معاناة امرأة

( البارت التاسع )

المرأة كالقمر لاتصدر الضوء من ذاتها👩
وإنما تعكس الضوء الآتي إليها من شمس رجل يحبها 👨...

هلوحبايبي 😘😍

كل عام وانتو بالف خير بمناسبة المولدالنبوي الشريف...
.
.
.

سليم جان يصيح ولازم سجينه من طب
ابويه..

وكبت الهوسه بابا عيط بسليم وكله... ياعار ماتستحي  تتقاوى على مرة😡

وسليم يعيط ويفشر هم ويكله..
هدى حية تريد اتهجج مرتي من البيت😡

وبابا يكله... ولك اخويه الجبير انت ولازم سجينه لمرتي ولبنتي تريدتذبحهن ليشششش شمسويلك 😡

وسحله بابا لسليم لحد السياره مال النجده وهو يحلف الا يصعده ويحبسه..

و محمود يصيح وحازم وحامد ولدخالتهم يتوسلون بأبويه يعوفه..

وامي تبجي وتعيط وذاك يهدد ويتوعد لامي ولابويه ..

واحلام تلطم وتصيح ...يبووو راح يطبب اخوه للسجن  😱

وابتسام تصيح.. بسام راح تحبس اخوك من ورا هاي الحيه ...

وجان يلتفت بابا الها وراح اندار عليها  كاللها ...لعد دتعاي انتي هم  وتقدم ويريد يجرها ويسحلها😁

اجتي احلام جرتهامن ايد بابا ودفعتها للبيت و تكللها... انطمي وطبي ام المصايب كله  من  وراج😡

واجت احلام تجر بأبويه وتتؤسل بيه وتكله... راح تحبس اخوك تاليتها وتفرج العالم علينا...

وكعدت  بالكاع  وتربعت وكامت تنعي وينج يا يومه تعالي ...
تعالي شوفي ولدج من ورا الجناين شيسون😭 ...

ع اساس جانت حنينه كلش وميتةعلى امها 😒...

وامي تبجي ولازمتني والجوارين والمنطقه كلها وكفت تتفرج علينا..

ام حيدر تتوسل بابويه تكله.. خويه فدوه اروحلك عوفه هذا  اخوك  ابن امك وابوك لاتعذبهم وهمةبگبرهم..

ابويه يعيط كاللها... ولكم بعدني عايش مامتت وتسون هيج بمرتي وبنتي لو اموت شسون بيهم اكوواحد يشيل سجينة على مرت اخوه وبنته...ليش شمسوية ماكلة ورثكم😡..

  كوه العالم ادخلت وتواسيل خلو ابويه يعوفه وهدده بابا كدام الناس  وكله لسليم... اذا فتحت حلكك انوب ماتلوم الا روحك

قسمابالله اخيسك بالسجون ومااديرلك بال ولا يهمني اخ ولا غيره

ياناس طكت مرارتي منهم

ورجع اندار ل امي وكللها ..طبي كدامي وداشوف يارجال يمنعج منا وبعد..

امي ترجف وخايفة كوة واكفة على رجليها..

طبت وهي شايلتني وصعدت تركض ابويه صعد ورانا ..

كاللها لامي اني رايح هسه لان عندي خفاره اقفلي بابج والصبح جاي اني ولاتحاجين احد ولا تردين على احد