معاناة امرأة

( البارت الثالث )

أيها الغائب .....
سؤال ..؟
أأحببتني حقاً ؟..
أم أن وقت فراغك رمى بك في طريقي ..
وعندما أتممت فراغك عدت إلى ماضيك .
.

.

.
بارت طويل وهدية😊😘😍 اتفاعلوافديتكم😘
.

.
خالو سامر صديقه محمود اخوه هو الجان يراقب امي من بعيد..

ورا فتره اتقدملها هو جان اصغر من امي ب 3 سنوات خريج كليه شرطه واعزب بعده ..

من جوي هو واهله اتقدمو لامي وطلع ابو المتقدم صديق جدي جان سايق وياه بس متوفي من السبعينات بمرض السل وطبعا حالتهم الماديه موزينه جانت..

وامهم تشتغل خياطه بمعمل وهم 6
3 ولد 3 بنات ومحد مزوج بس 2 البنات الكبار البقيه مامزوجين ..

وتقدم لامي عن طريق اخوه  محمود لان صديق خالو سامر ..

طبعا ماقبلو بيهم وجدي رفض وامي هم جدي كال ذوله حالتهم مو هلكد الفقر مو عيب بس اكيد طمعانين لان عندي بيوت 2 والبنيه موظفه ...

بذاك الوكت الي عنده بيت ملك زنكين يعتبر مو عاد بيتين وتقاعد وبنته موظفه واهل بيبي وجدي معروفين باصلهم وحالتهم التوب الي جان يتقدم اكثرهم بطمع..

جدي كال ذوله اعرف ابوهم صح جان خوش رجال الله يرحمه فقير وماله صوت بس مرته قويه ماتنجرع مااريدهن رجعولهن خبر الرفض...

وظلو كل فتره يجون وجدي يرفض ...

.......................

سنه 1987 بيت جدي الرطوبه انتشرت بي والمنطقه صارت كلها فيتريه شارع تجاري عام جدي كلش يضوج من الهوسه وانوب هذا المتقدم لامي لحو هواي ...

جدي كلش اتعصب ووصى دلال صديقه لكاله بيت بنفس المنطقه بس ليغاد شوي ابعد وانتقلو للبيت الجديد..

والبيت القديم انباع ومانطو عنوان البيت الجديد لاحد من المنطقه حتى محد يجي من ذوله الخطابين ..

خالتي الكبيره كانت ملتهيه بالبناء وخالتي الثانيه جانت ملتهيه بزوجها اصابته سوته اعرج وصار مايطلع من البيت وكله مجاز واذا يداوم يومين والاسبوع الباقي مجاز ...

عاد قدم ع معامله تقاعد بس طولت لان البلد جانت بحرب ايران بعدها مخلصانه...

البيت الجديد انتقلو بي بيت جدي بيت حلو وكبير وواسع جان طابقين وتصميمه حلو كلش 😞 لحد يومنا هذا اني اذكر ذاك البيت تركلي اثر كبير
اجمل بيوت بيت جدي...

جان عباره عن طرمه بس مو كلش كبيره لا زينه وجان بالطرمه بابين باب للاستقبال وباب للهول الاستقبال كان كبير عباره عن غرفه ببطن غرفه وحده مفتوحه.ع الثانيه كبار وهول كبير و 2 مطابخ هم واحد مفتوح ع اللاخ  واحد حار وواحد بارد وممر وحمام وتواليت مفصولات..