{Unicode}
Jennie မျက်လုံးလေးတွေဖွင့်ဖွင့်ချင်း မြင်လိုက်ရတာက Lisa ရဲ့ အပြုံးလေး။
သူ့ကို ပြုံးပြုံးလေး ကြည့်ရင်း ဖက်ထားတဲ့ Lisa ရဲ့ ရင်ခွင်ထဲကို ပိုပြီး တိုးဝင်သွားကာ ပြန်မှေးနေလိုက်သည်။
" ထတော့ Jen။ မနက်စာစားရအောင်"
"မစားချင်ဘူး။ ပြန်အိပ်အုံးမယ်။"
" မစားလို့မရဘူး။ JenJen တအားပိန်သွားတယ်။ အားရှိအောင် တစ်ခုခုစားရမယ်"
"ဘယ်သူ့ကြောင့် ပိန်သွားတာလဲ"
Jennie သူ့ကို မျက်မှောင်လေးကြုံကာ ကြည့်ပြီးမေးတော့ Lisa မျက်နှာလေး ပြုံးသွားရင်း
" ဟုတ်ပါတယ်။ LiLi ကြောင့်ပါ။ LiLi ဂရုမစိုက်လို့ Jen လေး ပိန်သွားတာ"
"သိရင်ပြီးရော။ "
Jennie ကျေနပ်သွားတဲ့ အပြုံးကြီးနဲ့ ပြောလိုက်ရင်း Lisa ရင်ခွင်ထဲမှာ ခေါင်းတိုးပြီး ပြန်အိပ်ဖို့ လုပ်သည်။
" မအိပ်နဲ့တော့ Jen ရယ် ။ ခေါင်းတွေ ကိုက်နေမယ်။ ထတော့။ ညကျမှ စောစောပြန်အိပ်"
Jennie ကို အတင်းနိုးပြီး ရေချိူးခန်းထဲ Lisa ကုန်းပိုးပြီး ခေါ်လာရသည်။
မျက်စိမပွင့်သေးတဲ့ Jennie ကို သူကိုယ်တိုင် သွားတိုက် မျက်နှာသစ်ပေးရသည်။
အမှန်တော့ Jennie နိုးနေပြီ။ တမင် Lisa ကို ချွဲနေခြင်း သက်သက်။
မနက်စာ ပြင်တော့လည်း Jennie က သူ့ကို အနောက်ကနေမလွတ်တမ်းဖက်ထားလို့ အဲ့အတိုင်းပြင်ရသည်။
"ကဲ စားလို့ရပါပြီရှင့်"
နှစ်ယောက်သား မနက်စာ စားနေတုန်း Jennie က Lisa ကို ကြည့်နေသည်။ Lisa က ပြန်ကြည့်တော့ မျက်နှာလွဲသွားပြီး စားစရာရှိတာ ဆက်စားလျက်။
Lisa စားလက်စကို ရပ်လိုက်ပြီး Jennie ကို သေချာကြည့်ကာ
"LiLi ကို ဘာပြောမလို့လဲ Jen။ "
အဲ့ကျမှ Jennie မရဲတရဲပုံလေးနဲ့ Lisa ကိုကြည့်ရင်း
"Jen, Chae နဲ့တွေ့ချင်တယ်။ Chae ရှိတဲ့ နေရာကို Jen ကို လိုက်ပို့ပေးပါလား။ သူ့ကို Jen နှုတ်ဆက်ချင်လို့"
YOU ARE READING
Perpetual Love
RomanceJennie : " အချစ်ဆိုတာ ဘာမှန်းတောင် ငါမသိတော့ ဘူးဟာ....." Lisa: " ငါ့မျက်နှာပေါ်က အပြုံးတွေက သူ့ဆီက ဖြစ် တည်လာခဲ့တာ" Rosé: " ငါသူ့ကို ချစ်နေသရွေ့မဟုတ်ဘူး သူငါ့ကို ချစ် နေသေးသရွေ့ သူ့အနားမှာ ငါရှိနေမယ်"