမသိတော့ ဘူးဟာ....." Lisa: " ငါ့မျက်နှာပေါ်က အပြုံးတွေက သူ့ဆီက ဖြစ် တည်လာခဲ့တာ" Rosé: " ငါသူ့ကို ချစ်နေသရွေ့မဟုတ်ဘူး သူငါ့ကို ချစ် နေသေးသရွေ့ သူ့အနားမှာ ငါရှိနေမယ်"