معاناة امرأة

( البارت 12)

#معاناةامرأة..

#نورا الرماحي
..............
هلوحبايبي 😘😍 شكرا لتعليقاتكم الحلوة  الي مثل  روحكم  الحلوة 😘
.
.
.

ومازلت لا أدري أيهما يؤلمني أكثر..

الأشياء التي أفعلها رغما عن قلبي ,

أم الأشياء التي يفعلها قلبي رغما عني !!

ريم...

راح  انور  لبيت  جده  علمود  الدفنة
وراحت وي انور ام رنا وام ايه ..

واني ظليت يم البنات..

راح انور 3 ايام الفاتحه ماشفته
وكلما اخابره يكلي اجي
بس مداكدر ملتهي ..

طبعا لازم يلتهي لان اكو وجه جديد للساحه بحياته

نخلص من كوثر تطلع بنت عمه نبراس الحب القديم

اني خابرت امي كتلها توفت بيبي وراحت خطيه تادي الواجب

واخذت بابا هم لفاتحه الرياجيل لخاطري طبعا يجون

مو لخاطر انور واهله امي كل ظنها راح تشوفني بالفاتحه

بس وين ضربني بوري الافندي وماوصلت بعد  لبيت  جده

امي من  راحتلهم ام انور وخواته استقبلوها وعمات انور

بس ام فاطمه محجت وي امي وكذلك امي محجت هم وياها

طابة لغرفتي امي وشايفتها صايره عباره عن حرب

بيها ناس متدري منين كلها مسويه اقامه
وفراشي ياهو تجي تنام عليه

الي تنيم جهالها والي تنام بيها هي ورجلها

وكنتوري بكل مكان بيه وحده تظم شي  جنطتها.. غراضها..

اما ميز التواليت كل العطور باقي شوي ياهو يجي يرش منه

وكذلك المكياج بيد الجهال اما تحفيات الغرفه الناعمه لعب بيد الجهال ..

والثلاجه كنتور يفتحون ويسدون بيه

امي مامتحملة  الموقف صايرة تملخ روحها

خابرتني تكمز تكلي ..لج لحكي غرفتج راحت وغراضج

كتلها ..شسوي منو يجيبني انور وماكو ملتهي

كالت.. ولج لملمت الاكدر عليه وشلته غرفه صفا محد يطبها

لان صفا قافله الغرفه محد يجرء ويطب بس غرفتج صايره مزار لياهو اليجي

اويلي ع بختج فار دمي فوران..

وكمت الوب من  سمعت  كلام امي ولينا وضحى يهدون بيا واني ماكو لو عندي جناح يمكن اطير واروح اهناك

يعني جاسم امه الميته غرفته محد يطبلها واني غرفتي صايره خرابه  اي ليش ياربي😱

الله لاينطيك انور انت وام دلال الكلبه عود وصيتها