معاناة امرأة

(البارت ٢٢)

#معاناةامرأة..

#نورا_الرماحي..

................

هلو حبايبي 😘😍مشتاقون❤🌹..
.
.

- إقنِعيهُم #بضحكِتِك 🌸💚

- وإن #بگـيتي ، عَلميهم گيف تَكـون الدّمعة جَمآل ♪❤🙊😘

.............

حجتلنا خالتي عن موضوع حسام ومرته...

والي عرفنا  انو خالتي مفتشه غرفتها ولاكيه ملابس داخليه وسخه حشاكم...

واساسا هي ماتجيها الشهريه لان صغيرة مابالغة بعدها..

و اصلا  فوك كل هذا ع اساس بليله العرس طلعت مو بنيه اصلا ...

بس ع اساس حسام من حاجي لابوه مسكته وكايله هاي بنت عمك مهما تكون انت تصير ستر عليها وغطا مو تفضحها كدام العشيره ...

وكايل حسام مااريدها مااطيقها ورطوني بيها اني وين وهاي وين حجايه ماتعرف تحجي... ومكظيتها لو نايمه لو ساكته ...لو تنزل جوا تكعد...لو تخابر امها😡

مااريدها لازم تخلصوني  منها ومن جوي اهلها ثاني اليوم العرس الام ع اساس كايله انو بنتها صغيره وغشاءالبكارةماعدها من الولادة

وع اساس عدهم  تقارير بيها والبنت صغيرة وبرئية وماتعرف شي عن ليله العرس 😏

المهم بيوم العركه جاين اهلها ولاكين بنتهم مدمايه مملخها كتل حسام..

وكايلين اذا هو ناوي يطلك ينطيها حقوقها كامله والذهب والملابس وغرفه النوم بنتنا انظلمت وهي بعدها طفله..

حسام من سامع هيج متخبل  وكايم وماخذ جاكوج ومكسر اخشاب الغرفه كلها تكسر...

وشون غرفه جانت من هاي توصاية تكمة يم النجار وكلها مرايات

مكسر كل شي بيها وكايل لامه واخته يكصكصون كل الهدوم مايخلون شي صاحي

والمكياج مكسره هو والذهب ماخذه هو و مقبل ينطيه

وصاعده رقيه وخالتي ومكصكصين هدومها مال بيت وطلعه ولاكين جوا السرير العفو ملابس داخليه معفنه مامغسوله😱

لان متغسل ملابسها تنزع وتشمر وماعدا الهدوم الوسخه الضامتها..

ثاني يوم جاين اهلها وجايبين سياره وماخذين غرفه النوم المكسره والغراض رغم شافو كل شي مكسر ومكصكص بس هم اخذوهن😂.

حسام انهار كلش  لان هو هادئ مو عصبي ومتخبل كلش لان انغش ببنت عمه

اولا طلعت مو بنيه ووسخه ومو خوش ادميه والسان وجساره وفشار

واخر شي طلعت مصادقه واحد من منطقه بيت خالتي وتصعد تسولف وياه بالسطح 😱

وخلال ايام تم الطلاق وع اساس فيما بعد انخطبت نسمه واتزوجت بس هي حسب كلام خالتي مابالغه ماعدها شهريه بعد،